2023 - جىلعى اۆتونوميالى رايوندىق 14 - كەزەكتى حالىق قۇرىلتايى ۋاكىلدەرىنىڭ مىندەت وتەۋ قابىلەتىن جەتىلدىرۋ كۋرسى ساباق باستادى
ۇيرەنۋ ناتيجەسىن زاڭ بويىنشا مىندەت اتقارۋدىڭ ناقتى ونىمدىلىگىنە اينالدىرۋ كەرەك
2023.04.19 16:05 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لياڭ ليحۋا 4 - ايدىڭ 17 - كۇنى ۇرىمجىدەن حابارلايدى. 4 - ايدىڭ 17 - كۇنى تۇستەن بۇرىن 2023 - جىلعى اۆتونوميالى رايوندىق 14 - كەزەكتى حالىق قۇرىلتايى ۋاكىلدەرىنىڭ مىندەت اتقارۋ قابىلەتىن جەتىلدىرۋ كۋرسىنىڭ ساباق باستاۋ سالتى ۇرىمجىدە وتكىزىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل ساباق باستاۋ سالتىنا قاتىناستى ءارى ءسوز سويلەدى.
ءزۇمىرات وبۇل بىلاي دەپ اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتۋدى وراي ەتىپ، پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، ساياسي دەڭگەيدى اناعۇرلىم جوعارىلاتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن ىرىقتىلىقپەن ويداعىداي ۇيرەنىپ، ويداعىداي ءتۇسىنىپ، ويداعىداي ۇگىتتەپ، ويداعىداي دايەكتىلەندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى بار كۇشپەن ويداعىداي ىستەپ، باس شۋجيدىڭ شينجياڭعا كەسكىندەپ بەرگەن ايبىندى جوباسىن تاماشا رەالدىققا اينالدىرۋ كەرەك.
ءزۇمىرات وبۇل بىلاي دەپ باسا دارىپتەدى: نەگىزگى تاقىرىپتىق تاربيەنىڭ جالپى تۇلعالىق تالابىن، نىسانا - مىندەتىن ارقاۋ ەتىپ، ۇيرەنۋدى سانالى تۇردە كۇشەيتىپ، ىشكەرىلەي تەكسەرۋ - زەرتتەۋ جۇرگىزىپ، زاڭ بويىنشا مىندەت وتەۋ قابىلەتى مەن ورەسىن ۇزدىكسىز جوعارىلاتۋ كەرەك. ۇيرەنۋدى ءبىر ءتۇرلى تالپىنىس جانە ادەت ەتىپ، ۇزدىكسىز جاڭا بىلىمدەردى يگەرىپ، جاڭا سالالارعا قانىق بولىپ، جاڭا كوز ايانى اشۋ كەرەك. ونەگەلىك رولدى ساۋلەلەندىرىپ، تەكسەرۋ - زەرتتەۋدى كۇشەيتۋدى ماڭىزدى ورىنعا قويىپ، ”تەرەڭ، ناقتى، ەگجەي - تەگجەيلى، دالمە - ءدال، ءونىمدى“ بولۋعا كۇش سالىپ، ءجىتى قاداعالاپ وتىرعان ماسەلەلەرگە بەلسەنە جاۋاپ قايتارىپ، ماسەلەنىڭ ءتۇيىنىن تاۋىپ، اۆتونوميالى رايوندىق پارتكومنىڭ عىلمي شەشىم جاساۋىنا پايدالانۋ ماتەريالىن ازىرلەۋ كەرەك. نازاريانى امالياتپەن ۇشتاستىراتىن ۇيرەنۋ ستيلىن ساۋلەلەندىرىپ، پارتيا مەن ۇكىمەتتىڭ حالىق بۇقاراسىمەن بايلانىس جاساۋداعى تاماشا كوپىرى جانە دانەكەرى بولۋ كەرەك.
ءزۇمىرات وبۇل مىنالاردى تالاپ ەتتى: ۋاكىلدەر ءماجىلىسى كەزىندەگى قىزمەتتەردى جوعارى ساپامەن ويداعىداي ىستەپ، قاراۋ ساپاسىن جوعارىلاتىپ، شينجياڭنىڭ رەفورماسىن، دامۋىن، ورنىقتىلىعىن ىلگەرىلەتۋ ءۇشىن كوبىرەك ءادىس - امال قاراستىرىپ، وي جەلىسىن، ناقتى شارالاردى ورتاعا قويىپ، ىشكەرىلەي تەكسەرۋ - زەرتتەۋ جۇرگىزۋ نەگىزىندە، زاڭداعى بەلگىلەمەلەرگە ساي ءىس جۇزىندىك جاعدايلار مەن ماسەلەلەردى اڭىس ەتەتىن كەڭەستىك جوبالار مەن ۇسىنىستاردى ورتاعا قويۋ كەرەك. كوزدەن كەشىرۋ، زاڭنىڭ اتقارىلۋىن تەكسەرۋ، ارناۋلى تاقىرىپتىق تەكسەرۋ - زەرتتەۋ سياقتى ءماجىلىس جابىق كەزدەگى قيمىلداردى جوعارى ساپامەن ويداعىداي ىستەپ، الدىڭعى شەپكە ىشكەرىلەي بارىپ، ناقتى جاعدايدى ۇعىسۋعا، جاعدايعا تالداۋ جاساۋعا، ماسەلەلەردى اڭىس ەتۋگە، زاڭداردى، زاڭ ەرەجەلەردى اتقارۋ بارىسىندا ورىن تەپكەن ماسەلەلەردى بايقاۋعا شەبەر بولىپ، زاڭدى قاتاڭ اتقارۋ ارقىلى زاڭداردىڭ، زاڭ ەرەجەلەردىڭ ءونىمدى اتقارىلۋىن ىلگەرىلەتۋ كەرەك. حالىق بۇقاراسىمەن ەتەنە بايلانىس ورناتىپ، حالىقتى وزەك ەتۋگە تاباندى بولىپ، حالىقتان كىشى پەيىلدىلىكپەن ۇيرەنىپ، حالىقتىڭ ۇنىنە قۇلاق اسىپ، حالىقتىڭ اقىل - پاراساتىن قابىلداپ، ءتۇرلى قىزمەتتەردىڭ حالىق بۇقاراسىنىڭ ورتاق ەركىن اناعۇرلىم ويداعىداي ايگىلەۋىنە مۇمكىندىك جاساپ، حالىقتىڭ ءتۇبىرلى مۇددەسىن اناعۇرلىم ويداعىداي قورعاۋ كەرەك. تاڭداۋلى حالىق قۇرىلتايى ۋاكىلدەرىن ۇلگى ەتىپ، ساياساتتى تياناقتاندىرۋدىڭ، زاڭ - تارتىپكە قاتاڭ بويسۇنۋدىڭ، جاۋاپكەرشىلىك ارقالاپ، بورىشىن ادا ەتۋدىڭ ۇلگىسى بولۋ كەرەك.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
