توقتامعا تاڭبا باسىلعانىمەن، قىزمەتكەر قول قويماعان بولسا، توقتام جاسالماعان سانالادى
كاسىپورىن ەڭبەكاقىنىڭ ەكى ەسەسىندەي كەم قالعان سومانى تولەدى
2023.04.20 16:38 كەلۋ قاينارى : حالىق تورابى
جۇمىسشىلار گازەتىنىڭ ءتىلشىسى ۋ دوسى حابارلايدى. شينجياڭداعى بەلگىلى ساۋدا سەرىكتەستىگى تەك قانا تاڭبا باسىلعان توقتامدى قىزمەتكەرگە بەرىپ، قىزمەتكەردى قول قويۋعا قۋزاماعاندىقتان، جۋىردا ءۇرىمجى قالالىق ورتا دارەجەلى حالىق سوتى اتالعان سەرىكتەستىك ياڭ X كە ەڭبەك توقتامىنا قول قويىلماعان مەزگىلدەگى ەڭبەكاقىنىڭ ەكى ەسەسىندەي سومانى تولىقتاپ، 88874 يۋان تولەۋى كەرەك دەگەن ۇكىم شىعارعان.
2020 – جىلى 4 – ايدا، ياڭ X اتالعان سەرىكتەستىككە بۇعالتىرلىق قىزمەتكە قابىلدانىپ، ەڭبەك توقتامىنا قول قويماعان. 2021 – جىلى 8 – ايدىڭ 1 – كۇنى ەكى جاق كەڭەسۋ ارقىلى ياڭ X باسقا ءبىر سەرىكتەستىككە قىزمەتىن جوتكەگەن، ەكى جاق ەڭبەك قارىم – قاتىناسىن ۇزگەن. 2022 – جىلى 2 – ايدا، ياڭ تورەلىك ايتۋعا ءوتىنىش جازىپ، ساۋدا سەرىكتەستىگىنەن 2020 – جىلى 4 – ايدان 2021 – جىلى 7 – ايعا دەيىن ەڭبەك توقتامىن جاساماعان مەزگىلدەگى ەڭبەكاقىنىڭ ەكى ەسەسىندەي، اتاپ ايتقاندا، 90035 يۋان تولەۋدى تالاپ ەتكەن. تورەلىك ايتۋ سوتى ساۋدا سەرىكتەستىگى ەڭبەك توقتامىن جاساماۋ سەبەبىمەن ەڭبەكاقىنىڭ ەكى ەسەسىندەي، اتاپ ايتقاندا، 90035 يۋان تولەۋى كەرەك دەپ كەسىم شىعارعان. سەرىكتەستىك مويىنسال بولماي، شاعىم ايتقان.
ساۋدا سەرىكتەستىگى بىلاي دەپ قاراعان: سەرىكتەستىك ياڭ X تەن ەڭبەك توقتامىنا قول قويۋدى تالاپ ەتكەن ءارى تاڭبا باسىلعان ەڭبەك توقتامىن ياڭ X تىڭ قول قويۋىنا بەرگەن، سەرىكتەستىك باستان – اياق ياڭ X ەڭبەك توقتامىنا قول قويدى دەپ قاراپ كەلگەن، الايدا، ياڭ X ەڭبەك جونىندە تورەلىك ايتۋعا ءوتىنىش بەرگەن كەزدە بارىپ، ونىڭ ەڭبەك توقتامىنا قول قويماعانىن بىلگەن.
ءۇرىمجى قالالىق توۋتۇنحى رايوندىق حالىق سوتى دەلونى قاراعان سوڭ، ساۋدا سەرىكتەستىگى ياڭ X كە ەڭبەك توقتامىنا قول قويماعان كەزدەگى ەڭبەكاقىنىڭ ەكى ەسەسىندەي، ياعني، 88874 يۋان تولەۋى كەرەك دەپ ۇكىم شىعارعان. ساۋدا سەرىكتەستىگى ۇكىمگە مويىنسال بولمايدى، ءۇرىمجى قالالىق ورتا دارەجەلى حالىق سوتىنا جوعارىلاپ ارىزدانعان.
ەكىنشى رەتكى سوتتا بىلاي دەپ قاراعان: ساۋدا سەرىكتەستىگى ادام ىستەتۋشى ورىن رەتىندە ەڭبەكشىلەردى ەڭبەك توقتامىنا قول قويۋ قىزمەتىن ۇيىمداستىرۋى ءارى ەڭبەك توقتامىنىڭ مازمۇنىن تەكسەرۋ، ساقتاۋ قاتارلى قىزمەتتەردى ويداعىداي ىستەۋى كەرەك. ەڭبەك توقتامى زاڭىنىڭ 82 – تارماعىنىڭ 1 – تارماقشاسىندا ”ادام ىستەتۋشى ورىن ادام ىستەتكەن كۇننەن باستاپ ءبىر ايدان ارتىق، ءبىر جىلعا تولمايتىن مەزگىلدە ەڭبەكشىلەرمەن جازباشا ەڭبەك توقتامىنا قول قويماعان بولسا، ەڭبەكشىلەرگە اي سايىن ەڭبەكاقىنىڭ ەكى ەسەسىندەي اقى تولەۋى كەرەك“ دەپ بەلگىلەنگەن، بۇل تارماق ادام ىستەتۋشى ورىننىڭ زاڭعا قايشى ارەكەتىن جازالاۋعا قولدانىلادى، سونىمەن بىرگە، ادام ىستەتۋشى ورىندى ەڭبەكشىمەن تەز ارادا زاڭ بويىنشا ەڭبەك توقتامىنا قول قويۋعا قۋزاۋ سالۋ ارقىلى ءالسىز جاق ەسەپتەلەتىن ەڭبەكشىنىڭ زاڭدى ۇقىق – مۇددەسىن قورعايدى. ەڭ سوڭىندا، سوت مەكەمەسى جوعارىلاپ ارىزدانۋعا تويتارىس بەرىپ، اسىلگى سوت ۇكىمىن وزگەرتپەي ساقتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
