”ۇكىمەت ىسىمەن قوناق كۇتكەندە ءبىر بوتەلكەسى ورتا ەسەپپەن 20 يۋان كەلەتىن اق اراق ىشكەندىكتەن جازالاۋ“ ەسكەرتۋ بەرىپ، ءتالىم – تاربيە جۇرگىزۋ ساباعى سانالادى
ياڭ يۇيلۇڭ
2023.04.21 13:45 كەلۋ قاينارى : حالىق تورابى
جۋىردا، يۇننان ولكەسى ىشان يزۋ اۆتونوميالى اۋدانىندا ءبىر كادر ۇكىمەت ىسىمەن قوناق كۇتكەندە جيىنى 100 يۋاندىق 5 بوتەلكە اق اراق قۇيعان ءارى ءوزى بىرگە اراق ىشكەن، وسىنىڭ سەبەبىنەن وعان پارتيا ىشىندە ەسكەرتۋ بەرۋ جازاسى بەرىلگەن. كوپتەگەن توراپتاستار ورتاشا باعاسى 20 يۋان كەلەتىن اق اراق ءىشۋ جازالاۋعا مۇلدە ”تاتىمايدى“ دەپ قاراعان. يۇننان ولكەلىك ءتارتىپ تەكسەرۋ – باقىلاۋ كوميتەتىنىڭ رەسمي تىركەلگىسى وسىعان جاۋاپ رەتىندە توراپتاستاردىڭ بىرەۋى قالدىرعان: ”ۇكىمەت ىسىمەن قوناق قابىلداعان كەزدە اراق ىشۋگە بولمايدى، ماسەلە اراقتىڭ باعاسىندا ەمەس“ دەگەن سوزگە قولداۋ بەلگىسىن باسقان.
اق اراقتىڭ ءار بوتەلكەسىنىڭ ورتاشا باعاسى 20 يۋان بولسا، شىنىمەن دە قىمبات ەمەس، الايدا ”بەلگىلەمەگە قايشى كەلۋ گرادۋسى“ تومەن ەمەس — ىشان اۋدانى ۇكىمەت ىسىمەن قوناق قابىلداعاندا اراق ىشۋگە تيىم سالعان جاعدايدا، بۇل كادر ۇكىمەت ىسىمەن قوناق كۇتۋ بارىسىندا تاعى دا ءوز بىلگەنىن ىستەگەن، بىلە تۇرىپ دەلو تۋدىرۋ دەپ قاراۋعا بولادى.
جۋىرداعى جىلداردان بەرى، ”ءتورت بۇرىس ستيلدى“ ۇزدىكسىز جونگە سالۋعا بايلانىستى، ۇكىمەت ىسىمەن قوناق كۇتۋ جانە تۇرمىستاعى باس قوسۋ بارىسىندا اشىقتان – اشىق ءىشىپ – جەۋ ازايدى، الايدا، قىزمەت كەڭسەسىنىڭ كولەمى ”ازداپ شەكتەن اسۋ“، ءوز بىلگەنىنشە ”ازداعان سيلىق سوما“ تاراتۋ، از اقشا جۇمساپ ”ازىراق ءىشىپ – جەۋ“ قاتارلى ارەكەتتەر ءالى دە ساقتالىپ وتىر. بۇل ارەكەتتەر قاراماققا ”جازالاۋعا تاتىمايتىن“ ۇساق ىستەر سياقتانعانىمەن، ءىس جۇزىندە، پاكتىك قۇرىلىسى جونىنەن ايتقاندا ءىرى ءىس سانالادى. ”ءبىر رومكا اراق“، ”ءبىر ۇستەل تاماق“ كەلەلى جۇمىسپەن قاتىسسىز سياقتانعانىمەن، ءىس جۇزىندە، مۇنىڭ استارىندا شىرىكتەسۋدىڭ كولەڭكەسى جاسىرىنىپ جاتادى.
