قاتتى بوران سوعىپ، سۋىق اعىس جۇرەدى! شينجياڭ اۋا رايى ستانسياسى قوس ساقتىق سيگنالىن جاريالادى
2023.04.17 13:41 كەلۋ قاينارى : حالىق تورابى
4 – ايدىڭ 16 - كۇنى ساعات 22 دەن 31 مينۋت وتكەندە، شينجياڭ اۋا رايى ستانسياسى بوراننان ساقتانۋدىڭ كوك ءتۇستى ساقتىق سيگنالىن تاراتتى: مەجەمەن بۇگىن تۇننەن 4 – ايدىڭ 18 – كۇنى تۇنگە دەيىن سولتۇستىك شينجياڭ، شىعىس شينجياڭ جانە اقسۋ ايماعى، بايىنعولين وبلىسىنىڭ سولتۇستىگى سياقتى جەرلەردىڭ ءىشىنارا وڭىرلەرىندە ىلگەرىندى – كەيىندى 6 دا 7 بال قيىس باتىس نەمەسە باتىس سولتۇستىك مەزەتتىك جەلى سوعادى، جەل وتىندەگى جەل كۇشى 9 دا 10 بالعا جەتەدى، مەزەتتىك جەل كۇشى 12 بال بولادى.
4 – ايدىڭ 16 – كۇنى ساعات 18 دەن 29 مينۋت وتكەندە، شينجياڭ اۋا رايى ستانسياسى سۋىق اعىستىڭ كوك ءتۇستى ساقتىق سيگنالىن جاريالادى: مەجەمەن بۇگىن تۇننەن 4 – ايدىڭ 19 – كۇنى تۇنگە دەيىن سولتۇستىك شينجياڭنىڭ باسىم كوپ بولەگىندە، شىعىس شينجياڭدا ەڭ تومەنگى تەمپەراتۋرا 8 دە 10 سەلتسي گرادۋس تومەندەيدى، سولتۇستىك شينجياڭنىڭ سولتۇستىگى، سانجى وبلىسىنىڭ شىعىس بولەگى، قۇمىل قالاسىنىڭ سولتۇستىك بولەگى سياقتى جەرلەردە تەمپەراتۋرا 10 دا 14 سەلتسي سەلتسي گرادۋس تومەندەيدى. جوعارىدا ايتىلعان باسىم كوپ رايونداردا سۋىق اعىس بولادى، ساقتىقتى كۇشەيتۋلەرىڭىزدى وتىنەمىز.
جاڭا سۋىق اعىستىڭ ىقپالىنان، شينجياڭنىڭ كوپ جەرىندە بوران سوعىپ، قار جاۋادى، جاڭبىر جاۋادى، تەمپەراتۋرا تومەندەيدى، 4 ـ ايدىڭ 16 ـ كۇنى ساعات 23كە دەيىن، شينجياڭ اۋا رايى ستانسياسى مەن جەر ـ جەردەگى اۋا رايى ستانسيالارى جاريالاعان اۋا رايىنان الدىن الا ساقتاندىرۋ سيگنالى 60 تان استى، مۇنىڭ ىشىندە 34 رەت داۋىلدان ساقتانۋ ساقتىق سيگنالى، 6 رەت قۇمدى بوراننان ساقتانۋ ساقتىق سيگنالى، 18 رەت ناجاعايدان ساقتاۋ ساقتىق سيگنالى بەرىلدى.
ورتالىق اۋا رايى ستانسياسىنىڭ مالىمەتىنە قاراعاندا، الداعى ءۇش كۇندە شينجياڭنىڭ سولتۇستىگىندە از نەمەسە ورتاشا جاڭبىر (قار) نەمەسە جاڭبىر ارالاس قار جاۋادى ەكەن، مۇنىڭ ىشىندە شينجياڭ التاي ايماعىنىڭ سولتۇستىك بولەگى، تيانشان تاۋلى رايونىنىڭ تەڭىز دەڭگەيىنەن بيىك رايونى قاتارلى جەرلەردە قالىڭ قار جاۋادى.
شينجياڭ اۋا رايى مەكەمەسى مىنانى ەسكەرتتى: سولتۇستىك شينجياڭدا جاڭبىر ، قار جاۋىپ، تەمپەراتۋرا تومەندەپ، جول تايعاق بولىپ، ءىشىنارا جولداردا مۇز قاتادى؛ جەل وتىندە قاتتى بوران سوعادى، وڭتۇستىك شينجياڭنىڭ ءىشىنارا بولەگىندە قۇمدى بوران سوعادى، قاتىناس ـ تاسىمال، قالا اينالىمى سياقتىلارعا ءبىرشاما زور ىقپال جاسايدى، قاتىناس تاراۋلارى قاتىناس ـ تاسىمالدى باسقارۋ جانە شۇعىل جاعدايعا توتەپ بەرۋ، ءبىر جاقتى ەتۋ دايىندىعىن كۇشەيتۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
