شى فاڭفاڭ:
عىلىم - تەحنيكا جەتىستىكتەرىن اتىز باسىنا جەتكىزدى
□ انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر
2023.04.19 16:08 كەلۋ قاينارى : شينجياڭ گازەتى
4 - ايدىڭ 4 - كۇنى شينجياڭ ءوندىرىس قۇرىلىس بيڭتۋانى 12 - شىسى اۋىل شارۋاشىلىعى عىلىمىن زەرتتەۋ بولىمشەسى 3 - دارەجەلى ۆيرۋسسىزداندىرىلعان تۇقىمدىق بۇلدىرگەن مايساسىن ءوسىرۋ جۇيەسىنەن ۇلگى كورسەتۋ اۋماعىنا بارعانىمىزدا، قاز - قاتار ەگىلگەن جاپ - جاسىل بۇلدىرگەن مايسالارى سۋ مەن تىڭايتقىشتى ءبىر تۇلعالاندىرۋ زەردەلى تەحنيكاسى مەن قورشاعان ورتانىڭ وزدىگىنەن مەڭگەرۋى ارقىلى باپتالعان جاعدايدا، ۇيلەسىمدى جارىق، تەمپەراتۋرا، ىلعالدىق سياقتى شارت - جاعدايدا جايقالا ءوسىپ تۇرعاندىعىن كوردىك.
”2012 - جىلدان باستاپ ۇجىمدى باستاپ ۆيرۋسسىزداندىرىلعان بۇلدىرگەندى كوبەيتىپ ءوسىرۋدى زەرتتەۋگە كىرىستىم، بۇگىنگى كۇندەردە بۇلدىرگەننىڭ ۆيرۋسسىزدانۋ مولشەرى ％100كە جەتىپ، ەگۋشىلەر مۇنىڭ پايداسى وتە جاقسى بولعاندىعىن ءبىلدىردى“، - دەدى بيڭتۋان 12 - شىسى اۋىل شارۋاشىلىعى عىلىمىن زەرتتەۋ بولىمشەسى تەكسەرۋ - ولشەۋ ورتالىعىنىڭ مەڭگەرۋشىسى شى فاڭفاڭ كوڭىلدەنە.
شى فاڭفاڭ بىلاي دەپ تانىستىردى: ۆيرۋسسىزداندىرىلعان بۇلدىرگەن جەتىلدىرۋ بۇلدىرگەندە ۋىت بار دەگەندىك ەمەس، بۇل دەرت - دەربەزگە شىدامدىلىعى ءالسىز، ءونىم مولشەرى ماردىمسىز بۇلدىرگەندى ۆيرۋسسىز جاعدايدا ەگۋ دەگەندىك.
ۆيرۋسسىزدانعان تكان جەتىلدىرۋدى زەرتتەگەن كەزدە، ەڭ الدىمەن ساباق ۇشىن سىدىرىپ الۋ كەرەك، مۇندا ساباق ۇشىنىڭ ورنىن ءداپ باسىپ تابۋ شەشۋشى ءتۇيىن ەسەپتەلەدى، سىدىرىپ العان ساباق ۇشى قانشا كىشكەنە بولسا، ۆيرۋسسىزدانۋ مولشەرى سونشا جوعارى بولادى“. شى فاڭفاڭ بىلاي دەدى: كەيبىر ساباق ۇشى ينە ۇشىنان دا جىڭىشكە بولادى، مۇندايدا اناتوميالىق ميكروسكوپ ارقىلى عانا جۇمىس بىتىرۋگە بولادى.
وسى تەحنيكانى تەزىرەك يگەرۋ ءۇشىن شى فاڭفاڭ كۇنى بويى تاجىريبەحانادان شىقپايدى ەكەن. ەڭبەگى باردىڭ ونبەگى بار. 2012 - جىلى شى فاڭفاڭ ۇجىمىن باستاپ ساباق ۇشىن مۇلتىكسىز سىدىرىپ الۋ تەحنيكاسىن يگەرىپ، ساباق ۇشىن ۆيرۋسسىزداندىرۋ، ۆيرۋستى تەكسەرۋ، تۇقىمدىق مايسا جەتىلدىرۋ سياقتى تەحنيكالىق بوگەتتەردى ءساتتى بۇزىپ، تۇقىمدىق بۇلدىرگەن مايساسىنىڭ ساپاسى مەن ءوسىپ - ءونۋ كوەففيتسەنتىن ءونىمدى جوعارىلاتتى.
”تاجىريبەحانادان شىققان ۆيرۋسسىزدانعان تۇقىمدىق بۇلدىرگەن مايساسىنىڭ دەرت - دەربەزگە شىدامدىلىعى كۇشتى بولادى دا، توپىراقتان تارالاتىن دەرت - دەربەزدى ازايتادى، ءتۇسىمى مول بولادى، مۋ باسىندىق پايداسى 150 مىڭ يۋان اينالاسىندا“، - دەدى شى فاڭفاڭ.
