جاڭ چۇنلين قىزىلسۋ قىرعىز اۆتونوميالى وبلىسىندا، اقسۋ ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
نەگىزدىك قىزمەتتى كۇشەيتىپ، ەنەرگيامەن قامتاماسىز ەتۋ دەڭگەيىن جوعارىلاتۋ كەرەك
2023.04.14 16:39 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ شياڭ، ەرىكتى ءتىلشى حۋ شياۋشياۋ 4 - ايدىڭ 12 - كۇنى اقسۋدان حابارلايدى. جۋىقتا اۆتونوميالى رايوندىق پارتكومنىڭ ورىنباسار شۋجيى، قازىنا - ەكونوميكا كەڭسەسىنىڭ مەڭگەرۋشىسى جاڭ چۇنلين قىزىلسۋ قىرعىز اۆتونوميالى وبلىسىنا، اقسۋ ايماعىنا بارىپ، جۇڭگو مۇنايى تارىم مۇناي الابى اق مۇم تابيعي گاز الابى، جۇڭگو مۇناي حيمياسى تارىم وزەنى مۇناي ايىرۋ شەكتى جاۋاپكەرشىلىك سەرىكتەستىگى، كۇشار - باي كەن رايونى كومىر قاباتى گازىن بارلاۋ سىناق رايونى، جۇڭمان مۇنايى ۋىنبەي مۇناي الابى سياقتى جەرلەردى ىشكەرىلەي ارالاپ، كەلەلى نىسان قۇرىلىسى، اشىق كومىر كەن ءوندىرىس حاۋىپسىزدىگى، مۇناي - تابيعي گازدى بارلاپ اشۋ سياقتى قىزمەتتەر جونىندە تەكسەرۋ - زەرتتەۋ جۇرگىزدى.
جاڭ چۇنلين بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا شينجياڭنىڭ كومىر، مۇناي - تابيعي گاز سياقتى بايلىق باسىمدىعىن تياناق ەتىپ، بارلاپ اشۋ، جىنتىكتەي وڭدەۋ جانە جالپىلىق پايدالانۋ تەبىنىن كۇشەيتىپ، مەملەكەتتىڭ ەنەرگيا بايلىعى حاۋىپسىزدىگىن قامتاماسىز ەتىپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋ كەرەك.
جاڭ چۇنلين مىنالاردى تالاپ ەتتى: جاسىل، تومەن كومىر قىشقىل گازدى دامۋعا تاباندى بولىپ، قازىرگى ەنەرگيا كاسىپورىندارىنىڭ ءوندىرىس جابدىقتارىن جانە تەحنولوگيالىق بارىسىن تەحنيكالىق جاقتان جاڭالاۋعا ۇسىنىلىم تەبىنىن ارتتىرىپ، كۇكىرت قوس توتىعىن، ازوت توتىعىن جانە ىس - تۇتەك شىعارۋ مولشەرىن تومەندەتىپ، ەكولوگيالىق حاۋىپسىزدىكتىڭ قىزىل سىزىعىن بەكەم ساقتاۋ كەرەك. حاۋىپسىز دامۋعا تاباندى بولىپ، حالىقتى بارىنەن جوعارى قويۋ، ءومىردى بارىنەن جوعارى قويۋ سىندى دامۋ ۇستانىمىن بەرىك ورناتىپ، حاۋىپسىز ءوندىرىس جۇرگىزۋدىڭ ولشەمىن قاتاڭ اتقارىپ، سلوپ رادار، ۇشقىش اپپارات سياقتى تەكسەرۋ - ولشەۋ جابدىقتارىنان ويداعىداي پايدالانىپ، ادامسىز جۇرگىزۋ، قاشىقتان مەڭگەرۋ سياقتى زەردەلى جابدىقتاردى جالپىلاستىرىپ، كومىر كەن كاسىپورنىنىڭ وزىندىك حاۋىپسىزدىك دەڭگەيىن جوعارىلاتۋ كەرەك. قىزمەت وتەۋدى ساپالىلاندىرۋعا تاباندى بولىپ، قىزمەت وتەۋ قابىلەتىن ارتتىرىپ، قارجىلاندىرۋ جانە قارجى قۇراۋ ۇلگىسىندە جاڭالىق اشىپ، مۇناي - تابيعي گاز كاسىپورىندارىن بارلاپ اشۋ تەبىنىن ارتتىرۋعا شابىتتاندىرىپ جانە ونى ىلگەرىلەتىپ، كومىر قاباتى گازى بايلىعىن بەلسەنە اشىپ، مۇناي - تابيعي گاز ءوندىرىس قۋاتىن جوعارىلاتۋ كەرەك. دامۋ ارقىلى حالىققا تيىمدىلىك جاساۋعا تاباندى بولىپ، تابيعي گاز حالىققا قولايلىلىق جاساۋ قۇبىر تورىن جانە تابيعي گاز قامباسىن ويداعىداي قۇرىپ، ويداعىداي پايدالانىپ، ءار ۇلت بۇقاراسىنىڭ ءوندىرىس - تۇرمىسىنا، اسىرەسە، قىس ماۋسىمىنداعى جىلۋمەن قامداۋعا جەتكىلىكتى، ورنىقتى تابيعي گاز قاينارىن ازىرلەپ، مۇناي - تابيعي گاز بايلىعىن اشۋ ارقىلى ءار ۇلت بۇقاراسىنا اناعۇرلىم تيىمدىلىك جاساۋ كەرەك.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
