مەملەكەتتىك بالالاردىڭ ساقتىق ۆاكسيناسىن ەگۋ كۇنى: مىناداي ۆاكسينا ەگۋ باعدارناماسىن اتا – انالار ساقتاپ الىڭىزدار
2023.04.25 16:42 كەلۋ قاينارى : حالىق تورابى
4 – ايدىڭ 25 – كۇنى، مەملەكەتتىك بالالاردىڭ ساقتىق ۆاكسيناسىن ەگۋ كۇنى. ۆاكسينا ەگۋ — جۇقپالى اۋرۋلادان ساقتانۋ جانە ونى تەجەۋدەگى ءونىمدى ءتاسىل، ۆاكسينانىڭ تاپقىرلانۋى مەن ساقتىق ۆاكسيناسىن ەگۋ — ادامزاتتىڭ الەۋمەتتىك دەنساۋلىق ساقتاۋ ىستەرىندەگى ماڭىزدى جەتىستىك.
جىڭجوۋ داشۋەسىنىڭ قاراماعىنداعى 3 – ەمحانانىڭ (حىنان ولكەلىك ايەلدەر مەن سابيلەردىڭ دەنساۋلىعىن قورعاۋ ەمحاناسى) بالالاردىڭ دەنساۋلىعىن ساقتاۋ ءبولىمىنىڭ مەڭگەرۋشىسى چىن شىجۇيدىڭ تانىستىرۋىنشا، باكتەريا، ۆيرۋس قاتارلى اۋرۋ قاينارىندىق ميكرو ورگانيزمدەر ادام دەنەسىنە شابۋىلداعان كەزدە، دەنەدە وسىىنداي اۋرۋ قاينارىندىق ورگانيزمدەرگە قارسىلىق كورسەتەتىن ءبىر ءتۇرلى زات پايدا بولادى، بۇل زاتتى انتيدەنە دەپ اتايمىز. ۆاكسينا — اۋرۋ قاينارىندىق ميكرو ورگانيزمدەر مەن ولار زات الماسۋ ارقىلى تۋىنداتقان زاتتاردىڭ ۋىن جاساندى جولمەن قايتارۋ، جانسىزداندىرۋ نەمەسە گەنىن قايتا جاساقتاۋ قاتارلى تاسىلدەرمەن جاسالاتىن، جۇقپالى اۋرۋلاردان ساقتاناتىن جاساۋلى ءدارى.
چىن شىجۇيدىڭ ايتۋىنشا، نارەستەلەر مەن سابيلەر انا دەنەسىنەن بەلگىلى مولشەردە انتيدەنەگە يە بولادى، الايدا، ەسەيۋگە بايلانىستى، انتيدەنە بىرتىندەپ السىرەيدى نەمەسە جوعالادى. بالالاردىڭ جۇقپالى اۋرۋعا قارسىلىق قۋاتىن جوعارىلاتۋ ءۇشىن، ءتارتىپ بويىنشا ساقتىق ۆاكسيناسىن ەگۋ قاجەت، وسى ارقىلى بالانىڭ دەنەسىندە قارسىلىق قۋاتىن قالىپتاستىرىپ، جۇقپالى اۋرۋلارعا شالدىعۋىنان ساقتانۋعا، بالانىڭ دەنساۋلىعىن قورعاۋعا بولادى.
ۆاكسينا ەكتىرۋدەن بۇرىن، بالالاردىڭ اش قۇرساق بولۋىنان، قاتتى شارشاۋىنان ساقتانۋ كەرەك، ۆاكسينا ەكتىرگەن كۇنى قولايلى بولۋ ءۇشىن كەڭىرەك كيىم كيگەن ءجون. ۆاكسينا ەكتىرگەن كەزدە، بالانىڭ دەنساۋلىق جاعدايى مەن ۆاكسينا ەكتىرۋدە اباي بولاتىن ىستەردى ۆاكسينا ەگەتىن شيپاگەرلەرگە شىنايى ايتۋ كەرەك. ۆاكسينا ەكتىرىپ بولعاننان كەيىن، سول جەردە 30 مينۋت باقىلاپ كورىپ، ەشقانداي قالىپسىز جاعداي بايقالماعانىن تۇراقتاندىرعان سوڭ كەتۋگە بولادى. ۆاكسينا ەكتىرگەن ءبولىمنىڭ تازالىعىن ساقتاۋ، دەمالۋعا كوڭىل ءبولۋ، جاقسى تاماقتانۋ، اشتى، تىتىركەندىرگىش، وڭاي رەاكسيا بەرەتىن ازىقتىقتاردى جەۋدەن ساقتانۋ، شەكتەن تىس ارەكەتتەنۋدەن جانە شارشاۋدان ساقتانۋ كەرەك. بالانىڭ دەنساۋلىق جاعدايىنا نازار اۋدارۋ قاجەت، ەگەر جايسىزدانسا، دەرەۋ شيپاگەردەن كەڭەس سۇراۋ نەمەسە ەمحاناعا بارىپ ەمدەلۋ قاجەت.
ەندەشە، بالالارعا قانداي جاعدايدا ۆاكسينا ەگۋگە ۇيلەسپەيدى؟ چىن شىجۇي بىلاي دەدى: بالاعا بەلگىلى ۆاكسينا اۋىر رەاكسيا بەرەتىن بولسا نەمەسە ەكتىرگەننەن كەيىن اۋىر رەاكسيا بەرۋ اسەرى بايقالسا، وسى تەكتەس ۆاكسينالاردى ەگۋگە بولمايدى. وزىندە يممۋنيتەتتىك اۋرۋ، قاتەرلى وسپە، يممۋنيتەت كەمىستىگى قاتارلى اۋرۋلار بار بالالارعا ۆاكسينا ەكتىرمەۋ قاجەت. شۇعىل اۋرۋ مەزگىلىندە نەمەسە سوزىلمالى اۋرۋدىڭ شۇعىل قوزعالعان كەزىندە بالالارعا ۆاكسينا ەگۋدى ۋاقىتشا توقتاتا تۇرۋ قاجەت. دەنساۋلىعى ەرەكشە كۇيدە تۇرعان بالالارعا مامان شيپاگەرلەردىڭ ساراپتاۋىنان وتكىزۋ ارقىلى اۋرۋ جاعدايى ورنىقتى بولعاننان كەيىن بەلگىلەنگەن ءتارتىپ بويىنشا ۆاكسينانى تولىقتاپ ەگۋگە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