بۇگىنگى تاڭدا بيڭتۋان 12 - شىسى اۋىل شارۋاشىلىعى عىلىمىن زەرتتەۋ بولىمشەسى بۇلدىرگەننىڭ جاڭا سورتىن ەنگىزۋ سىناعى، جاڭا تەحنيكادان ۇلگى كورسەتىپ جالپىلاستىرۋ، جالپىلىق تەحنيكانى قۇراستىرىپ سايكەستىرۋ جانە تەحنيكالىق باۋلۋ ءبىر تۇلعالانعان، 3 - دارەجەلى ۆيرۋسسىزدانعان تۇقىمدىق بۇلدىرگەن مايساسىن وسىرەتىن شينجياڭداعى ەڭ ۇلكەن بازانى قالىپتاستىرىپ وتىر. 2022 - جىلدىڭ سوڭىنا دەيىن بۇكىل شينجياڭنىڭ جەر - جەرىن ءبىر ميلليون 500 مىڭ تۇپكە جۋىق تۇقىمدىق بۇلدىرگەن مايساسىمەن قامداپ، 40 ميلليون يۋان ەكونوميكالىق پايدا تاپتى.
شى فاڭفاڭ ەل ىشىندەگى تاڭداۋلى بۇلدىرگەن سورتىن جاقسارتۋمەن بىرگە، شينجياڭداعى ءتۇسىمدى، تاڭداۋلى جەرگىلىكتى بۇلدىرگەننىڭ جاڭا تۇقىمىن (جۇيە) دەربەس سۇرىپتاپ جەتىلدىردى، بۇگىنگى تاڭدا وسى جاڭا تۇقىم (جۇيە) شينجياڭنىڭ جەر - جەرىنە ەگۋگە ۇيلەسىپ، مۋ باسىندىق ءونىمى جەرگىلىكتى ورىندا ەگىلەتىن نەگىزگى تۇقىمنىڭ مۋ باسىندىق ونىمىنەن 500 نەشە كيلوگرام جوعارى بولىپ، تىكەلەي ەكونوميكالىق پايداسى ％15 جوعارىلادى.
قالىڭ جۇمىسشى - قىزمەتكەرلەر قاۋىمىنىڭ بۇلدىرگەننەن تاباتىن پايداسىن اناعۇرلىم جوعارىلاتۋ ءۇشىن، شى فاڭفاڭ وڭتۇستىك، سولتۇستىك شينجياڭنىڭ جەر - جەرىندە بۇلدىرگەننىڭ جاڭا تۇقىمىن (جۇيە) جانە تۇقىمدىق مايساسىن وسىرۋدەن ۇلگى كورسەتۋ ءتۇيىنىن قۇرىپ، نەگىزگى ساتى تەحنيكتەرىن باۋلىپ، تەحنيكانى اتىز باسىنا جەتكىزۋ ارقىلى بۇلدىرگەن ەگۋشىلەردىڭ كوڭىلدەگىدەي مايسا ساتىپ الۋىنا، كوڭىلدەگىدەي تەحنيكا قولدانۋىنا، كوڭىلدەگىدەي ءونىم ەگىپ شىعارۋىنا شىنايى كەپىلدىك ەتتى. سونداي - اق ول ”قابىلەتتىلەر باستاماشى بولۋ“ نىسانىن باستاماشىلدىقپەن اتقارىپ، اۋىل شارۋاشىلىعى تەحنيكاسى ارقىلى نەگىزگى ساتىعا، جۇمىسشى - قىزمەتكەرلەر قاۋىمىنا قىزمەت وتەۋدى ىلگەرىلەتتى.
بيىل شى فاڭفاڭ تۇقىمدىق مايسا ءوسىرۋدىڭ عىلىم - تەحنيكالىق دەڭگەيىن جوعارىلاتۋ ءۇشىن، ۇجىمدى باستاپ قورەكتىك ورتا جانە سورەلى قادا شانشۋ ارقىلى ءوسىرۋ ۇلگىسىن قولدانا باستادى. ”قۇلشىنىسىمىزدىڭ ارقاسىندا، وسى مايسالاردىڭ بايۋعا باستايتىن اناعۇرلىم مول جەمىس بەرۋىن، اۋىل شارۋاشىلىعى ءوندىرىسىنىڭ پايداسىن جوعارىلاتىپ، جۇمىسشى - قىزمەتكەرلەر قاۋىمىنىڭ قالتاسىن قالىڭداتا ءتۇسۋدى ءۇمىت ەتەمىن“، - دەدى شى فاڭفاڭ كۇلە سويلەپ.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
