سىرتقى ىستەر مينيسترلىگى: ءبىرىنشى توپتاعى جۇڭگو ازاماتتارى سۋداننان كورشى ەلگە حاۋىپسىز شەگىندىرىلدى
2023.04.25 16:31 كەلۋ قاينارى : حالىق تورابى
4 – ايدىڭ 24 – كۇنى، سىرتقى ىستەر مينيسترلىگىنىڭ مالىمدەمەشىسى ماۋ نيڭ كەزەكتى تىلشىلەر جينالىسىن باسقاردى. ءبىر ءتىلشى بىلاي دەپ سۇرادى: جۇڭگونىڭ سۋداندا تۇراتىن ەلشىحاناسىنىڭ سۋدانداعى جۇڭگو ازاماتتارىنىڭ شەگىنگىسى كەلەتىندەرىن ساناققا الۋ جونىندەگى ۇقتىرۋدى جاريالاعاندىعىنا نازار اۋداردىق. تاعى ءبىر حابارعا قاراعاندا، سۋدانداعى قارۋلى بولىمدەر جۇڭگو، ا ق ش، انگليا سياقتى ەلدەردىڭ سۋداننىڭ استاناسى حارتۋمنان ءوز ەلدەرىنىڭ ازاماتتارىنان شەگىندىرىپ اكەتتى دەگەندى ايتقان. سىرتقى ىستەر مينيسترلىگى قاتىستى حابارلاردى تۇراقتاندىرادى ما، جوق پا، جۇڭگو جاق سۋدانداعى جۇڭگو ازاماتتارىن شەگىندىرۋدى باستادى ما، جوق پا؟
ماۋ نيڭ بىلاي دەدى: سۋداننىڭ جاعدايى كۇرت وزگەرگەننەن بەرى، پارتيا ورتالىق كوميتەتى سۋدانداعى جۇڭگو ازاماتتارىنىڭ حاۋىپسىزدىگىن ەسىنەن شىعارمادى. سىرتقى ىستەر مينيسترلىگى دەرەۋ كونسۋلدىق قورعاۋعا شۇعىل توتەپ بەرۋ مەحانيزمىن ىسكە قوسىپ، ءارقايسى تاراۋلارمەن، جەرگىلىكتى ۇكىمەتتەرمەن، سونداي ـ اق سۋدانداعى جانە توڭىرەكتەگى ەلدەردە تۇراتىن ەلشىحانالارمەن، كونسۋلحانالارمەن جانە ءار جاقپەن تىعىز بايلانىس جاساپ، سايكەسىپ، سۋدانداعى جۇڭگولىق باۋىرلاستاردىڭ حاۋىپسىزدىگىن بار كۇشپەن قورعادى ءارى شەگىندىرۋ جوباسىن جاسادى. قازىر سىرتقى ىستەر مينيسترلىگى الدىڭعى شەپكە قىزمەت گرۋپپاسىن جىبەردى، ءبىرىنشى توپتاعى قىزمەتكەرلەر سۋداننىڭ كورشى ەلدەرىنە حاۋىپسىز شەگىندىرىلدى. سىرتقى ىستەر مينيسترلىگى مەن سۋداندا تۇراتىن ەلشىحانا سۋدانداعى جۇڭگو ازاماتتارىنىڭ ەلشىحانا جاريالاعان ۇقتىرۋعا قاداعالاي نازار اۋدارىپ، جەكە ينفورماتسيالارىن دەر كەزىندە مالىمدەپ، بايلانىس جاساۋدىڭ ىركىلىسسىز بولۋىن تاعى ءبىر رەت ەسكەرتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
