بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

ءۇرىمجى قالاسى:

جاساۋ كاسىبىنىڭ جوعارى دەڭگەيلى، زەردەلى، جاسىل دامۋىن ىلگەرىلەتتى

□ انار بۇلت \ شينجياڭ گازەتىنىڭ ءتىلشىسى گو چيان

2023.04.19 16:06     كەلۋ قاينارى : شينجياڭ گازەتى

  تەمىر جول قۇرىلىسى اۋىر ونەركاسىپ توبى شينجياڭ شەكتى سەرىكتەستىگى جوعارى دەڭگەيلى اۋىل شارۋاشىلىق ماشينالارىن زەرتتەۋ - جوبالاۋ مەكەمەسىنىڭ ورىنباسار باستىعى سۇن كۇيدىڭ قىزمەت ورنالاستىرۋ مەزگىلىندە، شينجياڭنىڭ ۇزىن تالشىقتى ماقتاسىن تەرۋگە ۇيلەسەتىن زەردەلى اۋىل شارۋاشىلىعى ماشينالارى زەرتتەلىپ جاتقان ەدى. ”شينجياڭنىڭ ۇزىن تالشىقتى ماقتاسى دۇنيە ءجۇزىنىڭ ەڭ جوعارى دەڭگەيىنە جەتتى، ءبىز دە ونىمەن سايكەسەتىن جوعارى دەڭگەيلى زەردەلى جابدىقتاردى جاساپ شىعۋىمىز كەرەك“، - دەدى 4 - ايدىڭ 6 - كۇنى سۇن كۇي تىلشىگە.

  باس شۋجي شي جينپيڭ 14 - كەزەكتى مەملەكەتتىك حالىق قۇرىلتايى 1 - ماجىلىسىندەگى جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ اتاپ كورسەتتى: ەكونوميكانى دامىتۋدىڭ كۇش سالۋ ءتۇيىنىن ناقتى ەكونوميكاعا اۋدارۋعا تاباندى بولىپ، جاڭاشا ونەركاسىپتەندىرۋدى ىشكەرىلەي ىلگەرىلەتىپ، كاسىپ سالاسى نەگىزىن قايتا تۇلعالاۋ مەن كەلەلى تەحنيكالىق جابدىقتاردان قامال الۋدى كۇشەيتىپ، جاساۋ كاسىبىنىڭ جوعارى دەڭگەيلى، زەردەلى، جاسىل دامۋىن ىلگەرىلەتۋ كەرەك.

  جوعارى ساپالى دامۋ سىندى وسى ماڭداي الدى مىندەتتى مىقتاپ يگەرىپ، ءۇرىمجى قالاسى تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى نەگىزگى قامال الۋ باعىتى ەتىپ، كاسىپ سالاسىنىڭ شوعىرلى دامۋىن ىلگەرىلەتۋدە.

  4 - ايدىڭ 2 - كۇنى شانشي اۆتوموبيل توبى شينجياڭ سەرىكتەستىگىنىڭ ورىنباسار باس ديرەكتورى شى شينلي تەحنيكالىق تىرەكتىلەرمەن 6 - ايدا ءوندىرىس جەلىسىنە شىعۋ الدىندا تۇرعان تازا ەنەرگيالى مەتانولدى اۋىر تۇرپاتتى اۆتوكولىگىن تالقىلاپ جاتتى. ”ۇكىمەت قىزمەتىنەن بايانداما مەملەكەتتىڭ جاساۋ كاسىبىنە ايرىقشا ءمان بەرەتىندىگىن ايگىلەپ، ءبىزدى ايرىقشا شابىتتاندىردى“. شى شينلي بىلاي دەدى: قازىرگى تاپسىرىس مولشەرىنەن قاراعاندا، سەرىكتەستىكتىڭ بيىلعى بازار بولاشاعى ايتارلىقتاي. ”3 - اي كىرگەننەن بەرى ءبىز تەحنولوگيالىق حۇجاتتاردى دايىنداۋدى جەدەلدەتىپ، M3000S ساپ ەلەكترلى اۋىر تۇرپاتتى اۆتوكولىك ءوندىرۋ مولشەرىن ارتتىردىق، مەتانولدى اۋىر تۇرپاتتى اۆتوكولىگى دە بايلىققا دايىندالۋ كەزەڭىنە ءوتتى“، - دەدى.

