جۇڭگو زاپاس استىق باسقارۋ توبى شەكتى سەرىكتەستىگى رايونىمىزداعى ەگىنشىلەرمەن 353 مىڭ 200 مۋ جەردىڭ استىق تاپسىرىسىنا قول قويدى
2023.04.24 16:05 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى گاۋ فىڭ 4 - ايدىڭ 16 - كۇنى ۇرىمجىدەن حابارلايدى. شينجياڭنىڭ كوكتەمگى ەگىس ءوندىرىسى وڭتۇستىكتەن سولتۇستىككە قاراي ساتىلى ورىستەتىلۋدە، ال كوپتەگەن ەگىنشىلەر بيىل جاز، كۇز ماۋسىمدارىندا جيناپ الاتىن استىعىنا ساتۋ جولىن قاراستىرىپ قويدى. 3 - ايدىڭ سوڭىنا دەيىن جۇڭگو زاپاس استىق باسقارۋ توبى شەكتى سەرىكتەستىگىنىڭ شينجياڭ بولىمشە سەرىكتەستىگى شينجياڭداعى استىق ەگەتىن ءىرى وتباسىلارمەن 353 مىڭ 200 مۋ جەردىڭ استىعى جونىندە ەگىن شارۋاشىلىق تاپسىرىسىنا قول قويىپ، 140 مىڭ توننا ساپالى استىق قاينارىن الدىن الا تۇراقتاندىردى.
شاپشال سىبە اۆتونوميالى اۋدانىنداعى ەگىنشى جاڭ يۇنچاڭ بيىل 18 مىڭ مۋ جەرگە ءبيداي ەككەن، ءونىم مولشەرى 9000 توننا بولادى دەپ مەجەلەندى. قازىر ورتالىق زاپاس استىق ىلە توتە قاراستى قامباسى شەكتى سەرىكتەستىگى ونىمەن استىق جونىندە ەگىن شارۋاشىلىق تاپسىرىسىنا قول قويدى.
وسىعان ۇقساس، شينجياڭ ءوندىرىس - قۇرىلىس بيڭتۋانى 10 - شى 187 - تۋان الاڭىنداعى ءبيداي ەگەتىن ەگىنشى شياۋ يۇڭلي ورتالىق زاپاس استىق التاي توتە قاراستى قامباسى شەكتى سەرىكتەستىگىمەن استىق جونىندە ەگىن شارۋاشىلىعى تاپسىرىسىنا قول قويىسقاندىقتان، ول ەككەن 1200 مۋ جەردەگى ءبيدايدىڭ ساتىلۋ جولى ەرتە تابىلدى. ”جىل باسىندا مەنىڭ استىق ەگۋىمە قاجەتتى قارجى جەتىسپەدى، جۇڭگو زاپاس استىق باسقارۋ توبى شەكتى سەرىكتەستىگىنىڭ التاي توتە قاراستى قامباسى اۋىل شارۋاشىلىعى تاپسىرىسىن بەرىپ قانا قويماي، اۋىل شارۋاشىلىعى بانكەسىمەن بىرلەسىپ ماعان تومەن ءوسىمدى قارىز اقشا الىپ بەردى، بۇل مەنىڭ استىق ساتۋداعى ۋايىمىمدى ارىلتۋمەن بىرگە، كوكتەمگى ەگىس دايىندىعىنداعى قارجى قيىنشىلىعىن دا شەشتى“، - دەدى شياۋ يۇڭلي.
بيىل جىل باسىنان بەرى جۇڭگو زاپاس استىق باسقارۋ توبى شەكتى سەرىكتەستىگىنىڭ شينجياڭ بولىمشە سەرىكتەستىگى ”ءىرى ەل استىق قامباسىن قورعاۋ، باسقارۋ“سىندى قىزمەت جاۋاپكەرشىلىگىن تۇراقتاندىرۋدى تياناق ەتىپ، ”توتە قاراستى قامبا + تۇقىم سەرىكتەستىگى + ەگىنشى + بانكە“ تاپسىرىس سەلبەستىك ۇلگىسىن ىشكەرىلەي ورىستەتتى. قازىر وڭتۇستىك، سولتۇستىك شينجياڭداعى جۇڭگو زاپاس استىق باسقارۋ توبى شەكتى سەرىكتەستىگىنە توتە قاراستى 16 قامبا ەگىنشىلەرگە تيىمدىلىك جاساۋ ساياساتىن اۋىلعا جەتكىزۋ، استىق جونىندەگى ەگىن شارۋاشىلىعى تاپسىرىسىن اۋىلعا جەتكىزۋ، ەگىمشىلىك تەحنيكاسىن اۋىلعا جەتكىزۋ سىندى ”ءۇشتى اۋىلعا جەتكىزۋ“ قيمىلىن ورىستەتۋ، جەر - جەردىڭ كوكتەمگى ەگىس، ەگىن شارۋاشىلىعى جاعدايىن جاپپاي ۇعىسۋ، كوكتەمگى ەگىس ءوندىرىسى مەن كاسىپ سالاسىنىڭ دامۋ جاعدايىن ۇعىسۋ ارقىلى كوكتەمگى ەگىسكە قىزمەت وتەۋ ۇلگىسىندە جاڭالىق اشىپ، استىق ەگەتىن ەگىنشىلەردىڭ ”جاقسى استىق ەگۋىن، جاقسى استىق ساتۋىن“ قولداۋعا جان - جاقتى ساتىپ الۋ، ساقتاۋ قىزمەتىن وتەۋدە.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
