شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساعان 6 تيپتىك ماسەلەنى اشىق جاريالادى
2023.04.24 08:40 كەلۋ قاينارى : حالىق تورابى
شينجياڭ گازەتىنىڭ حابارى. تاياۋدا شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساعان 6 تيپتىك ماسەلەنى اشىق جاريالادى. ناقتى جاعدايى تومەندەگىدەي:
بۇرىنعى قاشقار ايماقتىق اكىمشىلىك مەكەمەسى پارتيا باسشىلىق گرۋپپاسىنىڭ مۇشەسى، ورىنباسار ءۋالي لي گوپيڭنىڭ بەلگىلەمەگە قايشىلىق جاساپ، سياقى الۋ سياقتى ماسەلەلەرى. 2013 - جىلى 2 - ايدان 2020 - جىلى 2 - ايعا دەيىن لي گوپيڭ ىلگەرىندى - كەيىندى كوپ رەت بەلگىلەمەگە قايشىلىق جاساپ، 7 باسقارۋ - قىزمەت وتەۋ وبيەكتىسى ۇسىنعان جيىنى 130 مىڭ يۋان سياقىنى قابىلداعان. لي گوپيڭنىڭ تاعى باسقا دا تارتىپكە، زاڭعا اۋىر قايشىلىق جاساعان ماسەلەلەرى بار بولعاندىقتان، پارتيادان ايدالدى، ۇكىمەت قىزمەتىنەن ايدالدى، قىلمىسقا ساياتىن ماسەلەلەرى پروكۋراتۋرا ورگاندارىنىڭ زاڭ بويىنشا تەكسەرىپ، ايىپتاۋىنا تاپسىرىپ بەرىلدى.
التاي قالالىق ساياسي كەڭەستىڭ بۇرىنعى 2 - دارەجەلى تەكسەرۋ - زەرتتەۋشىسى جاسىنبەك كاكەن ۇلىنىڭ بەلگىلەمەگە قايشىلىق جاساپ، تارتۋ - تارالعى الۋ، جەكە ءوزى تولەۋگە ءتيىستى قاراجاتتى باسقارۋ - قىزمەت وتەۋ وبيەكتىلەرىنە تولەتتىرۋ سياقتى ماسەلەلەرى. 2016 - جىلى 6 - ايدان 2021 - جىلى 12 - ايعا دەيىن جاسىنبەك كاكەن ۇلى ىلگەرىندى - كەيىندى كوپ رەت بەلگىلەمەگە قايشىلىق جاساپ، باسقارۋ - قىزمەت وتەۋ وبيەكتىلەرى ۇسىنعان تارتۋ - تارالعىنى قابىلداعان، اقشاعا سىندىرعاندا، جيىنى 27 مىڭ يۋان بولعان؛ جەكە ءوزى تۇتىنعان 7100 يۋاندى باسقارۋ - قىزمەت وتەۋ وبيەكتىلەرىنە تولەتتىرگەن. جاسىنبەك كاكەن ۇلىنىڭ تاعى باسقا دا تارتىپكە، زاڭعا اۋىر قايشىلىق جاساعان ماسەلەلەرى بار بولعاندىقتان، پارتيادان ايدالدى، ۇكىمەت قىزمەتىنەن ايدالدى، قىلمىسقا ساياتىن ماسەلەلەرى پروكۋراتۋرا ورگاندارىنىڭ زاڭ بويىنشا تەكسەرىپ، ايىپتاۋىنا تاپسىرىپ بەرىلدى.