  ءۇرىمجى قالاسىنداعى تىزبەكتەگى تىرەكتى كاسىپورىن رەتىندە، شانشي اۆتوموبيل توبى شينجياڭ سەرىكتەستىگى شينجياڭ ىشىندەگى جاڭا ەنەرگيالى اۆتوكولىك كاسىپ سالاسى تىزبەگىن قالىپتاستىرۋدى، جاڭا ەنەرگيا ءوندىرىس بازاسىن قۇرۋدى نىسانا ەتىپ، شينجياڭنىڭ ءىشى - سىرتىنداعى قاتىستى كاسىپورىندارمەن كاسىپ سالاسى بويىنشا سايكەستى سەلبەستىك ورىستەتىپ، كاسىپ سالاسى شوعىرىن قالىپتاستىرىپ، تيجارات ونىمدىلىگىن جوعارىلاتادى.

  ءۇرىمجى قالالىق ونەركاسىپ جانە ينفورماتسيالاندىرۋ مەكەمەسى (ۇلكەن ساندى مالىمەت دامۋ مەكەمەسى) پارتيا باسشىلىق گرۋپپاسىنىڭ شۋجيى يۋان جيانحۋا بىلاي دەپ تانىستىردى: بيىل ءتۇيىندى كاسىپ سالالارىن ارقاۋ ەتىپ، ءۇرىمجى قالاسى قالا، رايون ەكى دارەجەلى باسشىلاردىڭ ”تىزبەك باستىعى“ بولۋ، باستاماشى كاسىپورىنداردىڭ ”تىزبەكتەگى تىرەكتى كاسپورىن“ بولۋ سىندى قوس تىزبەكتى ۇلگىسىن ورناتىپ، تىزبەكتەگى تىرەكتى كاسىپورىننىڭ جەتەكتەۋ رولىن ساۋلەلەندىرىپ، كاسىپ سالاسى تىزبەگىنىڭ جوعارعى - تومەنگى بۋىنىن، ءوندىرۋ - قامداۋ - ساتۋدى، ءىرى، ورتا، شاعىن كاسىپورىنداردى جالپى تۇلعالىق جاقتان سايكەستىرۋدى، سايكەستى دامىتۋدى كۇشەيتىپ، كاسىپ سالاسى تىزبەگىنىڭ وسىزاماندانۋ دەڭگەيىن جاپپاي جوعارىلاتتى.

  جۇڭگو ۇلگىسىندەگى وسىزامانداندىرۋ اۋىل شارۋاشىلىعىن، اۋىل - قىستاقتى وسىزامانداندىرۋدان قول ۇزە المايدى. ”تاياۋدا سەرىكتەستىك زەرتتەپ جاساعان جوعارى دەڭگەيلى زەردەلى ماقتا تەرۋ ماشيناسى كاسىپ سالاسىنداعى بەدەلدى اكادەميكتەردەن، مامانداردان ۇيىمداسقان جەتىستىكتەردى ساراپتاۋ كوميتەتىنىڭ تۇراقتاندىرۋىمەن زەردەلى تەحنيكا حالىقارالىق وزىق دەڭگەيگە جەتتى“، - دەدى سۇن كۇي، ”بۇل ءبىزدىڭ زەردەلى ماقتا تەرۋ ماشيناسىنىڭ وزەكتى تەحنيكاسىن يگەرگەنىمىزدەن دەرەك بەرەدى“.

