شينجياڭ قازىنا - ەكونوميكا ءتارتىبىن قاتايتىپ، قازىنانى زاڭ بويىنشا باسقارۋدى ىلگەرىلەتۋ تەلەۆيزور - تەلەفون ءماجىلىسىن اشتى
جوعارى ساپالى دامۋعا بەرىك قازىنالىق كۇش قامتاماسىزدىعىن ازىرلەۋ كەرەك
2023.04.19 16:04 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي ياڭ 4 - ايدىڭ 17 - كۇنى ۇرىمجىدەن حابارلايدى. 4 - ايدىڭ 17 - كۇنى تۇستەن بۇرىن اۆتونوميالى رايوننىڭ قازىنا - ەكونوميكا ءتارتىبىن قاتايتۋ، قازىنانى زاڭ بويىنشا باسقارۋدى ىلگەرىلەتۋ تەلەۆيزور - تەلەفون ءماجىلىسى اشىلدى. ءماجىلىس مىنالاردى باسا دارىپتەدى: باس شۋجي شي جينپيڭنىڭ قازىنا قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرىپ، اۆتونوميالى رايوندىق پارتكومنىڭ، ۇكىمەتتىڭ قىزمەت ورنالاستىرۋىنا ساي، رايونىمىزدىڭ قازىنا - ەكونوميكا قىزمەتىن تىڭعىلىقتى ويداعىداي ىستەپ، قازىنا بايلىعىن جايعاستىرۋ، كىرىس ءبولىسى، ەكونوميكانى رەتتەۋ - مەڭگەرۋ، باقىلاۋ - باسقارۋداعى فۋنكتسيالىق رولدى اناعۇرلىم ويداعىداي ساۋلەلەندىرىپ، ەكونوميكالىق، قوعامدىق دامۋعا بەرىك قازىنالىق كۇش قامتاماسىزدىعىن ازىرلەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: جەر - جەر، تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتۋدى وراي ەتىپ، قازىنا - ەكونوميكا قىزمەتىنە باسشىلىقتى جانە زەرتتەۋدى كۇشەيتىپ، قازىنا قىزمەتىنىڭ جوعارى ساپالى دامۋىن ىلگەرىلەتۋى كەرەك. زاڭ بويىنشا قازىنا توپتاپ، كىرىستى ارتتىرىپ، قازىنا قاينارىن ۇزدىكسىز جەتىلدىرىپ، قازىنا قۋاتىن ارتتىرىپ، ىركىندى بايلىقتى، مال - مۇلىكتى ىسكە قوسۋ كەرەك. زور كولەمدە سالىقتى ازايتۋ، اقىنى تومەندەتۋ ساياساتىن مۇقيات تياناقتاندىرىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، ناقتى ەكونوميكانىڭ دامۋىن قولداپ، ءومىر سۇرۋىنە مۇمكىندىك تۋدىرىپ، باجى كوزدەرىن ساقتاپ، قازىنالىق كىرىستىڭ باياندى ارتۋ نەگىزىن بەكەمدەۋ كەرەك. ورتالىقتىڭ مەجە ەسەپ ىشىندەگى قارجى قوسۋ، جەرگىلىكتى ۇكىمەتتەردىڭ ارناۋلى قارىزى جانە ءتۇرلى فينانستىق قولداۋ قۇرالى سياقتى ساياساتتاردان جان - جاقتى ويداعىداي پايدالانىپ، ۇكىمەتتىڭ پايدالانۋعا بولاتىن قازىنالىق قۋاتىن جوعارىلاتۋ كەرەك. ”ءتۇيىندى قامتاماسىز ەتۋگە، ادەتتەگىنى تىزگىندەۋگە“ تاباندى بولىپ، مەجە ەسەپ تەجەمىن قاتايتىپ، قازىنالىق شىعىس وتكەلىن قاتاڭ يگەرىپ، ”ءونىمدى بازار“ مەن ”ىسكەر ۇكىمەتتى“ ءبىر تۇتاس جوسپارلاپ، قازىنالىق قارجىنى ويداعىداي باسقارىپ جانە پايدالانىپ، قارجىنىڭ پايدالانىلۋ ونىمدىلىگىن جوعارىلاتۋ كەرەك.