بۇرىنعى اقسۋ ايماقتىق ورتا دارەجەلى حالىق سوتى مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى جاڭ چيڭميننىڭ بەلگىلەمەگە قايشىلىق جاساپ، سياقى الۋ، بەلگىلەمەگە قايشىلىق جاساپ، باسقارۋ - قىزمەت وتەۋ وبيەكتىلەرىنىڭ اۆتوكولىگىن پايدالانا تۇرۋ، قوناعاسىن قابىلداۋ سياقتى ماسەلەلەرى. 2013 - جىلدان 2022 - جىلى كوكتەم مەرەكەسىنە دەيىن جاڭ چيڭمين ىلگەرىندى - كەيىندى كوپ رەت بەلگىلەمەگە قايشىلىق جاساپ، 13 باسقارۋ - قىزمەت وتەۋ وبيەكتىسى ۇسىنعان سياقىنى قابىلداعان، جيىنى 402 مىڭ يۋان بولعان؛ 2021 - جىلى 4 - ايدان 2022 - جىلى 9 - ايعا دەيىن جاڭ چيڭمين باسقارۋ - قىزمەت وتەۋ وبيەكتىلەرىنىڭ اۆتوكولىگىن پايدالانا تۇرۋعا الىپ، ونى ءوز تۋىس - تۋعاندارىنىڭ اقىسىز پايدالانۋىنا بەرگەن؛ 2018 - جىلى 9 - ايدان 2022 - جىلى 8 - ايعا دەيىن جاڭ چيڭمين ىلگەرىندى - كەيىندى كوپ رەت بەلگىلەمەگە قايشىلىق جاساپ، جەكە كاسىپورىن قوجايىنى ورنالاستىرعان ۇكىمەت قىزمەتىن ءادىل اتقارۋعا ىقپالى ءتيۋى مۇمكىن بولعان قوناعاسىنى قابىلداعان. جاڭ چيڭميننىڭ تاعى باسقا دا تارتىپكە، زاڭعا اۋىر قايشىلىق جاساعان ماسەلەلەرى بار بولعاندىقتان، پارتيادان ايدالدى، ۇكىمەت قىزمەتىنەن ايدالدى، قىلمىسقا ساياتىن ماسەلەلەرى پروكۋراتۋرا ورگاندارىنىڭ زاڭ بويىنشا تەكسەرىپ، ايىپتاۋىنا تاپسىرىپ بەرىلدى.
سانجى وبلىستىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ بۇرىنعى شۋجيى جاڭ زىبيننىڭ بەلگىلەمەگە قايشىلىق جاساپ، سياقى الۋ سياقتى ماسەلەلەرى. 2013 - جىلى 1 - ايدان 2021 - جىلى 1 - ايعا دەيىن جاڭ زىبين ىلگەرىندى - كەيىندى كوپ رەت بەلگىلەمەگە قايشىلىق جاساپ، 18 باسقارۋ - قىزمەت وتەۋ وبيەكتىسى ۇسىنعان تەمەكى، اراق، زات ساتىپ الۋ كارتچكاسى سياقتى تارتۋ - تارالعىلاردى قابىلداعان، اقشاعا سىندىرعاندا، جيىنى 328 مىڭ 500 يۋان بولعان. جاڭ زىبيننىڭ تاعى باسقا دا تارتىپكە، زاڭعا اۋىر قايشىلىق جاساعان ماسەلەلەرى بار بولعاندىقتان، پارتيادان ايدالدى، ۇكىمەت قىزمەتىنەن ايدالدى، قىلمىسقا ساياتىن ماسەلەلەرى پروكۋراتۋرا ورگاندارىنىڭ زاڭ بويىنشا تەكسەرىپ، ايىپتاۋىنا تاپسىرىپ بەرىلدى.
حوتان ايماقتىق پارتكوم بىرلىكساپ ءبولىمىنىڭ بۇرىنعى ورىنباسار باستىعى قاھار امۇتتىڭ بەلگىلەمەگە قايشىلىق جاساپ، تارتۋ - تارالعى، سياقى قابىلداۋ سياقتى ماسەلەلەرى. 2013 - جىلى 8 - ايدان 2019 - جىلى 3 - ايعا دەيىن قاھار امۇت ىلگەرىندى - كەيىندى كوپ رەت بەلگىلەمەگە قايشىلىق جاساپ، 9 باسقارۋ - قىزمەت وتەۋ وبيەكتىسى ۇسىنعان تەمەكى، اراق سياقتى تارتۋ - تارالعىنى، سياقىنى قابىلداعان، اقشاعا سىندىرعاندا، جيىنى 79 مىڭ 900 يۋان بولعان. قاھار امۇتتىڭ تاعى باسقا دا تارتىپكە، زاڭعا اۋىر قايشىلىق جاساعان ماسەلەلەرى بار بولعاندىقتان، پارتيادان ايدالدى، ۇكىمەت قىزمەتىنەن ايدالدى، قىلمىسقا ساياتىن ماسەلەلەرى پروكۋراتۋرا ورگاندارىنىڭ زاڭ بويىنشا تەكسەرىپ، ايىپتاۋىنا تاپسىرىپ بەرىلدى.