  قازىر كاسىپ سالاسىنىڭ نەگىزى مەن كاسىپ سالاسىنىڭ دامۋ بەتالىسىنا ۇشتاستىرىپ، ءۇرىمجى اۆتونوميالى رايوننىڭ ”8 ءىرى كاسىپ سالاسى شوعىرىن“ ارقاۋ ەتىپ، ”4 + 6“ كاسىپ سالاسى جۇيەسىن كۇش سالا قالىپتاستىرىپ، نازاردى 10 ميللياردتىق، 100 ميللياردتىق كاسىپ سالاسى شوعىرىن جەتىلدىرۋگە اۋدارۋدى تۇراقتاندىردى. يۋان جيانحۋا بىلاي دەپ تانىستىردى: جوعارى دەڭگەيلى جابدىق جاساۋ كاسىپ شوعىرىن قالىپتاستىرۋدا زەردەلى اۋىل شارۋاشىلىق ماشينالارى جابدىقتارى ءتۇيىندى قولداپ دامىتۋ بەتالىسىنىڭ ءبىرى، بۇل قالا باستاماشى كاسىپورىنداردى جەرگىلىكتى ورىندا وندىرىلەتىن اۆتوموبيل تۇرپاتىن، جابدىق ءتۇرىن كەڭەيتىپ، تۇتاس اۆتوموبيل، تۇتاس ماشينا جاساۋ قابىلەتىن جوعارىلاتىپ، باتىس بولىك جابدىق جاساۋ كاسىبىنىڭ بيىگىن قالىپتاستىرۋعا شابىتتاندىرادى.

  قازىر باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگىندە 1 - تامىز بولات - تەمىر شەكتى سەرىكتەستىگىنىڭ تومەن كومىرقىشقىل گازدى مەتال قورىتۋ تاجىريبە تۇعىرىنىڭ تەحنيكالىق ۇجىمى وتتەكتى دومنا پەش جاعدايىنىڭ ورنىقتىلىعىن ساقتاۋ جاعدايىندا، 3 - كەزەڭدەگى ونەركاسىپ سىناعىن ۇزدىكسىز ىلگەرىلەتىپ، تەمىر قورىتۋ جۇمىس تارتىبىندە كومىر قىشقىل گازىنىڭ شىعارىلۋىن %30 ازايتاتىن قۋاتقا جەتەدى. باۋۋ تومەن كومىر قىشقىل گازدى مەتال قورىتۋ سىناق تۇعىرىنىڭ باس مامانى تيان باۋشان بىلاي دەپ تانىستىردى: تەحنيكادان قامال الۋدىڭ جول كارتاسى توتەنشە ايقىن، اتاپ ايتقاندا، كومىر قىشقىل گازىنىڭ شىعارىلۋىن ەڭ جوعارى شەكتە تومەندەتۋ، سونداي - اق ەڭ سوڭىندا كومىر قىشقىل گازىن بەيتاراپتاندىرۋ نىساناسىن جۇزەگە اسىرۋ. ”14 - بەسجىلدىق“ مەزگىلىندە 1 - تامىز بولات - تەمىر سەرىكتەستىگى جاسىل، تومەن كومىر قىشقىل گازدى مەتال قورىتۋ سياقتى الدىڭعى لەكتەگى تەحنيكالار جونىندە ۇزدىكسىز ىزدەنىس جاساپ، جاڭا يقۋاتتى، جاڭا قۋاتتى، جاڭا قولدانىستى بولات - تەمىر ماتەريالدارىن زەرتتەپ اشۋدى، قولدانۋدى ورىستەتەدى.

  سوڭعى جىلدارى ءۇرىمجى ونەركاسىپ ەكونوميكاسىنىڭ جاسىلعا قاراي تيبىن وزگەرتىپ، دارەجەسىن جوعارىلاتۋدى جەدەل ىلگەرىلەتتى. بيىل جاسىل زاۆود، جاسىل ءونىم، جاسىل باقشا رايونى، جاسىل قامداۋ تىزبەگىنەن ۇلگى كورسەتەتىن ورىن قۇرۋ قىزمەتى ۇزدىكسىز ىلگەرىلەتىلىپ، جاسىل جاساۋ جۇيەسى قۇرىلىسى اناعۇرلىم جەبەلەدى.
جاۋاپتى رەداكتورى : نۇرعيسا قۇرمانجان ۇلى