«جەلەگىڭدى اش − شينجياڭ جاقسى جەر» قويىلىمىن بۇكىل ەلدە ارالاي قويۋداعى بەيجيڭ ايالداماسىنىڭ تۇتاس ينتەرنەتتەگى كورىلىمى 17 ميلليون 647 مىڭعا (رەت) جەتتى
2023.04.24 16:02 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ياۋ گاڭ 4 - ايدىڭ 22 - كۇنى بەيجيڭنەن حابارلايدى. ”«جەلەگىڭدى اش − شينجياڭ جاقسى جەر» اتتى كولەمدى مۋزيكا، ءبي، ولەڭ، سۋرەت قويىلىمى العاشقى ايالدامادا (بەيجيڭ ايالداماسى) قويىلدى، ءبىز ميگۋ بەينەجازباسى، شينجياڭ جاقسى جەر ۋيشين الەۋمەتتىك ءنومىرى سياقتى تۇعىرلار ارقىلى تۇتاس ينتەرنەتتە تىكە تاراتتىق، تۇتاس ينتەرنەتتەگى كورىلىمى 17 ميلليون 647 مىڭعا (رەت) جەتتى“، - دەدى 4 - ايدىڭ 22 - كۇنى كونسەرت ۇگىت گرۋپپاسىنىڭ جاۋاپتىسى ۋاڭ شياڭ تىلشىگە.
«جەلەگىڭدى اش − شينجياڭ جاقسى جەر» قويىلىمىندا ەل ىشىندەگى تاڭداۋلى نەگىزگى جاسامپازدىق ۇجىمى جينالىپ، ساحنا كوركەمدىگىن جوبالاۋ سياقتىلاردى مىندەتىنە الىپ، كورەرمەندەرگە جوعارى ساپالى كونسەرت ۇسىندى.
كونسەرتتى جاساۋ - ورىنداۋ ۇجىمى ۇلتتىق مۋزيكا اسپاپتارىنىڭ وسى زامانعى كوركەمونەر ساحناسىنداعى كومەسكى كۇشىن تەرەڭ اشىپ، كورەرمەندەرگە ونى تىكە كورسەتىپ، باۋرامدىلىعىن سەزىندىردى. مىسالى، پارحات ياسىن شينجياڭ ەرەكشەلىگىنە باي «ءجۇزىم ءۇزۋ» اتتى ”داپ ءبيىن“ داپپەن سۇيەمەلدەپ، كورەرمەندەرگە شينجياڭنىڭ ۇلتتىق مۋزيكا اسپاپتارىنىڭ كەلبەتىن اڭداتتى.
”شينجياڭنىڭ ’ءان - ءبي مەكەنى‘ دەگەن اتى بار، كونسەرتتە شينجياڭنىڭ ءان، ءبي، كۇي سياقتى جاقتارداعى ەڭ تاڭداۋلى تۋىندىلارى جيناقتالدى، ونىڭ ىشىندە كونە اندەر دە، جاڭادان شىعارىلعان تۋىندىلار دا بار“. گاۋ اڭ «كورىكتى شينجياڭدى» جالعاستىرا شىرقاعاندا كورەرمەندەرگە «كوكتوعايداعى شوپان» ءانىن ۇسىندى، شاتىرلاعان شاپالاق ءۇنى وعان كوپشىلىكتىڭ شينجياڭ ءان - بيىنە دەگەن قۇشتارلىعىن سەزىندىردى.
”كوپ نەگىزدى كوركەمونەر فورمالارىنىڭ قوسىلۋى ۇلتتىق مۋزيكا اسپاپتارىن جاڭا ورلەۋگە كوتەردى، سونىمەن بىرگە ءبي مەن باسقا دا كوركەمونەر تۇرلەرىنىڭ تارتىمدىلىعىن ايگىلەۋگە دە اناعۇرلىم ويداعىداي تىرەك ازىرلەدى“، - دەدى كونسەرتتەگى ساحنالىق تەاتردىڭ دايىنداۋشى رەجيسسەرى سۇن فاڭ.
جوعارى ساپالى كونسەرت نومىرلەرى ايگىلى ارتيستەردى «جەلەگىڭدى اش − شينجياڭ جاقسى جەر» قويىلىمىنا مەدەت بەرۋگە باۋرادى. ”مەنىڭ مەكەنىم جاقسى جەر، تيانشان الابىنىڭ كورىنىسى كوركەم “... ارتيست تۇڭ لييا، ۋان چيان، جين چىن قاتارلىلاردىڭ كونسەرتتى تانىستىرعان بەينەجازبالارى تۇتاس ينتەرنەتتەگىلەردىڭ نازارىن اۋداردى. ”ۇناتامىن، ۇناتامىن، شينجياڭدى!“، ”شينجياڭعا بارساڭ تاعى بارعىڭ كەلەدى“... ينتەرنەت قولدانۋشىلار شينجياڭعا دەگەن شىنايى سۇيىسپەنشىلىكتەرىن وسىلاي جەتكىزدى.
تاياۋ جىلداردان بەرى، شينجياڭ مادەنيەت پەن ساياحاتتى توعىستىرا دامىتۋ جونىندە بەلسەنە ىزدەنىس جاساپ، مادەنيەت - ساياحات كونسەرتى بازارىن جەتىلدىردى. ”وسى رەتكى كونسەرت مادەنيەت پەن ساياحاتتىڭ توعىسۋىن اناعۇرلىم ىلگەرىلەتۋ جونىنەن جاسالعان شىت جاڭا سىناق، شينجياڭنىڭ مادەنيەت - ساياحات كاسىپ سالاسىنىڭ جان - جاقتى توعىسۋىن، جاڭالىق اشا دامۋىن اناعۇرلىم ىلگەرىلەتۋ، ’شينجياڭ جاقسى جەر‘ مادەنيەت - ساياحات ماركاسىن ىشكەرىلەي اشۋ جانە تۇلعالاۋ، شينجياڭنىڭ تانىمالدىعى مەن بەدەلىن جوعارىلاتۋ جاقتارىندا بەلسەندى ۇگىتتەۋ رولىن اتقارادى“، - دەدى اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ مۇشەسى، شينجياڭ كوركەمونەر تەاترحاناسى پارتكومىنىڭ شۋجيى ساي شياۋرۇڭ.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
