بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

ءار كيلوگرامى 0.8 يۋان بولدى! شينجياڭ 2022 ـ جىلعى ءبىرىنشى توپتاعى ماقتانىڭ نىسانالىق باعا قوسىمشا قاراجاتىن تاراتتى

2023.04.24 17:18     كەلۋ قاينارى : حالىق تورابى

  جۋىقتا شينجياڭ ۇيعۇر اۆتونوميالى رايوندىق قازىنا مەڭگەرمەسى 2022 - جىلعى ءبىرىنشى توپتاعى شينجياڭ ماقتاسىنىڭ نىسانالىق باعا قوسىمشا قاراجاتىن بوساتتى، ەسەپتەۋ ارقىلى ءشيىتتى ماقتانىڭ ءار كيلوگرامىنا 0.8 يۋان قوسىمشا قاراجات بەرىلەدى دەپ تۇراقتاندىرىلدى، ورتاشا ءونىم مولشەرى بويىنشا ەسەپتەگەندە، ءار مۋعا جەرگە بەرىلەتىن قوسىمشا قاراجات 300 يۋانعا جەتەدى.

  بيىل اۋىل شارۋاشىلىق ءوندىرىس قۇرال - جابدىقتارىنىڭ باعاسى جوعارىلاعانىمەن، نەگىزگى تىڭايتقىشتار ءالى دە جوعارى دەڭگەيدە اينالىمعا تۇسۋدە. بۇكىل شينجياڭداعى ءار ءتۇرلى تىڭايتقىشتىڭ ينفورماتسيا تورابىنىڭ ساندى مالىمەتتەرىن جيناۋ ناتيجەسىنە نەگىزدەلگەندە، 3 ـ ايدا كوكتەمگى ەگىستىڭ نەگىزگى تىڭايتقىشى بولعان فوسفور قىشقىلدى اممونيدىڭ (ەلىمىزدە وندىرىلگەن) ورتاشا بولشەك ساتۋ باعاسى تونناسىنا 4356 يۋان بولىپ، سايكەس مەزگىلدەگىدەن %5.9 ارتقان. ماقتا ەگەتىن شارۋالاردىڭ ەگىس دايىندىعى قارجى قىسىمىن شىنايى جەڭىلدەتۋ ءۇشىن، تاياۋدا شينجياڭ ۇيعۇر اۆتونوميالى رايوندىق قازىنا مەڭگەرمەسى قازىنا مينيسترلىگى ەندى عانا بوساتقان ءبىرىنشى توپتاعى ماقتانىڭ نىسانالىق باعا قوسىمشا قاراجاتىن الدىن الا ءبولىپ بەرۋدى شۇعىل ورنالاستىردى، تولىق بوساتتى.

  الدىن الا اجىراتىپ بەرىلگەن قاراجات تۇسكەننەن كەيىن، قازىنا مەڭگەرمەسى جۇڭگو اۋىل شارۋاشىلىعىن دامۋ بانكەسىنىڭ شينجياڭ بولىمشە بانكەسى جانە قاتىستى ايماق، وبلىس، قالالارمەن (بيڭتۋاندى قامتىمايدى) دەرەۋ بايلانىس جاساپ، بۇگىننەن باستاپ قاراجات اجىراتىپ بەرۋدى كۇندە ەسەپتەۋ مەحانيزمىن ورناتىپ، قاراجات اينالىم احۋالىن ۋاعىندا يەلەپ، ايماق، وبلىس، قالالاردىڭ العاشقى توپتاعى كومەك اقشاسىن تەزدىكتە بەرۋىن باقىلادى، 4 ـ ايدىڭ 30 ـ كۇنىنەن بۇرىن قوسىمشا قاراجات قاراجاتىنىڭ تولىق بەرىلۋىنە شىنايى كەپىلدىك ەتىپ، ماقتا ەگۋشىلەردىڭ كەزەك كۇتتىرمەيتىن قيىنشىلىعىن شەشەدى. ۇعىسۋعا قاراعاندا، بيىل تاعى 2022 – جىلعى 2 – توپتاعى ماقتانىڭ نىسانالىق باعا قوسىمشا قاراجاتىن تاراتۋدى ورنالاستىرادى ەكەن.

  4 ـ اي كىرىسىمەن شينجياڭنىڭ ماقتا كوكتەمگى ەگىس قىزمەتى وڭتۇستىكتەن سولتۇستىككە قاراي باستاپ ورىستەتىلدى. شينجياڭ ۇيعۇر اۆتونوميالى رايوندىق اۋىل شارۋاشىلىعى جانە اۋىل ـ قىستاق مەڭگەرمەسىنىڭ اۋىل شارۋاشىلىعى جاعدايىن ورنالاستىرۋ ساندى مالىمەتىندە كورسەتىلۋىنشە، 4 ـ ايدىڭ 10 ـ كۇنىنە دەيىن، بۇكىل شينجياڭدا ماقتا ەگىلگەن جەر كولەمى 3 ميلليون 961 مىڭ 600 مۋعا جەتكەن، ماقسات ەتىلگەن جالپى جەر كولەمى 35 ميلليون 908 مىڭ 300 مۋ جەردىڭ % 11.03 ورىندالىپ بولعان.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى