ياڭ فۋلينگە ءبىرىنشى سوتتا ۇكىم شىعاردى!
2023.04.19 15:18 كەلۋ قاينارى : حالىق تورابى
شاندۇڭ ولكەسى جينان قالالىق ورتا دارەجەلى حالىق سوت مەكەمەسى شينجياڭ ءوندىرىس - قۇرىلىس بيڭتۋانىنىڭ بۇرىنعى ورىنباسار سىليڭيۋانى، پارتكومىنىڭ بۇرىنعى تۇراقتى مۇشەسى، ساياسي - زاڭ كوميتەتىنىڭ بۇرىنعى شۋجيى ياڭ فۋليننىڭ پارا الۋ دەلوسىنا اشىق ۇكىم شىعارىپ، ايىپكەر ياڭ فۋلينگە پارا الۋ قىلمىسى بويىنشا 13 جىلدىق مەرزىمدى قاماۋ جازاسىنا ۇكىم ەتتى، وعان قوسا 3 ميلليون يۋان اقشالاي ايىپ سالدى؛ ياڭ فۋليننىڭ پارا الۋ قىلمىسىنان تاپقان تابىسى مەن ءوسىمىن زاڭ بويىنشا قۋزاپ قايتارىپ الىپ، مەملەكەت قازىناسىنا تاپسىرادى.
دەلونى قاراۋ ارقىلى مىنالار انىقتالدى: 2001 – جىلدان 2020 – جىلعا دەيىن ايىپكەر ياڭ فۋلين شينجياڭ ءوندىرىس - قۇرىلىس بيڭتۋانى اۋىل شارۋاشىلىق 6 - شىسى پارتكومىنىڭ تۇراقتى مۇشەسى، ورىنباسار شىجاڭى، بيڭتۋان اۋىل شارۋاشىلىق 14 - شىسى پارتكومىنىڭ شۋجيى، ساياسي كوميسسارى، شىجاڭى، بيڭتۋان 3 - شىسى پارتكومىنىڭ شۋجيى، ساياسي كوميسسارى، تۇمسىق قالالىق پارتكومنىڭ شۋجيى، بيڭتۋاننىڭ ورىنباسار سىليڭيۋانى، پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى قاتارلى قىزمەتتەردەگى كەزىندە قىزمەت قولايلىلىعىنان پايدالانىپ، قاتىستى ورىندار مەن جەكەلەردىڭ قۇرىلىس نىساندارىن كوتەرەگە الۋى، مىندەتىن ءوسىرۋ، دەلونى ءبىر جاقتى ەتۋ سياقتى ىستەرىنە كومەك كورسەتىپ، تىكەلەي نەمەسە تۋىس – تۋعانى ارقىلى باسقالاردىڭ مال - مۇلكىن زاڭسىز قابىلداعان، اقشاعا سىندىرعاندا جيىنى 30 ميلليون 490 مىڭ يۋاننان اسقان.
جينان قالالىق ورتا دارەجەلى حالىق سوت مەكەمەسى بىلاي دەپ قارادى: ايىپكەر ياڭ فۋليننىڭ ارەكەتى پارا الۋ قىلمىسىن قالىپتاستىرادى، پاراعا العان سوماسى توتەنشە قوماقتى. ياڭ فۋلين دەلو تۇرعىزعان سوڭ قىلمىسىن قاز - قالپىندا مويىنداپ، دەلونى ءبىر جاقتى ەتۋ ورگانى ءالى يگەرمەگەن كوپ ساندى پارا الۋ فاكتىلەرىن ىرىقتىلىقپەن تاپسىرىپ، قىلمىسىن تانىپ، رايىنان قايتىپ، ارام ولجانى بەلسەنە قايتارىپ، پارا الىپ تاپقان ارام اقشا مەن ارام ولجا تۇگەل قۋزاپ قايتارىلىپ الىندى، بۇل زاڭدا بەلگىلەنگەن، جاعدايىنا قاراي جەڭىل جازالاۋ جاعدايىنا سايكەس كەلىپ، زاڭ بويىنشا جەڭىل جازالاۋعا بولادى. سوندىقتان سوت مەكەمەسى جوعارىداعىداي ۇكىم شىعاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
