جۇڭگو اۆتوكولىك ەكسپورت (قورعاس) بازاسى ماڭدايشالىق استى
2023.04.17 13:40 كەلۋ قاينارى : حالىق تورابى
انار بۇلت \ شينجياڭ گازەتىنىڭ ءتىلشىسى بارشا تەگىس، ەرىكتى ءتىلشى يۇڭ چىڭفان 4 - ايدىڭ 15 - كۇنى قورعاستان حابارلايدى. 4 - ايدىڭ 14 - كۇنى جۇڭگو اۆتوكولىك ەكسپورت (قورعاس) بازاسى قورعاس قالاسىندا ماڭدايشالىق استى.
جۇڭگو اۆتوكولىك ەكسپورت (قورعاس) بازاسىنىڭ جالپى قۇرىلىس اۋدانى 133 مىڭ شارشى مەتر، ”تاۋار اۆتوكولىك ەكسپورت بازاسى + باقىلاۋ - باسقارۋ قامباسى“ سىندى باسقارۋ ۇلگىسى ارقىلى بارلىق تاۋار اۆتوكولىكتەردى كەدەن باقىلاۋ - باسقارۋ ورنىنا ەنگىزىپ، ءبىرتۇتاس باسقارادى. سونىمەن بىرگە، ەلەكتروندى ينفورماتسيالانعان باسقارۋ تۇعىرىن قۇرىپ، تاۋار اۆتوكولىكتەردىڭ شەكارادان شىعۋ جاعدايىن، بوس قالعان اۆتوكولىك ورنىن، شوفەرلەر مەن جۇمىسشىلار قىزمەت ورنى ينفورماتسياسىن، وكىلەتتى سەرىكتەستىكتىڭ نەگىزگى جاعدايىن دالمە - ءدال يگەرىپ جانە جاريالاپ، تۇعىردان پايدالانىپ زاۆود، وكىلەتتى سەرىكتەستىك، شوفەر سياقتى شەكارادان شىعۋ بۋىندارىنداعى ينفورماتسيادان ورتاق يگىلىكتەنۋدى جۇزەگە اسىرادى.
قازۋ ماشيناسى، جولاۋشىلار اۆتوكولىگى، جۇكتى ءوزى تۇسىرەتىن اۆتوكولىك، جول تاپتاۋ ماشيناسى، جاڭا ەنەرگيالى اۆتوكولىك سياقتى جۇڭگودا جاسالعان ءتۇرلى اۆتوكولىكتەر ءار كۇنى قورعاس شەكارا وتكەلى ارقىلى قازاقستان، وزبەكستان، رەسەي سياقتى ”ءبىر بەلدەۋ، ءبىر جول“ بويىنداعى ەلدەرگە ەكسپورت ەتىلەدى. ”ءبىر بەلدەۋ، ءبىر جول“ قۇرىلىسىنىڭ ىشكەرىلەي ىلگەرىلەتىلۋىنە ىلەسە، جۇڭگونىڭ اۆتوموبيل كاسىپورىندارى شەتەل بازارلارىنداعى ورنالاسىمىن ۇزدىكسىز جەدەلدەتىپ، ماركا ىقپالىن ۇزدىكسىز كۇشەيتەدى.
”جۇڭگو اۆتوكولىك ەكسپورتى (قورعاس) بازاسى جاڭا ەنەرگيالى اۆتوكولىكتىڭ، ەلىمىزدە وندىرىلگەن اۆتوكولىكتىڭ ەكسپورتىن ونان ارى كەڭەيتەدى. ءبىز اناعۇرلىم كوپ ماركا، اۆتوكولىك تۇرلەرىن رايونعا ەنگىزىپ، 24 ساعات بويى تاۋار اۆتوكولىكتەردىڭ شەكارادان شىعۋىن مالىمدەۋ قىزمەت وتەۋىمەن قامداپ، بازانى شينجياڭ تاۋار اۆتوكولىكتەرىن ەكسپورت ەتۋ ورتالىعى ەتىپ قۇرىپ شىعۋعا قۇلشىنىپ، قورعاستىڭ سىرتقى ساۋدا ەكونوميكاسىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتەمىز“دەدى قورعاس كەشەندى قورعامالى باجى اۋماعىن باسقارۋ كوميتەتى كەڭسەسىنىڭ ورىنباسار مەڭگەرۋشىسى باتىر.
قورعاس ازيا - ەۆروپا حالقارالىق قامداۋ تىزبەگى شەكتى سەرىكتەستىگىنىڭ باس ديرەكتورى گۋ حايفىڭ مىنالاردى ءبىلدىردى: سەرىكتەستىگىمىز نىسان زات اينالىمى جوباسىن ورنىقتى ىلگەرىلەتىپ، شەتەل كاسپورىندارىمەن سەلبەستىكتى تەرەڭدەتىپ، زات اينالىمى تيجارات كۇيىن كەمەلدەندىرىپ، جوعارعى - تومەنگى بۋىندارداعى بايلىقتى بىرىكتىرىپ، جۇڭگو ماركاسىنىڭ جاعدايعا سايكەسىپ شەتەلگە شىعۋىنا كۇش ۇستەپ، قورعاستىڭ جوعارى ساپالى دامۋىن ىلگەرىلەتۋگە دەم بەرەدى.
قورعاس قالالىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار قالا باستىعى ليۋ جىيان مىنالاردى ءبىلدىردى: جۇڭگو اۆتوكولىك ەكسپورت (قورعاس) بازاسى تاۋار اۆتوكولىكتەردى ەكسپورت ەتۋگە ”وتكەلدەن وتكەلگە دەيىنگى“ تۇتاس تىزبەكتە شەكارا اتتاعان زات اينالىمى قىزمەت وتەۋىمەن قامداپ، ەلىمىزدە وندىرىلگەن اۆتوكولىكتەردىڭ اناعۇرلىم تەز ”سىرتقا شىعارىلۋىنا“ دەم بەرىپ، حالىقارالىق بازاردى كەڭەيتىپ، الەمدىك باسەكەگە قاتىناسىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋعا، ازيا - ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن تۇلعالاۋعا تىڭ ۇلەس قوسادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
