بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

تۇڭعىش كەزەكتى شينجياڭ مادەنيەت - كوركەمونەر فەستيۆالى نەلەردى سيلادى

□ انار بۇلت \ شينجياڭ گازەتىنىڭ ءتىلشىسى ۋاڭ شينحۇڭ

2023.04.19 16:08     كەلۋ قاينارى : شينجياڭ گازەتى

  تارتىمدى ساحنالىق كوركەمونەر قويىلىمدارى، تاڭداۋلى اسەمونەر تۋىندىلارى، ەرەكشە بۇقارالىق مادەنيەت قيمىلدارى، ءبي، ۆوكالدىق ءان، اسپاپتىق مۋزيكا جارىسى... وسى كوكتەمدە بايتاق شينجياڭ جەرىندە مادەنيەت - كوركەمونەردىڭ مول داستارقانى جايىلدى.

  4 - ايدىڭ 1 - كۇنىنەن 15 - كۇنىنە دەيىن وتكىزىلگەن تۇڭعىش كەزەكتى شينجياڭ مادەنيەت - كوركەمونەر فەستيۆالى الۋان فورمالى، مول مازمۇندى، اسا تارتىمدى كوركەمونەرلىك بەينەلەۋ تاسىلىمەن شينجياڭنىڭ جاعىمدى ءۇنىن تاراتىپ، شينجياڭنىڭ تارتىمدى حيكاياسىن بايانداپ، شينجياڭنىڭ تاماشا وبرازىن ايگىلەدى.

  مادەنيەت - كوركەمونەر قوسىنىنىڭ ءبىر رەتكى بايقاۋى

  ”ءدال ۋاعىندا بولدى“. بۇل ءتىلشىنىڭ تۇڭعىش كەزەكتى شينجياڭ مادەنيەت - كوركەمونەر فەستيۆالىنىڭ ءار ءتۇرلى جارىسىندا تىلشىلىك ىستەگەندە ءجيى ەستىگەن ءسوزى، سونداي - اق بۇل مادەنيەت - كوركەمونەر قىزمەتكەرلەرىنىڭ، سول جەردەگى كورەرمەندەردىڭ ورتاق جۇرەك ءۇنى.

  تۇڭعىش كەزەكتى شينجياڭ مادەنيەت - كوركەمونەر فەستيۆالىنىڭ باس ۇيىمداستىرۋشىسى ءار جاقتاعى بايلىقتى ءبىر تۇتاس جوسپارلاپ ىسكە قوسىپ، بۇكىل رايونداعى مادەنيەت - كوركەمونەر جاسامپازدىعىنىڭ ەڭ جاڭا جەتىستىگىن شوعىرلى كورسەتىپ، وعان قاتىناسقان ءار تۇردەگى مادەنيەت - كوركەمونەر قىزمەتكەرلەرىنىڭ قابىلەت - دارىنىن ايگىلەۋىنە، ونەر جاعىندا تاجىريبە اۋىسۋىنا ساحنا ازىرلەپ بەردى.

  ءبي، اسپاپتىق مۋزيكا جارىسى وتكىزىلگەن جەردە جارىسقا قاتىناسقان بارلىق شەبەردىڭ كوڭىلى كوتەرىڭكى، جىگەرى اسقاق بولدى. وقىتۋشى - وقۋشىلار بىرگە ساحناعا شىقتى، قارت، ورتا جاس جانە جاس ونەرپازدار بىرگە ساحناعا شىقتى... تالاي جىل كاسىپتىك جارىسقا قاتىناسپاعان مادەنيەت - كوركەمونەر قىزمەتكەرلەرىنىڭ ءبارى وسى ورايدا ءوز تالانتىن تانىتىپ، ءوز ونەرىن سالماقتاپ، ءوز ولقىلىعىن بىلمەك بولدى.

  ”جارىستىڭ ناتيجەسى ماڭىزدى ەمەس، ماڭىزدىسى، وسى تۇعىرعا سۇيەنىپ ءوزىن ايگىلەۋ، وزىنە سايىس جاريالاۋ، وزىنەن اسىپ ءتۇسۋ“، - دەدى تۇڭعىش كەزەكتى شينجياڭ مادەنيەت - كوركەمونەر فەستيۆالى (باتىس) اسپاپتىق مۋزيكا جارىسىنىڭ باعالاۋشىسى، شينجياڭ مۋزيكانتتار قوعامىنىڭ بۇرىنعى ءتوراعاسى ءنۇسىرات ۋاجيدەن.

  جارىسقا قاتىناسقان شەبەرلەر ياڭ شياۋ - ي، ازامات تۇرسۇن قاتارلىلاردىڭ ءبارى سۇحباتتاسقاندا وسى تاقىلەتتەس كوزقاراستارىن ءبىلدىردى. اشىق، ءورشىل بولۋ، باسىپ وزۋعا قۇلشىنۋ، سيىسىمدى بولۋ كوڭىل كۇيىمەن جارىسقا قاتىناسقان ولار ساحنادا ونەر كورسەتكەندە، اناعۇرلىم كۇشتى وزىندىك سەنىمىن ايگىلەپ، ونەرلەرىن كورسەتتى.