بۇرىنعى ىلە مەملەكەتتىك زاپاس استىق قامباسى پارتيا باس ياچەيكاسىنىڭ شۋجيى، مەڭگەرۋشى گو بوجيڭنىڭ بەلگىلەمەگە قايشىلىق جاساپ، تارتۋ - تارالعى، سياقى الۋ، ۇكىمەت كولىگىن جەكە جۇمىسىنا پايدالانۋ سياقتى ماسەلەلەرى. 2013 - جىلى 1 - ايدان 2022 - جىلى 2 - ايعا دەيىن گو بوجيڭ ىلگەرىندى - كەيىندى كوپ رەت بەلگىلەمەگە قايشىلىق جاساپ، 20 باسقارۋ - قىزمەت وتەۋ وبيەكتىسى ۇسىنعان تەمەكى، اراق، زات ساتىپ الۋ كارتچكاسى سياقتى تارتۋ - تارالعىنى، سياقىنى قابىلداعان، اقشاعا سىندىرعاندا، جيىنى 340 مىڭ 200 يۋان بولعان؛ ءوز تۋىس - تۋعان، دوس - جاراندارىنىڭ جيىنى 9000 يۋان ساياحات قاراجاتىن باسقارۋ - قىزمەت وتەۋ وبيەكتىلەرىنە تولەتتىرگەن؛ كوپ رەت مەكەمەنىڭ ۇكىمەت كولىگىمەن جەكە قوناعاسىعا بارعان، تۋىس - تۋعاندارىن سىرتقا اپارىپ - اكەلگەن، ت. ب. گو بوجيڭنىڭ تاعى باسقا دا تارتىپكە، زاڭعا اۋىر قايشىلىق جاساعان ماسەلەلەرى بار بولعاندىقتان، پارتيادان ايدالدى، ۇكىمەت قىزمەتىنەن ايدالدى، قىلمىسقا ساياتىن ماسەلەلەرى پروكۋراتۋرا ورگاندارىنىڭ زاڭ بويىنشا تەكسەرىپ، ايىپتاۋىنا تاپسىرىپ بەرىلدى.
جوعارىداعى 6 تيپتىك ماسەلە پارتيا ورتالىق كوميتەتى قايتا - قايتا دارىپتەگەن، قاتاڭ جازالاپ، قاتاڭ باسقارعان تەگەۋرىندى جاعدايدا، ءىشىنارا پارتيالى كادرلاردىڭ ءالى دە راقاتقۇمارلىق، استا - توك ىسىراپشىلدىق تۇرمىسقا بوي ۇرعاندىعىن بەينەلەيدى. بەلگىلەمەگە قايشىلىق جاساپ، تارتۋ - تارالعى، سياقى الۋ، اۋزى - مۇرنىنان شىققانشا ءىشىپ - جەۋ، ۇكىمەت كولىگىن جەكە جۇمىسىنا پايدالانۋ سياقتى ماسەلەلەر پارتيانىڭ باس ماقساتىنا قايشى كەلگەن، اۋەلگى ماقسات، بورىشقا قيعاش كەلگەن، ءتارتىپتىڭ قىزىل سىزىعىنا سوقتىققان، مۇنىڭ ىقپالى وتە ناشار، ساباعى ايرىقشا اشتى. قالىڭ پارتيالى كادرلار مۇنان تەرەڭ ساباق الىپ، شىنايى عيبىرات ەتىپ، قاي - قاشان دا ءوزىن قادىرلەپ، ءوزىن تەجەپ، ءوزىن ساقتاندىرىپ، ءوزىن جىگەرلەندىرىپ، كوممۋنيستەردىڭ پاك، كىرشىكسىز بولۋ ساياسي قاسيەتىن ماڭگى ساقتاۋى كەرەك.
