”نەمەرە باعۋ اقىسى“ ءۇشىن 80 مىڭ يۋاننان استام اقشا تولەمەگەندىكتەن اتا – اناسى بالاسىنىڭ ۇستىنەن سوتقا ارىز بەرگەن
سوت مەكەمەسى مىناداي ۇكىم شىعاردى
2023.04.20 13:56 كەلۋ قاينارى : حالىق تورابى
قارتتاردىڭ بالا باققانى ءۇشىن ءوز پەرزەنتتەرىنەن ”نەمەرە باعۋ اقىسىن“ تالاپ ەتۋىنە بولا ما؟ اتاسىنىڭ نەمەرەسىن باعىپ – قاعۋ بورىشى بار ما؟ جۋىردا، حۋنان ولكەسى يۇڭجوۋ قالاسى داۋشيان حالىق سوتى قارتتاردىڭ ”نەمەرە باعۋ اقىسىن“ تالاپ ەتۋىنە قاتىستى ءبىر دەلو جونىندە تەرگەۋ جۇرگىزدى.
ايىپكەر ۋ X جيا تالاپكەر ۋ X لۇڭ مەن حى X تىڭ ۇلى، ول ايىپكەر لي X حۋامەن ۇيلەنگەننەن كەيىن، ۋ X يۋان، ۋ X زى ەسىمدى ەكى بالالى بولادى، وسىدان سوڭ ايىپكەر ەرلى – زايىپتىلار سىرتقا كەتىپ، قايتىپ ورالماي، 4 جاستاعى بالاسى ۋ X يۋان مەن 2 جاستاعى بالاسى ۋ X زىنى اۋىلىنداعى اتاسى مەن اپاسىنىڭ، اتاپ ايتقاندا، تالاپكەردىڭ باعىپ – قاعۋىنا قالدىرادى، بالانىڭ دەنساۋلىعى ناشار بولىپ، ءجيى اۋىرادى، جاسى ۇلعايعان ەكى قارت بالا باعۋ بارىسىندا قاتتى قينالادى، پەرزەنتتەرىنىڭ اۋىلعا قايتىپ كەلىپ، بالانى قاراۋىن نەمەسە ەكى بالانى قاستارىنا الىپ كەتىپ قاراۋىن ءۇمىت ەتەدى، الايدا، ەكى ايىپكەر باستان – اياق قايتىپ ورالمايدى، باعىپ – قاعۋ بورىشىن وتەمەيدى، باعىپ – قاعۋ قاراجاتىن تولەمەيدى. بالالاردىڭ ەسەيىپ – ەرجەتۋىن جانە وزدەرىنىڭ ەكونوميكالىق جاعدايلارىن ويلاستىرا وتىرىپ، ەكى قارت امالسىزدان ەرلى – زايىپتى ەكەۋىنىڭ ۇستىنەن سوتقا ارىزدانىپ، سوت مەكەمەسىنىڭ بالانى باعىپ – قاعۋعا كەتكەن 87101 يۋاندى تولەتىپ بەرۋىن ءۇمىت ەتەدى.
سوت مەكەمەمەسى دەلونى قابىلداعان سوڭ بىلاي دەپ قارايدى: زاڭدا اكە - شەشەنىڭ پەرزەنتتەرىن باعىپ – قاعۋ، تاربيەلەۋ، قورعاۋ بورىشى بار دەپ بەلگىلەنگەن، اكە - شەشەسى قازا بولعان نەمەسە پەرزەنتتەرىن باعىپ – قاعۋ قولىنان كەلمەيتىن ەرەكشە جاعدايدا عانا، باعىپ – قاعۋعا شاماسى كەلەتىن اتا – اپاسىنىڭ، ناعاشى اتا – ناعاشى اپاسىنىڭ نەمەرەسىن، جيەنىن باعىپ - قاعۋ بورىشى بار دەپ بەلگىلەنگەن. سوندىقتان، اكە - شەشەنىڭ ازامات جاسىنا تولماعان پەرزەنتتەرىن زاڭ بويىنشا باعىپ – قاعۋ بورىشى بار، اتا – اپاسىنىڭ، ناعاشى اتا – ناعاشى اپاسىنىڭ نەمەرەسىن، جيەنىن باعىپ قاعۋى جونىندە، زاڭدا ءسوزسىز ورىنداۋعا ءتيىستى باعىپ – قاعۋ بورىشى بار دەپ بەلگىلەنبەگەن.
بۇل دەلوداعى ۋ X جيا مەن لي X حۋا ەكەۋىنىڭ جاس، قايراتتى كەزدەرى، دەنساۋلىقتارى جاقسى، ۋ X يۋان مەن ۋ X زىنىڭ تۋعان اكە – شەشەسى سالاۋاتىمەن، ەكەۋى بالانى باعىپ – قاعۋعا شاماسى كەلەتىن جاعدايدا باعىپ – قاعۋ بورىشىن اتقارۋدان باس تارتقان، بۇل بورىشتى ءوز اكە – شەشەسىنە ارتقان، بالانى ءىس جۇزىندە اتاسى مەن اپاسى باققان، ولارعا باعىپ – قاعۋ قاراجارتىن بەرۋدى زاڭ بويىنشا اتقارۋى كەرەك. 2020 – جىلعى، 2021 – جىلعى حۋنانداعى قالا – قالاشىقتاعى تۇرعىنداردىڭ كىسى باسىنا شاققانداعى تۇرمىستىق تۇتىنۋ شىعىمىنىڭ ولشەمى بويىنشا ەسەپتەي كەلە، سوت مەكەمەسى ەكى ايىپكەر ەكى تالاپكەردىڭ ۋ X يۋاندى، ۋ X زىنى 2021 – جىلى 3 – ايدان 2022 – جىلى 9 – ايعا دەيىن 19 اي باعىپ بەرگەنى ءۇشىن 87101 يۋان باعىپ – قاعۋ قاراجاتىن بەرۋى كەرەك دەگەن ۇكىم شىعارعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
