بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شينجياڭ ءبىر تۇتاس جوسپارلايتىن وڭىرلەردە DIP / DRG بويىنشا تولەۋ ءتاسىلىن جىل سوڭىنان بۇرىن جاپپاي جالپىلاستىرادى

2023.04.19 16:07     كەلۋ قاينارى : شينجياڭ گازەتى

  انار بۇلت \ شينجياڭ گازەتىنىڭ ءتىلشىسى رىن چۇنشياڭ 4 - ايدىڭ 17 - كۇنى ۇرىمجىدەن حابارلايدى. شينجياڭنىڭ DIP ╱ DRGبويىنشا تولەۋ ءتاسىلى رەفورماسى ماجىلىسىنەن ۇعىسۋىمىزشا، اۆتونوميالى رايون ەمدەۋ قامسىزداندىرۋىنان تولەۋ ءتاسىلىن رەفورمالاۋ قىزمەتىنىڭ تەرەڭ بويلاي دامۋىن ىلگەرىلەتىپ، قازىرگە دەيىن ءبىر تۇتاس جوسپارلايتىن 12 وڭىردە (اۆتونوميالى رايوننىڭ ءوزىن قامتيدى) DIP ╱ DRG بويىنشا تولەۋ رەفورماسىنان كەيىنگى ناقتى اقى تولەۋدى جۇزەگە اسىرىپ، جالپىلاسۋ مولشەرىن %80كە جەتكىزگەن، بيىل جىل سوڭىنان بۇرىن تۇتاس شينجياڭداعى ءبىر تۇتاس جوسپارلايتىن وڭىرلەردە DIP ╱ DRG بويىنشا تولەۋ ءتاسىلى رەفورماسىنىڭ قامتۋ مولشەرىن %100كە جەتكىزۋ جوسپارلانعان.

  DRG بويىنشا اقى تولەۋ، ياعني اۋرۋ دياگنوزى بويىنشا قاتىستى گرۋپپالارعا ءبولىپ اقى تولەۋ دەگەنىمىز اۋرۋ دياگنوزى، سىرقات سالماعى، ەمدەۋ ءتاسىلى سياقتى فاكتورلارعا ساي، ناۋقاستاردى كلينيكالىق سىرقاتتارى مەن بايلىق جۇمسالىمى قارايلاس كەلگەن قاتىستى دياگنوز گرۋپپالارىنا ءبولۋدى مەڭزەيدى. DIP بويىنشا اقى تولەۋ، ياعني اۋرۋ تۇرىندەگى اقشالاي قۇن بويىنشا اقى تولەۋ دەگەنىمىز جالپى سومالىق مەجە ەسەپ مەحانيزمى بولعان جاعدايدا، ۇلكەن ساندى مالىمەت قولدانىسىن تياناق ەتىپ، اۋرۋدىڭ باستى دياگنوزى مەن ەمدەۋ ءتاسىلىن بىرىكتىرۋ ارقىلى اۋرۋ ءتۇرىن قالىپتاستىرۋدى مەڭزەيدى. DIP ╱ DRG بويىنشا اقى تولەۋ ەمدەۋ قامسىزداندىرۋىنان اقى تولەۋدىڭ اناعۇرلىم عىلمي، اناعۇرلىم نازىك ۇلگىسى ەسەپتەلەدى، وسى ارقىلى قالىپتان تىس ەمدەۋدەن اۋلاق بولىپ، ناۋقاستاردىڭ ەمدەلۋ اۋىرتپالىعىن جەڭىلدەتۋگە بولادى.

