بارىنشا اباي بولىڭىز، جاڭا تيپتى الدامكوستىك بايقالدى! مىناداي ەكى ولشەمدى كودتى، استە، جايمالاماڭىز
2023.04.17 13:53 كەلۋ قاينارى : حالىق تورابى
قازىر كوپتەگەن ادامدار ينتەرنەت ارقىلى زات ساتىپ الىپ، ونى جەدەل جولدامامەن وتباسىنا جەتكىزىپ بەرگەندى ۇناتادى، الايدا، ساقشى جاق كوپشىلىككە مىنانى ەسكەرتەدى: كەلۋ قاينارى انىق بولماعان جەدەل جولدامانى تاپسىرىپ الساڭىز، وعان جاسىرعان شىرعادان اباي بولعانىڭىز ءجون. جۋىردا، گۋاڭدۇڭ ولكەسى گۋاڭجوۋ قالاسى لي – ۋان رايوندىق ساقشى جاقتىڭ ينتەرنەت ارقىلى شارلاۋ جۇرگىزۋ بارىسىندا ، كەيبىرەۋدىڭ وسى تەكتەس ”جەدەل جولداما شىرعاسىنا“ سەنىپ، 300 مىڭ يۋان اقشاسىنان ايرىلىپ قالا جازداعانىن بايقاعان. جاڭ بويجەتكەن جۋىردا ءبىر جەدەل جولداما تاپسىرىپ الادى، باستابىندا ونى ساۋداگەر ۇسىنعان زات ەكەن دەپ قالادى، ول تارتۋدىڭ بەتىندەگى ەكى ولشەمدى كودتى جايمالاعان كەزدە، ويلاماعان جەردەن ءبىر كەڭەس قۇرۋ توبىنا قوسىلادى. توپتاعىلار جاڭ بويجەتكەننەن ءبىرقىدىرۋ مىندەتتەردى ورىنداپ، حۇڭباۋ الۋدى تالاپ ەتەدى.
سەنەرىن دە، سەنبەسىن دە بىلمەگەن جاڭ بويجەتكەن وسىنداي مىندەت وتەۋ فورماسى ارقىلى بىرنەشە ءجۇز يۋان اقشا تابادى ءارى ناق اقشا شىعارىپ الادى، تەز ارادا ول بىرتىندەپ مىندەت ورىنداپ حۇڭباۋ الۋدان، جۇمساق بولشەكتى ءتۇسىرىپ، وعان اقشا ساقتاپ، الدىن الا تولەي تۇرۋ باسقىشتارىن ورىنداپ، قوسقان قارجىسى ۇزدىكسىز مولايا بەرەدى. الايدا، ول ءار جولى ءوزى قوسقان اقشا مەن ونىڭ اقىسىن الماقشى بولعان سايىن، قارسى جاق ءتۇرلى سەبەپتەرمەن ودان جالعاستى اقشا قوسۋدى تالاپ ەتەدى. جاڭ بويجەتكەن زياننىڭ الدىن الۋ ءۇشىن، امالسىزدان جالعاستى قارجى قوسۋعا ءماجبۇر بولادى. باقىتقا جاراي، ساقشى جاق كۇندەلىكتى شارلاۋ بارىسىندا بۇل توپتا كوپ مولشەردەگى قالىپسىز قاراجات الىم – بەرىمىنىڭ ساقتالىپ وتىرعانىن بايقاپ، تاعى دا اقشا جولداۋعا دايىندالىپ جاتقان جاڭ بويجەتكەندى ىزدەپ تابادى. وسىنىڭ ارقاسىندا ول 300 مىڭ يۋاندى جوتكەمەيدى. ساقشى جاق مىنانى ەسكەرتەدى: تۇرعىندار كەلۋ قاينارى بەلگىسىز جەدەل جولدامانى قابىلداسا، ءسوزسىز، ەرەكشە ساق بولعانى ابزال.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