ءماجىلىس مىنالاردى باسا دارىپتەدى: حالىقتى وزەك ەتكەن دامۋ يدەياسىن بەرىك ورناتىپ، جۇمىستاندىرۋدى الدىڭعى ورىنعا قويۋدى كورنەكتىلەندىرىپ، وقۋ - اعارتۋعا ۇسىنىلىمدى ارتتىرىپ، ەمدەۋ جانە قوعامدىق قامتاماسىز ەتۋ دەڭگەيىن جوعارىلاتىپ، تۇرعىن ۇيمەن قامتاماسىز ەتۋدى كۇشەيتىپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن ويداعىداي شەشۋ كەرەك. ”ءۇشتى قامتاماسىز ەتۋ“ شىعىسىن مەجە ەسەپ ورنالاستىرۋدا الدىمەن ويلاستىرۋ تارتىبىنە تاباندى بولىپ، جەرگىلىكتى ۇكىمەتتەردىڭ كومەسكى قارىزدى جويۋ تەبىنىن ارتتىرىپ، جۇيەلىك حاۋىپ - قاتەر تۋىلماۋ تومەنگى شەگىن بەرىك ساقتاۋ كەرەك. قازىنا - ەكونوميكا ءتارتىبىن ونان ارى قاتايتىپ، قازىنانى زاڭ بويىنشا قاتاڭ باسقارىپ، زاڭ - ءتارتىپ تانىمىن كۇشەيتىپ، مەجە ەسەپ جاساۋ، مەجە ەسەپتى اتقارۋ، جەرگىلىكتى ۇكىمەتتەردىڭ قارىزى، مەجە ەسەپ ونىمدىلىگى جانە اكىمشىلىك، ءىسورىن سيپاتتى مەملەكەت مەنشىگىندەگى مال - مۇلىكتى باسقارۋ، ۇكىمەتتىك ساتىپ الۋ سياقتى قىزمەتتەردى باقىلاۋ تەبىنىن ارتتىرۋ كەرەك.
ءماجىلىس مىنالاردى باسا دارىپتەدى: پارتيانىڭ قازىنا قىزمەتىنە جاپپاي باسشىلىعىن تياناقتاندىرىپ، ”ەكونوميكالىق دامۋدى يگەرۋ ءۇشىن قازىنانى يگەرۋ“ تانىمىن بەرىك ورناتىپ، اكىمشىلىكتى زاڭ بويىنشا جۇرگىزۋگە، قازىنانى زاڭ بويىنشا باسقارۋعا تاباندى بولۋدى قازىنا قىزمەتىنىڭ تۇتاس بارىسىنا ءسىڭىرىپ، مەجە ەسەپتى زاڭ بويىنشا بەلگىلەۋ مەن سالىق كىرىسىن زاڭ بويىنشا بەلگىلەۋدى كۇشەيتىپ، اۆتونوميالى رايون دارەجەلىدەن تومەنگى قازىنا ءتۇزىلىسى رەفورماسىن تەرەڭدەتىپ، فۋنكتسيالىق تاراۋلاردىڭ تۇلعالىق بىرىككەن كۇشتى ساۋلەلەندىرىپ، قازىنانى سيفرلاندىرىپ، زەردەلىلەندىرىپ، پاراساتتاندىرىپ باسقارۋ دەڭگەيىن اناعۇرلىم جوعارىلاتۋ كەرەك. پاكتىك حاۋىپ - قاتەرىنەن ساقتانۋ - تىزگىندەۋدى كۇشەيتىپ، تەكسەرۋ - زەرتتەۋدى بارىنشا ورىستەتىپ، دۇرىس ناتيجە كوزقاراسىن ورناتىپ، جاڭا ءداۋىردىڭ جاڭا تالابىنا ۇيلەسەتىن، ادال، كىرشىكسىز، جاۋاپكەرشىلىك ارقالايتىن جوعارى ساپالى قازىنا - ەكونوميكا كادرلارى قوسىنىن كۇشەيتىپ قۇرىپ، اكىمشىلىكتى زاڭ بويىنشا جۇرگىزۋ، قازىنانى زاڭ بويىنشا باسقارۋ قابىلەتى مەن دەڭگەيىن جوعارىلاتۋ كەرەك.
چىن ۋيجۇن، ءيۇسۇپجان مامەت، چىن ميڭگو، سۇن حۇڭمەي، ۋاڭ گاڭ، ءماردان مۇحيت، قايسار ابدۇكەرىم قاتارلىلار ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
