العاشقى ماۋسىمداعى شينجياڭ ەلەكتر تورىنىڭ جاڭا ەنەرگيا گەنەراتور اگراگاتتار سيىمدىلىعى سايكەس مەزگىلدەگىدەن 18 ەسە ارتتى
2023.04.13 15:51 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى چىن چياڭۋي 4 - ايدىڭ 11 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، ءبىرىنشى ماۋسىمدا شينجياڭ ەلەكتر تورىنا جاڭادان قوسىلعان ەلەكتر قاينارى گەنەراتور اگراگاتتارىنىڭ سيىمدىلىعى 3 ميلليون 400 مىڭ كيلوۆات بولعان، مۇنىڭ ىشىندە جاڭا ەنەرگيا گەنەراتور اگراگاتتارىنىڭ سيىمدىلىعى 2 ميلليون 301 مىڭ كيلوۆات بولىپ، سايكەس مەزگىلدەگىدەن 18 ەسە ارتىپ، شينجياڭ ەلەكتر تورىنا جاڭادان قوسىلعان ەلەكتر قاينارى گەنەراتور اگراگاتتارى جالپى مولشەرىنىڭ ％67.6ىن يەلەگەن.
ءبىرىنشى ماۋسىمدا شينجياڭ ەلەكتر تورىنا جاڭادان قوسىلعان جەل ەلەكتر گەنەراتور اگراگاتتارىنىڭ سيىمدىلىعى ءبىر ميلليون 97 مىڭ كيلوۆات، جاڭادان قوسىلعان فوتوۆولتتىق گەنەراتور اگراگاتتارىنىڭ سيىمدىلىعى ءبىر ميلليون 204 مىڭ كيلوۆات بولعان. ءبىرىنشى ماۋسىمداعى جاڭا ەنەرگيا گەنەراتور اگراگاتتارىنىڭ سيىمدىلىعى بىلتىرعى جەلىگە تۇتاستىرىلۋ كولەمىنىڭ ％57ىنە جەتكەن.
شينجياڭنىڭ جەرى كەڭ، جەل، جارىق بايلىعى مول، تازا ەنەرگيانى دامىتۋ باسىمدىعى بار. اۆتونوميالى رايوننىڭ جاڭا ەنەرگيانى دامىتۋ شارالارىنىڭ تياناقتاندىرىلۋىنا ىلەسە، بيىل شينجياڭنىڭ جاڭا ەنەرگيا گەنەراتور اگراگاتتارى تاعى ءبىر رەتكى قاۋىرت ارتۋ مەزگىلىن قارسى الدى. 3 - ايدىڭ 31 - كۇنىنە دەيىن، شينجياڭ ەلەكتر تورىنداعى ەلەكتر قاينارى گەنەراتور اگراگاتتارىنىڭ جالپى سيىمدىلىعى 117 ميلليون 211 مىڭ كيلوۆات، جاڭا ەنەرگيا گەنەراتور اگراگاتتارىنىڭ جالپى سيىمدىلىعى 43 ميلليون 170 مىڭ كيلوۆات بولدى، مۇنىڭ ىشىندە جەل ەلەكتر گەنەراتور اگراگاتتارىنىڭ سيىمدىلىعى 27 ميلليون 240 مىڭ كيلوۆات، فوتوۆولتتىق گەنەراتور اگراگاتتارىنىڭ سيىمدىلىعى 15 ميلليون 930 مىڭ كيلوۆات بولدى. جاڭا ەنەرگيا گەنەراتور اگراگاتتارىنىڭ سيىمدىلىعى جاعىندا مەملەكەت ەلەكتر تورى شەكتى سەرىكتەستىگى بويىنشا الدىڭعى قاتاردى يەلەپ، باتىس سولتۇستىك بويىنشا ءبىرىنشى بولدى.
مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى جاڭا ەنەرگيانى جەلىگە قوسۋعا قىزمەت وتەۋ جانە سيعىزۋ قىزمەتىن بار كۇشپەن ويداعىداي ىستەۋ ءۇشىن، ۇكىمەت تاراۋلارىنىڭ زەرتتەۋىنە، دالەلدەۋىنە بەلسەنە سايكەسىپ، جاڭا ەنەرگيانى جەلىگە جالعاۋ جوباسىن ۇزدىكسىز ساپالىلاندىرىپ، جاڭا ەنەرگيانى عىلمي اشۋعا، ۇيلەسىمدى ورنالاستىرۋعا جەتەكتەدى؛ 2023 - جىلعى جاڭا ەنەرگيا نىساندارىن جەلىگە قوسۋ احۋالىن سالالاپ، جاڭا ەنەرگيانى جەلىگە قوسۋ جوسپارىن ۇيلەسىمدى ورنالاستىردى؛ ەلەكتر ستانسيالارى مەن ەلەكتر تورىنىڭ جاڭا ەنەرگيانى جەلىگە قوسۋ، سيعىزۋ جونىندەگى سايكەستىرۋ ءماجىلىسىن اي سايىن اشىپ، ەلەكتر تاراتۋ كاسىپورىندارىمەن ”اي سايىن ىلگەرىلەتۋ، اپتا سايىن باسقارۋ - تىزگىندەۋ“ بويىنشا سايكەسۋ قىزمەت مەحانيزمىن ورناتىپ، جەلىگە قوسۋ بارىسىندا ورىن تەپكەن ماسەلەلەردى دەر كەزىندە سايكەستىرۋ ارقىلى شەشىپ، قىزمەتتەردىڭ ءساتتى ورىستەتىلۋىن ىلگەرىلەتتى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