”ارزان اراق ىشسە جازالاۋعا تاتىمايدى“ دەگەن كوزقاراستىڭ كەلىپ شىعۋ سەبەبى جونىندە تەرەڭ ويلانۋعا تاتيدى. سايىپ كەلگەندە، بۇل دا پارتيالى كادرلاردىڭ يدەياسىندا ساقتالىپ وتىرعان قاتە تۇسىنىك. ولاردىڭ ازداپ ءىشىپ – جەۋدەن، ازداپ قول ۇزدىك الۋدان تارتىنبايتىنى، ءىس جۇزىندە، بىلىنبەي قالا بەرەتىن شىعار دەگەن ويدىڭ جەتەگىندە وسىلاي ىستەيدى، كوپكە زاڭ جۇرمەيدى، ”بولىمسىز ىستەردى“ زاڭ دا قۋزاستىرمايدى دەپ ويلاۋدان بولادى. ”اندا – ساندا ءبىر رەت وسىلاي ىستەسە ەشتەڭە ەتپەيدى“، ”ەلەۋسىز ءىس، ودان ەشقانداي كەلەر - كەتەر جوق“ دەگەن وي ءىشىنارا ادامداردىڭ تارتىپكە قايشىلىق جاساۋىنا، ءتىپتى زاڭعا قايشى كەلۋىنە ”جاسىل شىراق جاعادى“، بەيباستاق كەتۋگە سىلتاۋ بولادى، مىنە، بۇل ستيلدەگى ماسەلەنىڭ وڭاي ارىلمايتىنىن ، كۇردەلى ەكەنىن كورسەتەدى. وسى ىسكە قايتا ورالساق، ەگەر وسى جولى بىرنەشە بوتەلكە اراقتىڭ باعاسى ارزان بولعاندىقتان بارماق باستى، كوز قىستىمەن وتكىزىپ جىبەرسە، كەلەسى جولى 20 يۋاننان قىمباتىراق اراق ىشۋدەن اۋلاق بولۋ قيىن، تارتىپكە قايشى كەلۋدىڭ جولى وسىلايشا بارعان سايىن كەڭەيە تۇسەدى.
تارتىپكە قايشىلىق جاساعان ەكەن، قانشالىق كىشى - گىرىم ءىس بولسا دا ول ءىرى ماسەلە بولىپ ەسەپتەلەدى، پارتيا ءتارتىبى مەن مەملەكەت زاڭىنىڭ قىزىل سىزىعىنان مۇلدە اتتاپ وتۋگە بولمايدى. ”ۇكىمەت قىزمەتىمەن قوناق كۇتكەندە ءار بوتەلكەسىنىڭ ورتاشا باعاسى 20 يۋان كەلەتىن اق اراق ىشكەندىكتەن جازالاۋ“ — ءبىر رەتكى جاندى ەسكەرتۋ، ءتالىم - تاربيە جۇرگىزۋ ساباعى. بەلگىلەمەگە قايشى تۇردە ءىشىپ – جەۋدى تۇبىرىنەن جونگە سالۋدى بىردەن ورىنداي سالۋ مۇمكىن ەمەس، ماڭگى تۇزەتىپ جىبەرۋ دە قيىن، ءسوزسىز، تاباندىلىقپەن جالعاستىرۋ، توقتاتىپ قويماۋ كەرەك. تەك ەرتە باستان، ۇلعايماي تۇرعاندا مىقتى ۇستاپ، دەر كەزىندە ساقتانعاندا عانا، پارتيالى كادرلاردىڭ ”ۇساق ءمىنى“، ”ۇلكەن ماسەلەگە“ اينالىپ، ولاردىڭ زاڭعا قايشى قىلمىس وتكىزۋدىڭ قۇيىنا باتۋىنان ساقتانۋعا بولادى.
ستيل قۇرىلىسى ماڭگى ساپاردا، ماڭگى تولاستاماي جالعاسادى. ءار دارەجەلى پارتيالى كادرلار جونىنەن ايتقاندا، شىرىكتەسۋگە قارسى تۇرۋ، وزگەرۋدەن ساقتانۋ شەبىن بەرىك قورعاۋدا، ەڭ باستىسى، جان دۇنيەنى جاقسى ۇستاۋ، ”يدەياداعى شاڭ – توزاڭدى“ ۇنەمى تازالاپ، ”ارانىن اشۋدىڭ زالالى“ جونىندە ۇنەمى ويلانىپ، ”كوڭىلدەگى ۇرىدان“ ۇنەمى ساق بولۋى، ۇساق ىستەردەن باستاپ قورعانۋى كەرەك. وسىلاي ىستەگەندە عانا، كوكەيدە ورىنسىز وي بولماعاندىقتان، ورىنسىز ارەكەت ىستەمەۋگە كەپىلدىك ەتۋگە، كوڭىلدە ساقتىق، ارەكەتتە تيىم بولۋدى شىنايى ورىنداۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
