جۇڭگو (شينجياڭ) — وزبەكستان ەكونوميكا ـ ساۋدا اۋىس ـ ٴتۇيىس ءماجىلىسى ۇرىمجىدە اشىلدى
2023.04.21 16:15 كەلۋ قاينارى : حالىق تورابى
4 – ايدىڭ 20 – كۇنى، جۇڭگو (شينجياڭ) — وزبەكستان ەكونوميكا ـ ساۋدا اۋىس ـ ٴتۇيىس ءماجىلىسى ۇرىمجىدە اشىلدى. ەكى جاقتىڭ ماجىلىسكە قاتىناسقان ۋاكىلدەرى ەكى جاقتىڭ كوپ سالاداعى سەلبەستىگىن كۇشەيتۋ، ءوزارا پايدا جەتكىزىپ، تەڭ يگىلىككە كەنەلۋ دەڭگەيىن جوعارىلاتۋ جونىندە پىكىر اۋىستىرىپ، سەلبەستىك كەلىسىمىنە قول قويدى. شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، شينجياڭ ۇيعۇر اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن ماجىلىسكە قاتىناستى ءارى ءسوز سويلەدى.
چىن ۋيجۇن ارناۋ سوزىندە شينجياڭ ۇيعۇر اۆتونوميالى رايوندىق حالىق ۇكىمەتى اتىنان، قيمىلعا قاتىناسقان ەل ءىشى ـ سىرتىنان كەلگەن سيلى قوناقتاردى شىنايى قارسى الاتىندىعىن ءبىلدىردى، ۇزاق ۋاقىتتان بەرى شينجياڭنىڭ ەكونوميكالىق، قوعامدىق دامۋىنا كوڭىل ءبولىپ، قولداۋ كورسەتىپ كەلگەن ءار سالا قايراتكەرلەرىنە شىن جۇرەكتەن العىس ايتتى. ول بىلاي دەدى: ”ٴبىر بەلدەۋ، ءبىر جولدى“ بىرگە قۇرۋ باستاماسىنىڭ العا قويىلۋىنا ىلەسە، جۇڭگونىڭ شينجياڭى مەن وزبەكستاننىڭ ەكونوميكا ـ ساۋدا بارىس ـ كەلىسى كۇن سايىن جيىلەپ، ەكى جاقتىڭ اۋىس ـ ٴتۇيىسى، سەلبەستىگى ۇزدىكسىز تەرەڭدەپ، ەكى جەر قارىم ـ قاتىناسىنىڭ ورنىقتى دامۋىن ۇزدىكسىز ىلگەرىلەتىپ، ەكى ەل حالقىنا ناقتى پايدا جەتكىزدى. قازىر شينجياڭ جوعارى دەڭگەيدە سىرتقا ەسىك اشۋدى كۇش سالا ىلگەرىلەتىپ، ەكى ٴتۇرلى بازاردان، ەكى ءتۇرلى بايلىقتان اناعۇرلىم ويداعىداي پايدالانىپ، سىرتپەن اۋىس ـ ٴتۇيىس جاساۋ ءتاسىلىن جاڭالاپ، سىرتپەن سەلبەستىك جاساۋ ارناسىن ىركىلىسسىزدەندىرىپ، جۇڭگو ـ ەۆروپا كەزەكشى پويەزىنىڭ جوعارى ساپالى قاتىناۋىن جەبەپ، حالىقارالىق اۋىس ـ ٴتۇيىس پەن ەكونوميكا ـ ساۋدا سەلبەستىگىن تەرەڭدەتىپ، ”ءبىر بەلدەۋ، ءبىر جول“ قۇرىلىسىنا اناعۇرلىم ويداعىداي قىزمەت وتەۋدە.
وزبەكستان قارجى قوسۋ، ونەركاسىپ جانە ساۋدا مينيسترلىگىنىڭ ورىنباسار مينيسترى ھۇرام تيسابايەۆ سوزىندە مىنالاردى ءبىلدىردى: وزبەكستان - جۇڭگو ەكى مەملەكەتتىڭ ەكونوميكا، ساۋدا سەلبەستىك بايلانىسىن كۇشەيتۋ جاعىندا جانە دە زور كومەسكى كۇشى بار، بۇل كەزەكتى ٴماجىلىستىڭ ماقساتى ‐ وزبەكستان جانە جۇڭگو شينجياڭىنىڭ اۋىل شارۋاشىلىعى، ەكونوميكا - ساۋدا، قاتىناس، زات اينالىمى قاتارلى سالالارداعى سەلبەستىگىن تەرەڭدەتە ٴتۇسۋ، بىرگە دامۋدى جەبەپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋ.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