”1 - مامىر“ ەڭبەكشىلەر مەرەكەسى، قياق كۇرىش مەرەكەسى تاياپ قالدى، ءار دارەجەلى پارتيا ۇيىمدارى مەن پارتيالى كادرلار نەگىزگى تاقىرىپتىق تاربيەمەن ۇشتاستىرىپ، باس شۋجي شي جينپيڭنىڭ ستيل قۇرىلىسى جونىندەگى ماڭىزدى بايىمداۋلارىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، دۇرىس ۇقىق كوزقاراسىن، ناتيجە كوزقاراسىن، كاسىپ كوزقاراسىن ورناتىپ، جاۋاپكەرشىلىك سەزىمىن جانە بورىشتىلىق سەزىمىن كۇشەيتىپ، ورتالىقتىڭ 8 ءتۇرلى بەلگىلەمەسىنىڭ رۋحىن سانالىلىقپەن دايەكتىلەندىرۋ - دايەكتىلەندىرمەۋدى، تياناقتاندىرۋ - تياناقتاندىرماۋدى، ۇنەمشىلدىكپەن تۇرمىس كەشىرۋ يدەياسىن ورناتۋ - ورناتپاۋدى، بۇقارانىڭ ءتول مۇددەسىن قورعاۋ - قورعاماۋدى ”ەكىنى قورعاۋدى“ سىننان وتكىزۋدىڭ ماڭىزدى ولشەمى ەتىپ، ارەكەتتە ايگىلەپ، قىزمەتتە تياناقتاندىرۋى كەرەك. ءتارتىپ قۇرىلىسىن اناعۇرلىم كورنەكتى ورىنعا قويىپ، پارتيالىلىق، پارتيا ستيلى، پارتيا ءتارتىبى تاربيەسىن ويداعىداي يگەرىپ، قاتاڭ بولۋ سىندى نەگىزگى اۋەنمەن ستيلدى دۇرىستاپ، ءتارتىپتى قاتايتىپ، مەرەكە كەزىندە وڭاي تۋىلاتىن، كوپ تۋىلاتىن ماسەلەلەر جونىندەگى تاربيەنى، رەتتەۋ - وڭاۋدى تەرەڭدەتىپ، بۇرىس ستيل بىلىنبەي جارىققا شىعاتىن جاعدايدى كۇش سالا جويۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ماسەلەنى باعدار ەتۋدەن جازباي، جاڭا مەزگىلدەگى، جاڭا كەزەڭدەگى ستيل قۇرىلىسىنىڭ ەرەكشەلىگىن، زاڭدىلىعىن جەتە يگەرىپ، بەلگىلەمەگە قايشىلىق جاساپ، تارتۋ - تارالعى، سياقى الۋ نەمەسە بەرۋ، بەلگىلەمەگە قايشىلىق جاساپ، جەپ - ءىشۋ، قوناعاسىنى قابىلداۋ سياقتى ”ءتورت بۇرىس ستيل“ كورنەكتى ماسەلەلەرىنە قاي - قاشان دا بايقالعان زامان سوققى بەرۋ، قايتا - قايتا ەسكەرتۋ تەگەۋرىندى كۇيىن ساقتاۋى كەرەك. ”ءتورت بۇرىس ستيلدى تۇزەتۋدى“، جاڭا سالت ورناتۋدى قاتار اتقارۋعا تاباندى بولىپ، پارتيالى كادرلاردى ”ءۇش ءسوز جوقتى“ ەستە بەرىك ساقتاۋعا تاربيەلەپ، جەتەكتەپ، پارتيانىڭ داڭقتى ءداستۇرى مەن تاڭداۋلى ستيلىن زور كۇشپەن اسقاقتاتىپ، دەلو ارقىلى تۇزەتۋدى جەبەۋدىڭ، دەلو ارقىلى جونگە سالۋدى جەبەۋدىڭ ”قالعان جۇمىستارىن“ شىنايى ىستەپ، ماسەلە ارقىلى ساڭلاۋلاردى تابۋدى، بىتەۋدى ىلگەرىلەتىپ، دەلو ارقىلى رەتتەۋ - تۇزەتۋدى، رەتتەۋ - وڭاۋدى جەبەپ، تيپتىك ادام جانە ءىس ارقىلى ەسكەرتۋ تاربيەسىن كۇشەيتىپ، جەرگىلىكتى ورىنداردىڭ، تاراۋلاردىڭ ءىس جۇزىندىك جاعدايمەن ۇشتاستىرا قاتىستى تۇزىمدەردى ورناتۋىنا، اقاۋسىزداندىرۋىنا قۋزاۋشىلىق ەتىپ، ستيل قۇرىلىسىنىڭ ۇدايىلانۋىن، باياندى بولۋىن ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
