يەمەننىڭ استاناسى سانادا باستىرىلۋ ۋاقيعاسى تۋىلىپ، از دەگەندە 80 ادام قازا بولدى
2023.04.20 16:08 كەلۋ قاينارى : حالىق تورابى
شينحۋا اگەنتتىگىنىڭ 4 – ايدىڭ 19 – كۇنى سانادان بەرگەن حابارى. يەمەننىڭ استاناسى ساناداعى ءبىر قايىر – ساحابات بۇيىمدارىن تاراتۋ ورنىندا 4 – ايدىڭ 19 – كۇنى كەشتە باستىرىلۋ وقيعاسى تۋىلىپ، از دەگەندە 80 ادام قازا بولىپ، 220 ادام جارالاندى.سانا جەرگىلىكتى دەنساۋلىق ساقتاۋ تاراۋىنىڭ جاۋاپتىسى انيس سۇباش شينحۋا اگەنتتىگىنىڭ تىلشىلىگىن قابىلداعاندا بىلاي دەدى: باستىرىلۋ وقيعاسى سانانىڭ كونە قالا رايونى ماڭىندا تۋىلدى، ەمدەۋ قىزمەتكەرلەرى جارالىلاردى كوپتەگەن شيپاحانالارعا جوتكەپ، شۇعىل قۇتقاردى.
قۇساي قارۋلى كۇشتەرىنىڭ مەڭگەرۋىندەگى ماسيرا تەلەۆيزيا ستانسياسى سول كۇنى قۇساي قارۋلى كۇشتەرىنىڭ ءبىر اقپار جاريالاۋشىسىنىڭ سوزىنەن سيتات كەلتىرىپ مىناداي دەدى: كەي ساۋداگەرلەر باسقارۋ تاراۋلارىنىڭ بەكىتۋىن الماي تۇرىپ كوشەدە اقشا تاراتقاندىقتان، وسىنداي باستىرىلۋ وقيعاسى تۋىلعان. وقيعاعا بايلانىستى ساۋداگەرلەر قولعا الىنعان.
2014 - جىلى 9 - ايدا قۇساي قارۋلى كۇشتەرى سانانى تارتىپ الدى، كەيىن كەلە يەمەننىڭ وڭتۇستىك ءوڭىرىن باسىپ الدى. 2015 – جىلى 3 – ايدا، ساۋد ارابياسى باستاماشى بولىپ، كوپ ەل بىرلەسكەن ارمياسىن قۇرىپ، قۇساي قارۋلى كۇشتەرىنە قارسى اسكەري ارەكەت جۇرگىزدى. 2018 – جىلى 12 – ايدا ب م ۇ ـ نىڭ راقايلاستىرۋىمەن يەمەن ۇكىمەتى مەن قۇساي قارۋلى كۇشتەرى قىزىل تەڭىز پورتى حودەيدادا سوعىستى توقتاتۋعا قوسىلدى، ءبىراق كوپ وتپەي ەكى جاق قارسى تاراپتى سوعىستى توقتاتۋ كەلىسىمىن ءبۇلدىردى دەپ جازعىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
