بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

تاعى دا سۋىق اعىس كەلدى وسى اپتانىڭ العاشقى مەزگىلىندە سولتۇستىك شينجياڭنىڭ باسىم كوپ ساندى رايوندارىندا جاۋىن – شاشىن بولىپ، تەمپەراتۋرا تومەندەدى

2023.04.25 16:20     كەلۋ قاينارى : حالىق تورابى

  شينجياڭ گازەتىنىڭ حابارى. جاڭا اپتانىڭ باستالىسىمەن شينجياڭدا تاعى دا سۋىق اعىس باستالدى. ءتىلشىنىڭ شينجياڭ اۋا رايى ستانسياسىنان ۇعىسۋىنشا، مەجەمەن وسى اپتانىڭ العاشقى مەزگىلىندە ءبىر رەت ورتاشا، ءالسىز سۋىق اعىس جۇرەدى، بەيسەنبىدەن باستاپ وڭتۇستىك، سولتۇستىك شينجياڭدا اۋا رايى كورنەكتى جىلىنادى.

  4 – ايدىڭ 24 – كۇنى (دۇيسەنبى) ءتۇن جارىمىنان 4 – ايدىڭ 26 – كۇنى (سارسەنبى) كۇندىزگە دەيىن سولتۇستىك شينجياڭنىڭ باسىم كوپ ساندى وڭىرلەرىندە، تيانشان تاۋلى وڭىرىندە، قۇمىل قالاسىنىڭ سولتۇستىك تاۋلى وڭىرلەرىندە سەبەزگى، ازىراق وتكىنشى جاڭبىر جاۋادى (تاۋلى وڭىردە قار ارالاس جاڭبىر نەمەسە قار جاۋادى)، ىلە قازاق اۆتونوميالى وبلىسى، تارباعاتاي ايماعىنىڭ سولتۇستىك بولەگى سياقتى جەرلەردىڭ ءبىر ءبولىم وڭىرلەرى مەن تيانشان تاۋلى رايونىنىڭ ءىشىنارا وڭىرلەرىندە ورتاشا جانە قالىڭ جاڭبىر نەمەسە قار جاۋادى، تاۋلى ءوڭىردىڭ ءىشىنارا جەرلەرىندە نوسەر نەمەسە قار جاۋادى؛ جوعارىداعى وڭىرلەردىڭ باسىم كوپ بولەگىندە 4 تە 5 بال باتىس سولتۇستىك جەلى سوعادى، جەل وتتەرىندە 10 بال شاماسىندا بوران سوعادى؛ وڭتۇستىك شينجياڭداعى تارىم ويپاتىنىڭ ورتا، شىعىس بولەگىندە 5 بال شاماسىندا قيىس شىعىس جەلى سوعادى، وڭتۇستىك شينجياڭنىڭ، شىعىس شينجياڭنىڭ ءىشىنارا وڭىرلەرىندە ۇقساماعان دارەجەدە قۇمدى بوران سوعادى؛ سولتۇستىك شينجياڭداعى، شىعىس شينجياڭداعى ەڭ تومەنگى اۋا تەمپەراتۋراسى 3 تە 5 سەلتسي گرادۋس تومەندەيدى.4 - ايدىڭ 26 - كۇنى (سارسەنبى) تۇستەن كەيىننەن 27 – كۇنى (بەيسەنبى) ءتۇن جارىمىنا دەيىن وڭتۇستىك شينجياڭنىڭ باتىسىنداعى تاۋلى وڭىرلەردىڭ، كۇنلۇن تاۋىنىڭ سولتۇستىك بەتكەيىنىڭ ءىشىنارا وڭىرلەرىندە سەبەزگى جاڭبىر (تەڭىز دەڭگەيىنەن بيىك تاۋلى وڭىرلەردە قار جاۋادى)، تاۋلى ءوڭىردىڭ ءىشىنارا وڭىرلەرىندە ورتا جانە قالىڭ جاڭبىر نەمەسە قار جاۋادى. قار، جاڭبىر، بوران، تەمپەراتۋرانىڭ تومەندەۋى سياقتى اۋا رايىنىڭ جول قاتىناسى، ەگىن، مال شارۋاشىلىق ءوندىرىسى، ساياحات سياقتىلارعا جاسايتىن ءتيىمسىز ىقپالىنان جانە ءىشىنارا جەرلەر ارالاس تاسقىننان، كوشكىننەن جانە كۇشتى كونۆەكسيالىق اۋا رايىنان ساقتانۋ كەرەك.

  ءۇرىمجى قالاسىندا وسى اپتانىڭ باسىم كوپ ۋاقىتىندا كۇن اشىق، ارا - تۇرا بۇلتتايتىن اۋا رايى نەگىز ەتىلىپ، اۋا تەمپەراتۋراسى بىرتىندەپ جوعارىلايدى؛ نەگىزگى قالا رايونىندا ەڭ تومەن تەمپەراتۋرا 5 تە 16 سەلتسي گرادۋس بولادى، ەڭ جوعارى تەمپەراتۋرا 16 دا 25 سەلتسي گرادۋس بولادى. مەجەمەن 4 - ايدىڭ 25 - كۇنى (سەيسەنبى) تۇندە، نەگىزگى قالا رايونى مەن ميدۇڭ رايونىندا سەبەزگى جاڭبىر جاۋادى، وڭتۇستىك قالا ماڭى مەن تاۋلى رايوندا قار ارالاس جاڭبىر جاۋىپ، سوڭى قارعا اينالادى، ءىشىنارا جەرلەردە ورتاشاعا دەيىن جەتەدى، باسىم كوپ ساندى وڭىرلەردە 5 تە 6 بال باتىس سولتۇستىك جەلى سوعادى، دابانچىڭ رايونىندا كۇن بۇلتتى بولىپ، 5 تە 6 بال باتىس جەلى سوعادى، ءىشىنارا جەرلەردە مەزەتتىك جەل كۇشى 8 دە 9 بالعا جەتەدى.

  شينجياڭ اۋىل شارۋاشىلىق اۋا رايى ستانسياسى ديقاندارعا مىنانى ەسكەرتتى: 4 - ايدىڭ اياق شەنىندە اۋا رايى شارت - جاعدايىنىڭ بۇكىل شينجياڭداعى باسىم كوپ ساندى دۇمبە ءبيداي مەن كوكتەمدىك داقىلداردىڭ مايسا كەزىندەگى وسۋىنە ونشا زور ىقپال جاسامايتىندىعىن، الايدا جاۋىن - شاشىن، تەمپەراتۋرانىڭ ءورتىس تومەندەۋى ماقتا، جۇگەرى سياقتى جىلۋ سۇيگىش داقىلداردىڭ تۇقىم سەبۋىنە، كوكتەۋىنە، جەمىس اعاشتارىنىڭ گۇل اشىپ توزاڭدانۋى مەن مال شارۋاشىلىق وندىرىسىنە ءتيىمسىز ىقپال جاسايدى. بۇكىل شينجياڭنىڭ اۋىل شارۋاشىلىق رايوندارىنىڭ اۋا رايى وزگەرىسىنە ساي، اۋىل شارۋاشىلىق ءوندىرىسىن ۇيلەسىمدى ورنالاستىرىپ، اتىز باسقارۋدى كۇشەيتۋىن، اسىرەسە، ماقتا اتىزىندا جاڭبىر جاۋعاننان كەيىن توپىراعىن دەر كەزىندە قوپسىتىپ، قاتقاقتى جويۋىن ۇسىنىس ەتەمىز.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى