باجياحۋ قىستاعى ”جيىنتىق ءنومىر تۇزىمىنەن“ پايدالانىپ اۋىل - قىستاقتى باسقارۋدى قالاي جەبەدى
□ انار بۇلت \ شينجياڭ گازەتىنىڭ ءتىلشىسى گى يوۋجۇن، ەرىكتى ءتىلشى جاۋ شانبين
2023.04.24 16:03 كەلۋ قاينارى : شينجياڭ گازەتى
”ياڭ حايليڭ، اۋىل - قىستاق ساياحاتى كاسىپ سالاسىن دامىتۋعا ۇلگى كورسەتىپ جەتەكشىلىك ەتكەندىكتەن 5 ءنومىر قوسىلدى، اۋلاسى تازا دا رەتتى بولعاندىقتان ءبىر ءنومىر قوسىلدى... ەندى كوپشىلىك ءوز وتباسىلارىڭىزدىڭ جيىنتىق ءنومىرى بويىنشا سايكەستى سيلىقتاردى ايىرباستاپ الساڭىزدار بولادى“! 4 - ايدىڭ 10 - كۇنى ماناس اۋدانى لانجوۋۋان قالاشىعى باجياحۋ قىستاعىنداعى قىستاق تۇرعىندارى مادەنيەت ورتالىعىندا قىستاق پارتيا ياچەيكاسىنىڭ شۋجيى لۋ حاۋدۇڭ قىستاق تۇرعىندارىنا ءار وتباسىنىڭ جيىنتىق ءنومىر جاعدايىن مالىمدەدى.
”بيىل ءبىرىنشى ماۋسىمدا اۋىل - قىستاق ساياحاتى كاسىپ سالاسىن دامىتۋعا بەلسەنە قاتىناسقاندىقتان، قىستاعىمىز وتباسىما 5 ءنومىر قوسىپ بەردى، وتباسىمنىڭ قازىرگى جيىنتىق ءنومىرى 89 نومىرگە جەتىپ، قىستاق بويىنشا الدىڭعى 10دىقتان ورىن الدى، مەن مۇنى ءارى داڭق سەزىندىم، ءارى قۋاندىم“، - دەدى قىستاق تۇرعىنى ياڭ حايليڭ.
باجياحۋ قىستاعى ماناس اۋدانىنداعى ”جيىنتىق ءنومىر ءتۇزىمىن“ ەڭ ەرتە اتقارىپ اۋىل - قىستاقتى باسقارعان قىستاق. ”جيىنتىق ءنومىر ءتۇزىمىن“ العاش اتقارعاندا، نەگىزىنەن، ورتا تازالىعىن باسقارۋعا باعىتتالعان بولاتىن.
2017 - جىلدان باستاپ باجياحۋ قىستاعى مەملەكەت نىساندارىنىڭ، سونداي - اق ءار دارەجەلى قازىنانىڭ قولداۋىندا، تۇتاس قىستاق بويىنشا قونىس ورتاسىن جاڭالاۋدى ىلگەرىلەتىپ، قىستاقتى قاتتىلاندىرۋ، جارىقتاندىرۋ، كورىكتەندىرۋ ينجەنەرياسىن اتقارىپ، كورىكتى اۋىل - قىستاق قۇردى. قىستاق حۇيپاي قۇرىلىس ۇلگىسىن نەگىز ەتىپ، تۇتاس قىستاقتىڭ جالپى تۇلعالىق كەلبەتىن ءبىر تۇتاس جاڭالادى. قىستاق جولدارىن قاتتىلاندىرۋ، سۋ قۇبىرى تورى، لاس سۋلاردى ءبىر جاقتى ەتۋ پۋنكتى جانە قوقسىقتاردى شوعىرلى جيناۋ پۋنكتى سياقتى نەگىزدىك قۇرىلعى قۇرىلىسىن ورىندادى. مۇنان سىرت، قىستاق ءار جىلى اعاش، گۇل - ءشوپ ەگىپ، تۇتاس قىستاقتىڭ بۇرىنعى كەلبەتى جاڭالاندى.
ءبىراق باجياحۋ قىستاعى كونە ماسەلەلەرگە دە جولىققان ەدى.
2019 - جىلى باجياحۋ قىستاعى تۇرمىستىق قوقسىقتاردى تۇرگە ايىرىپ جيناپ ءبىر جاقتى ەتۋدى جولعا قويدى. ءبىراق ۇزاق ۋاقىتتان بەرگى ادەتتىڭ كەسىرىنەن كەيبىر قىستاق تۇرعىندارى باياعىسىنداي ءتۇرلى تۇرمىستىق قوقسىقتاردى ”ءبىر دورباعا سالىپ“، سوڭعى تۇرگە ايىرىپ ءبىر جاقتى ەتۋ جۇمىسىنا قيىندىق تۋدىردى. سونىمەن قىستاق «قوقسىقتاردى تۇرگە ايىرۋدى باسقارۋ ءادىسىن» جاساپ، جيىنتىق ءنومىر ايىرباستاۋ مەحانيزمىن جاسامپازدىقپەن اتقاردى. قىستاق تۇرعىندارى قوقسىقتاردى تۇرگە ايىرىپ شوعىرلى ءبىر جەرگە تاستاسا، نومىرگە يە بولاتىن، جيىنتىق ءنومىردى سيلىققا ايىرباستاي الاتىن بولدى.
لۋ حاۋدۇڭ بىلاي دەدى: قازىر ”جيىنتىق ءنومىر ءتۇزىمى“ باجياحۋ قىستاعىنىڭ اۋىل - قىستاقتى باسقارۋىنىڭ بارلىق سالاسىن قامتىپ وتىر. ورتا تازالىعىن قورعاۋ، ەڭبەكشىلدىكپەن بايۋ، تارتىپكە، زاڭعا بويسۇنۋ، قارتتاردى كۇتىپ، جاقىندارىن سيلاۋ، باسقالارعا كومەكتەسۋدى قۋانىش ساناۋ سياقتىلاردىڭ ءبارى ”جيىنتىق ءنومىر تۇزىمىمەن“ باسقارۋداعى ءنومىر قوسىلاتىن تۇرلەر.
”قىستاق تۇرعىندارى ارەكەتىمەن ءنومىر جيناپ، ءنومىردى ادەتكە اينالدىرىپ، ادەتىمەن جاڭا سالت قالىپتاستىرىپ، ’قىستاقتىڭ ءىسىن‘ ’ءار وتباسىنىڭ ىسىنە‘ اينالدىرىپ، بارلىق وتباسى كورىكتى اۋىل - قىستاقتى قۇرۋعا قاتىناسۋشى بولىپ، اۋىل - قىستاقتى باسقارۋدىڭ جاڭا ومىرشەڭدىك كۇشىن قاۋلاتتى“. لۋ حاۋدۇڭ بىلاي دەدى: وسى بىرنەشە جىلدا ”جيىنتىق ءنومىر تۇزىمىمەن“ باسقارۋدىڭ ناتيجەسىندە باجياحۋ قىستاعىنا ىلگەرىندى - كەيىندى ”جۇڭگوداعى كورىكتى، جانعا جايلى اۋىل - قىستاق“ جانە ”مەملەكەتتىك اۋىل - قىستاقتى باسقارۋداعى ۇلگىلى قىستاق“ اتاعى بەرىلدى، بۇل باجياحۋ قىستاعىنداعى بارلىق ادام ارداقتايتىن التىن ماڭدايشالىققا اينالدى.
جيىنتىق ءنومىر − ءارى باعدار جانە باعدارلاۋىش.
باجياحۋ قىستاعى ماناس مەملەكەت سازدىق باقشاسىنىڭ وزەكتى رايونىنا جاقىن، مول سۋ بايلىعى جانە كورىكتى ەكولوگيالىق ورتاسى بار. وسى بىرنەشە جىلدا باجياحۋ قىستاعى اۋىل - قىستاق ساياحات كاسىبىن دامىتۋدى زور كۇشپەن جەبەپ، وسى جاعىنداعى جيىنتىق ءنومىر ءتۇرىن مولايتتى.
ياڭ حايليڭ بالىق شارۋاشىلىعىن دامىتۋداعى بايۋعا باستاۋشى. بيىل جىل باسىندا ول ”قىستاق ەكى كوميتەتىنە“ ءوتىنىش بەرىپ، قىستاقتاعى شامگۇل كولشىگىن، بالىق كولشىگىن كوتەرمەگە الىپ اۋىل - قىستاق سەرۋەن ساياحاتىن دامىتپاق بولدى، قىسقىش، سوبيان بالىعى، سۋ شايانى سياقتى سۋ ونىمدەرى باعىمشىلىعىنان سىرت، قارماق سالۋ، سۋ ءۇستى موتوتسيكلى سياقتى كوڭىل اشۋ نىساندارى تيجاراتىمەن دە شۇعىلدانباق بولدى. ونىڭ بۇل ويىن قىستاق ”ەكى كوميتەتى“ قۇپتاپ، ونىمەن كوتەرمەگە الۋ كەلىسىمىن جاساسقاننان سىرت، ونىڭ وتباسىنا ۇلگى كورسەتىپ جەتەكشىلىك ەتۋ ءتۇرى بويىنشا 5 ءنومىر قوسىپ بەردى.
لۋ حاۋدۇڭ بىلاي دەدى: وسى بىرنەشە جىلدا ”جيىنتىق ءنومىر ءتۇزىمىنىڭ“ جەتەكتەۋى ارقىلى باجياحۋ قىستاعى ”سازدىقتى ساياحاتتاۋدى، جىل قۇستارىن تاماشالاۋدى، ءدامدى تاعامداردى تاتۋدى، كوكونىس، جەمىس - جيدەك ءۇزۋدى، بالىق اۋلاۋدى، ەرەكشە ونىمدەردى ساتىپ الۋدى، حالىقتىق تۇسەلحانالارعا تۇنەۋدى، اۋىلعا ساعىنىش قالدىرۋدى“ باستى مازمۇن ەتكەن ەرەكشە اۋىل - قىستاق ساياحاتى كاسىبىن بىرتىندەپ قالىپتاستىردى، قىستاق تۇرعىندارىنىڭ كىرىسى دە ارتا ءتۇستى.
باجياحۋ قىستاعىنىڭ اۋىل - قىستاقتى باسقارۋداعى ”جيىنتىق ءنومىر ءتۇزىمىن“ اتقارۋىنا تۇتاس اۋدان ارتقى كورىنىس بولىپ وتىر.
2019 - جىلى ماناس اۋدانى مەملەكەتتىك اۋىل - قىستاقتى باسقارۋ جۇيەسى قۇرىلىسىن تۇيىندە سىناق ەتۋدەگى ۇلگى اۋدان ەتىپ تۇراقتاندىرىلىپ، تۇتاس اۋدان اۋىل - قىستاقتى باسقارۋداعى ”جيىنتىق ءنومىر ءتۇزىمى“ مەن ”تىزىمدىك ءتۇزىمىن“ جاپپاي جولعا قويدى. ءوزىن - ءوزى باسقارۋ ءتۇرى، زاڭمەن باسقارۋ ءتۇرى، مورالمەن باسقارۋ ءتۇرى، ۇلگى كورسەتىپ جەتەكشىلىك ەتۋ ءتۇرى سىندى 4 ۇلكەن ءتۇر بويىنشا 49 ءتۇرلى جيىنتىق ءنومىر ءتۇزىمىن ورناتتى.
”مەحانيزمدە جانە تۇزىمدە جاڭالىق اشۋ ارقىلى ءبىز ’بولماشى جيىنتىق نومىرمەن‘ اۋىل - قىستاقتى ’كولەمدى باسقارۋدى‘ جەبەدىك. قازىر قىستاق دارەجەلى دەموكراتيالىق باسقارۋ، قىستاق تۇرعىندارىنىڭ ءوزىن باسقارۋى جانە كادرلاردىڭ بۇقاراعا قىزمەت وتەۋ قابىلەتى تۇگەل كورنەكتى جوعارىلادى“، - دەدى لۋ حاۋدۇڭ.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