  وسى رەتكى مادەنيەت - كوركەمونەر جارىسى ارقىلى رايونىمىزداعى مادەنيەت - كوركەمونەر قوسىنى مەن وسى كاسىپپەن اينالىسۋشىلاردىڭ دەڭگەيى تەكسەرىلدى، بۇل مادەنيەت - كوركەمونەر دارىندىلارىنىڭ پىكىر اۋىستىرىپ، ءوزارا تاجىريبە قابىلداۋىن جەبەپ قانا قويماي، كوپتەگەن تارتىمدى ساتتەردى دە قالدىردى، سونداي - اق جارىسقا قاتىناسقان شەبەرلەردىڭ ءبارى تابىس سەزىمى مەن وزىندىك سەنىمگە بولەندى.

  قالانىڭ مادەني تىنىسىن كۇشەيتە ءتۇستى

  مادەنيەت − قالانىڭ جانى، قالا − مادەنيەتتىڭ دانەكەرى.

  تۇڭعىش كەزەكتى شينجياڭ مادەنيەت - كوركەمونەر فەستيۆالىندا «جەلەگىڭدى اش − شينجياڭ جاقسى جەر»، «شينجياڭ كەشى»، «لين جيلۋ»، «ماناس»، «تيانشان الابىندا»، «مىڭ جىلدىق ۋادە · قيالعا تولى كۇسان»، «بانچاۋ» سياقتى 22 جاڭا ءداۋىر ساحنالىق كوركەمونەر تاڭداۋلى قويىلىمى شوعىرلى كورسەتىلدى، كەيبىر قويىلىمداردىڭ بەلەتىن الۋدىڭ ءوزى قيىنعا سوقتى.

  وسى مەزگىلدە مەيلى كوشەدە جۇرسەڭىز دە، الدە الەۋمەتتىك قاتىناس كولىكتەرىنە وتىرساڭىز دا، ىلعي وسى قويىلىمدارعا قاتىستى سوزدەردى ەستىپ قالاسىز. ءار ۇلت بۇقاراسىنىڭ مول مادەني ازىقتان يگىلىكتەنۋىنە مۇمكىندىك جاساپ، كوركەمونەردىڭ ىقپالىن ەكونوميكانىڭ، قوعامنىڭ ءار ساتىسىنا دەيىن جەتكىزۋ حالىق بۇقاراسىنىڭ رۋحاني مادەنيەت تۇرمىسىنداعى جاڭا ءۇمىتى مەن جاڭا تالپىنىسى بولىپ تابىلادى.

  الۋان گۇلدەر قۇنارلى توپىراقتىڭ ءۇمىتىن اقتادى، كوركەمونەر حالىققا تامىر تارتتى.

  شينجياڭ حالىقارالىق ۇلكەن بازارى، شيشانداعى لاۋجۇنمياۋدىڭ قاسىنداعى الاڭ، ءۇرىمجى ۆوگزالى، حۇڭشان ساياباعىنىڭ كورىنىس تاماشالاۋ تەكشەسى سياقتى جاڭا داۋىردەگى تاڭداۋلى بۇقارالىق مادەنيەت قيمىلدارىن ايگىلەۋ، كورسەتۋ ورىندارىندا شاپالاق ءۇنى، كۇلكى ءۇنى، الاقايلاعان ۇندەر تولاس تاپپاي، ساحنادا جانە ساحنا استىندا ىقپالداستىق جيىلەپ، كوركەمونەر فەستيۆالىنىڭ تولقىنىن كۇشەيتە ءتۇستى. ۇيىمداستىرۋشىلار، ونەر كورسەتۋشىلەر، قاتىناسۋشىلار كوڭىلدى كۇلكىگە باتىپ، جۇزدەرىنەن باقىت لەبى ەستى.

  وسى بۇقارالىق ەرەكشە مادەنيەت قيمىلدارى ”ينتەرنەت + كونسەرت“ ۇلگىسى بويىنشا، انار بۇلت \ شينجياڭ گازەتى، ”شينجياڭ − جاقسى جەر“ ۋيشين الەۋمەتتىك ءنومىرى، ”شينجياڭعا ساياحات“، كۋايشوۋ، دوۋيىن سياقتى تۇعىرلار ارقىلى جەلىدە قادامداس كورسەتىلىپ، سول جەرگە بارىپ كورە الماعان كورەرمەندەردىڭ ءتۇرلى كونسەرتتەرمەن، ءتۇرلى قيمىلدارمەن جاقىننان جاناسۋىنا، وسى رەتكى كوركەمونەر سالتاناتىنىڭ تولىق بەينەسى مەن تارتىمدىلىعىنان ءلاززاتتانۋىنا مۇمكىندىك جاسالدى.