  اۆتونوميالى رايوننىڭ DIP ╱ DRG بويىنشا تولەۋ ءتاسىلى رەفورماسىندا ”جوعارى دەڭگەيدە جوبالاۋ − ەلىكتەمەلى اينالىم − ناقتى اقى تولەۋ“ سىندى 3 قادامعا ءبولىپ ءجۇرۋ تاكتيكاسى بويىنشا، 2021 - جىلى اۆتونوميالى رايوننىڭ وزىندە، ءۇرىمجى قالاسىندا، اقسۋ ايماعىندا، قۇمىل قالاسىندا سىناق رەتىندە رەفورما جاسالعان، 2022 - جىلى سانجى حۇيزۋ اۆتونوميالى وبلىسى، قارامايلى قالاسى، ىلە قازاق اۆتونوميالى وبلىسى، حوتان ايماعى، بايىنعولين موڭعۇل اۆتونوميالى وبلىسى، تارباعاتاي ايماعى، التاي ايماعى، تۇرپان قالاسى سياقتى ءبىر تۇتاس جوسپارلايتىن 8 وڭىردە DRG بويىنشا اقى تولەۋ رەفورماسى باستالعان، سونداي - اق بىلتىر 11 - ايدا ناقتى اقى تولەۋ جۇزەگە اسىپ، رايونىمىزداعى ءبىر تۇتاس جوسپارلايتىن وڭىرلەردە، ەمدەۋ قۇرىلىمدارىندا، اۋرۋ تۇرلەرىندە، ەمدەۋ قامسىزداندىرۋى قورىندا جالپىلاسۋ مولشەرى جەكە - جەكە %80كە، %4. 73كە، %1. 81كە، %8. 78كە جەتتى. اۆتونوميالى رايوننىڭ DIP ╱ DRG بويىنشا تولەۋ ءتاسىلى رەفورماسىنىڭ 3 جىلدىق ارەكەت جوسپارىنا ساي، بيىل اۆتونوميالى رايون اقى تولەگەن ءبىر تۇتاس جوسپارلايتىن وڭىرلەردىڭ رەفورما جەتىستىگىن بەكەمدەپ، ەمدەۋ قۇرىلىمدارىنداعى جالپىلاسۋ مولشەرىن، اۋرۋ تۇرلەرىندەگى جالپىلاسۋ مولشەرىن جانە ەمدەۋ قامسىزداندىرۋ قورىنداعى جالپىلاسۋ مولشەرىن تىنباي جوعارىلاتادى. سونىمەن بىرگە قاشقار ايماعىندا، قىزىلسۋ قىرعىز اۆتونوميالى وبلىسىندا، بۇراتالا موڭعۇل اۆتونوميالى وبلىسىندا DRG بويىنشا اقى تولەۋ رەفورماسىن ورىستەتۋدى ىلگەرىلەتەدى.

  سول كۇنگى ماجىلىستە قاشقار ايماعى DRG بويىنشا اقى تولەۋدى رەسمي اتقاردى، ەندى اۋرۋ دياگنوزى بويىنشا قاتىستى گرۋپپالارعا ءبولىپ اقى تولەۋدى (DRG) نەگىز ەتكەن كوپ نەگىزدى قۇرامالى اقى تولەۋ ءتاسىلىن ورناتادى.

  اۆتونوميالى رايوندىق ەمدەۋدى قامتاماسىزداندىرۋ مەكەمەسىنىڭ قاتىستى جاۋاپتىسى مىنانى ءبىلدىردى: اۆتونوميالى رايوندىق ەمدەۋدى قامتاماسىزداندىرۋ مەكەمەسى نازاردى كلينيكالىق قاجەتكە، ۇيلەسىمدى دياگنوز قويىپ ەمدەۋگە، لايىقتى تەحنيكاعا شوعىرلاندىرىپ، ەمدەۋ قامسىزداندىرۋىنىڭ ءتىزىمىن، كەلىسىمىن، ەسەپ جاساۋدىڭ باسقارىلۋىن تىنباي كەمەلدەندىرىپ، ەمدەۋ قامسىزداندىرۋىنان تولەۋ ءتاسىلى رەفورماسىن ۇزدىكسىز ىلگەرىلەتىپ، ەمدەۋ قامسىزداندىرۋىنان تولەۋدىڭ جارامدى، ءونىمدى مەحانيزمىن ورناتىپ، ەمدەۋ قامسىزداندىرۋى قورىنىڭ جۇمسالۋ ونىمدىلىگىن جوعارىلاتىپ، ەمدەۋ قامسىزداندىرۋىنا قاتىناسۋشىلاردىڭ اۋىرتپالىعىن جەڭىلدەتىپ، قالىپتان تىس دياگنوز قويىپ ەمدەۋدى جانە ۇيلەسىمسىز شىعىستى ازايتىپ، بۇقارانىڭ ەمدەلۋدەگى رازىلىق دەڭگەيىن جوعارىلاتادى.
جاۋاپتى رەداكتورى : نۇرعيسا قۇرمانجان ۇلى