شينجياڭنىڭ ءبىر ايلىق جاسىل ەلەكتر ساۋداسى تۇڭعىش رەت 20 ميلليون كيلوۆات ساعاتتان استى
2023.04.24 16:00 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى چىن چياڭۋي 4 - ايدىڭ 22 - كۇنى ۇرىمجىدەن حابارلايدى. شينجياڭ ەلەكتر قۋاتى ساۋدا ورتالىعى شەكتى سەرىكتەستىگىنەن ۇعىسۋىمىزشا، شينجياڭ 5 - ايدا ەلەكتردەن 28 ميلليون 950 مىڭ كيلوۆات ساعات جاسىل ەلەكتر ساۋداسىن ۇيىمداستىرىپ ورىنداعان، بۇل شينجياڭ جاسىل ەلەكتر ساۋدا بازارى اشىلعاننان بەرگى ءبىر ايلىق ساۋدانىڭ تۇڭعىش رەت 20 ميلليون كيلوۆات ساعاتتان اسۋى ەكەن.
جاسىل ەلەكتر ساۋداسى جەل ەلەكترى، فوتوۆولت سياقتى جاسىل ەلەكتر قۋاتى ونىمدەرىن نىسانا زات ەتكەن، ەلەكتر قۋاتىنىڭ ورتا، ۇزاق مەرزىمدىك مەحانيزمى جۇلگەسىندە قۇرىلعان ساۋدا ءتۇرى، جاسىل ەلەكتر قۋاتىنىڭ ەلەكتر ەنەرگيا قۇنى مەن قورشاعان ورتا قۇنىن جان - جاقتى بەينەلەيدى ءارى سايكەستى جاسىل ەلەكتر قۋاتى تۇتىنۋ ىسپاتتاماسىن بەرەدى.
شينجياڭنىڭ جەرى كەڭ، جەل، جارىق بايلىعى مول، مەملەكەتتىڭ كولەمدى تازا ەنەرگيا بازاسى. اۆتونوميالى رايوننىڭ جاڭا ەنەرگيانى زور كۇشپەن دامىتۋ شارالارىنىڭ تياناقتاندىرىلۋىنا ىلەسە، شينجياڭنىڭ جاڭا ەنەرگيا گەنەراتور اگراگاتتارى جاڭا كەزەكتى ارتۋدىڭ قاۋىرت مەزگىلىنە ءوتتى. 3 - ايدىڭ سوڭىنا دەيىن شينجياڭ ەلەكتر تورىنىڭ جالپى ەلەكتر گەنەراتور اگراگاتتارىنىڭ سيىمدىلىعى 117 ميلليون 210 مىڭ كيلوۆات ساعاتقا جەتتى، مۇنىڭ ىشىندە جاڭا ەنەرگيا گەنەراتور اگراگاتتارىنىڭ سيىمدىلىعى 43 ميلليون 170 مىڭ كيلوۆات ساعاتقا جەتىپ، مەملەكەت ەلەكتر تورىنىڭ الدىڭعى لەگىنە، باتىس سولتۇستىكتە 1 - ورىنعا شىقتى.
شينجياڭنىڭ جاسىل ەنەرگيا باسىمدىعىن ساۋلەلەندىرىپ، شينجياڭنىڭ جاڭا ەنەرگيا كاسىپ سالاسىنىڭ جوعارى ساپالى دامۋىن جەبەۋ ءۇشىن، شينجياڭ ەلەكتر قۋاتى ساۋدا ورتالىعى شەكتى سەرىكتەستىگى 2022 - جىلى 8 - ايدىڭ 15 - كۇنىنەن باستاپ شينجياڭنىڭ جاسىل ەلەكتر قۋاتى ساۋداسىن ۇيىمداستىردى. قازىرگە دەيىن شينجياڭنىڭ جاسىل ەلەكتر قۋاتى ساۋداسىندا ساتىلعان ەلەكتر مولشەرى 72 ميلليون 290 مىڭ كيلوۆات ساعاتقا جەتتى. بيىل شينجياڭنىڭ جاسىل ەلەكتر قۋاتى ساۋداسىنىڭ ساۋدا كولەمى 2022 - جىلعى ساۋدا كولەمىنىڭ 5 ەسەسىندەي بولدى.
شينجياڭنىڭ جاسىل ەلەكتر قۋاتى ساۋداسىن ۇيىمداستىرۋ قىزمەتىن ويداعىداي ىستەۋ ءۇشىن، شينجياڭ ەلەكتر قۋاتى ساۋدا ورتالىعى شەكتى سەرىكتەستىگى «2023 - جىلعى شينجياڭنىڭ جاسىل ەلەكتر قۋاتى ساۋداسىنا قاتىناسۋ باعدارناماسىن» جاساپ، جۇمىس باسىندا باۋلۋ، بەينەكەسكىندە ساباق ءوتۋ سياقتى كوپ ءتۇرلى تاسىلدەر ارقىلى جيىنى 800دەن استام ادام (رەت) باۋلىدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