  اسا جوعارى مادەنيەت سانالىلىعى مەن مادەنيەت سەنىمى ارقىلى ءار ۇلت بۇقاراسى مەن ءار دارەجەلى مادەنيەت - كوركەمونەر قىزمەتكەرلەرىنىڭ ەستەتيكالىق دەڭگەيىن جوعارىلاتىپ، قالانىڭ مادەني تىنىسىن كۇشەيتىپ، ءار دارەجەلى مادەنيەت - كوركەمونەر قىزمەتكەرلەرىنىڭ اسقاق جاسامپازدىق سەزىمىن ونان ارى تاسقىنداتىپ، ءار ۇلت بۇقاراسىنىڭ قاتىناسۋ ىنتاسىن قاۋلاتا ءتۇستى.

  مادەنيەت پەن ساياحاتتى توعىستىرۋدىڭ جولدارى مولايدى

  كوپ ساتىلى، كوپ نەگىزدى مادەنيەت - كوركەمونەر فەستيۆالى شينجياڭنىڭ وزىندىك مول تاريحي مادەنيەت بايلىعى مەن سىرتقى وبرازىنىڭ ناقتى بەينەسى عانا ەمەس، ونان دا ماڭىزدىسى، شينجياڭنىڭ گۋمانيتارلىق نەگىزى مەن رۋحاني قاسيەتىنىڭ شوعىرلى بەينەلەنۋى بولىپ تابىلادى.

  تىلگە الۋعا تاتيتىنى، اۆتونوميالى رايوننىڭ جالپىلىق مادەنيەت - كوركەمونەر قيمىلى سانالاتىن تۇڭعىش كەزەكتى شينجياڭ مادەنيەت - كوركەمونەر فەستيۆالىنداعى كوپتەگەن تاڭداۋلى قويىلىمداردىڭ بارىندە جەرگىلىكتى ورىننىڭ وڭىرلىك ەرەكشەلىككە تولى تاريحي مادەنيەت بايلىعى كونسەرتكە كىرىستىرىلدى.

  ايتالىق، قۇمىل ءان - ءبي ۇيىرمەسى ورىنداعان وقيعالى ءان - ءبي «يجوۋ اسەرىنە» قۇمىلدىڭ 3 جەرىندەگى بۇددا ءدىنى ەسكى جۇرتى كىرىستىرىلىپ، كورەرمەندەردىڭ كونسەرت كورگەن كەزدە جەرگىلىكتى ورىننىڭ تاريحي مادەنيەتىن تۇسىنۋىنە مۇمكىندىك جاسالدى.

  شينجياڭ كوركەمونەر تەاترحاناسىنىڭ ۇلتتىق مۋزيكا ۇيىرمەسى ورىنداعان «تيانشان الابىندا» اتتى ۇلتتىق اسپاپتار مۋزيكا تەاترىندا ءبىر ساياحاتشىنىڭ تۇرعىسى بويىنشا، حوتاننان تارتىپ قاشقار، كورلا، ىلە، بۇراتالا، قۇمىل سياقتى جەرلەرگە دەيىنگى وڭىرلەردەگى كوركەم كورىنىستەر، ەل مەن جەردىڭ جاعدايى ايگىلەندى.

  مادەنيەت − ساياحاتتىڭ جانى، ساياحات − مادەنيەتتىڭ دانەكەرى.

  حالىق بۇقاراسىنىڭ جوعارى ساپالى رۋحاني تۇرمىس تالپىنىسىنا ىلەسە، كوركەم كورىنىستەن كوز ايىم بولۋمەن عانا قاناعاتتانىپ قالماي، جەرگىلىكتى ورىننىڭ مادەنيەتىن جانە ەل مەن جەردىڭ جاعدايىن ىشكەرىلەي ءتۇسىنۋدى كوبىرەك قاجەتسىنەتىن ساياحاتشىلار كوبەيە تۇسۋدە. تۇڭعىش كەزەكتى شينجياڭ مادەنيەت - كوركەمونەر فەستيۆالىنىڭ ءتۇرلى قيمىلدارى وزگەشە مادەني سلوبى مەن مادەني باۋراعىشتىعى ارقىلى ساياحاتتى ءتۇسىندىرىپ، رايونىمىزدىڭ جەر - جەرىندەگى كوپ نەگىزدى مادەنيەت پەن ساياحات ەرەكشەلىكتەرىن ايگىلەپ، مادەنيەت پەن ساياحاتتىڭ توعىسۋىن ىلگەرىلەتۋدە، رايونىمىزداعى مادەنيەت - ساياحات كاسىپ سالاسىنىڭ جوعارى ساپالى دامۋىنا دەم بەرۋدە ماڭىزدى رول اتقاردى.
جاۋاپتى رەداكتورى : نۇرعيسا قۇرمانجان ۇلى