سىرتقى ىستەر مينيسترلىگى مىنانى ەسكەرتەدى: جۇڭگو ازاماتتارى ۋاقىتشا مىنا مەملەكەتكە بارماعانى ءجون
2023.04.18 16:12 كەلۋ قاينارى : حالىق تورابى
سىرتقى ىستەر مينيسترلىگىنىڭ كونسۋلدىق ىستەر مەڭگەرمەسى 4 – ايدىڭ 17 – كۇنى ”كونسۋلدىق ىستەر توتە جەلىسى“ ۋيچات تەكشەسى ارقىلى اقپارات جاريالاپ، جۇڭگو ازاماتتارىنىڭ قازىرشە سۋدانعا بارماۋىن ەسكەرتتى.
حاباردا بىلاي دەلىنگەن: 4 – ايدىڭ 15 – كۇنى، سۋداننىڭ استاناسى حارتۋمنىڭ كوپ جەرىندە قارۋلى قوسىندار اراسىندا قاقتىعىس تۋىلىپ، حارتۋم حالىقارالىق اۋەجايىنداعى اۋە قاتىناسى ۇزىلگەن، جەرگىلىكتى ورىنداعى حاۋىپسىزدىك جاعدايى كۇردەلىلەسكەن. سىرتقى ىستەر مينيسترلىگى دەرەۋ كونسۋلدىق قورعاۋ جاعىنداعى شۇعىل جاعدايعا توتەپ بەرۋ مەحانيزمىن ىسكە قوسىپ، سۋدانداعى ەلشىلىك سۋدانداعى جۇڭگو ازاماتتارى مەن قۇرىلىمدارىنىڭ حاۋىپسىزدىگىن كۇش سالا قورعاعان. سۋداندا تۇراتىن ەلشىلىك سۋدانداعى جۇڭگو ازاماتتارىنا حاۋىپسىزدىككە ساياتىن ەسكەرتۋ جاريالاپ، سۋداندا تۇراتىن جۇڭگو قارجىسىنداعى قۇرىلىمدارمەن حابارلاسىپ، جۇڭگو جاقتىڭ قىزمەتكەرلەرىنىڭ، قۇرىلىمدارىنىڭ حاۋىپسىزدىك جاعدايىن تەكسەرگەن، ساقتانۋدى كۇشەيتۋگە جەتەكشىلىك ەتكەن ءارى كومەككە ءزارۋ بولىپ وتىرعان جۇڭگو ازاماتتارىنا سايكەسكەن. قازىر ەلىمىز ازاماتتارىنىڭ جارالانعانى، قازا بولعانى جونىندە مالىمەت جوق.
سۋدانداعى قازىرگى جاعدايدى ويلاستىرا وتىرىپ، سىرتقى ىستەر مينيسترلىگى مەن سۋداندا تۇراتىن ەلشىلىك جۇڭگو ازاماتتارىنا جۋىق ارادا سۋدانعا بارماۋدى ەسكەرتتى، سۋدانداعى جۇڭگو ازاماتتارىنان جاعدايداعى وزگەرىستەرگە ءجىتى نازار اۋدارىپ، سىرتقا شىقپاۋدى، ساقتانۋ مەن شۇعىل جاعدايعا توتەپ بەرۋ دايىندىعىن كۇشەيتۋدى، سونىمەن بىرگە، ەلشىلىككە جەكەلىك ينفورماتسياسىن تەزىرەك جولداپ، ەستەلىككە الدىرۋدى ەسكەرتتى. ەگەر شۇعىل جاعداي تۋىلا قالسا، دەر كەزىندە ساقشىعا مالىمدەڭىز نەمەسە سۋداندا تۇراتىن ەلشىلىكپەن حابارلاسىپ، كومەك سۇراڭىز.
سۋداندا ساقشىعا مالىمدەۋ تەلەفونى: 999؛
سىرتقى ىستەر مينيسترلىگىنىڭ دۇنيە جۇزىلىك كونسۋلدىق قورعاۋ جانە قىزمەت وتەۋ جاعىنداعى شۇعىل جاعدايلارعا توتەپ بەرۋ ىركىلىسسىز لەنياسى (24 ساعات): 12308-10-86+، 65612308-10-86+؛
سۋداندا تۇراتىن ەلشىلىكتىڭ كونسۋلدىق قورعاۋ جانە سايكەسۋ تەلەفونى: 990111127-249+.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
