بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

ساقتىق دابىلى! بيىلعى جاز دۇنيە ءجۇزى بويىنشا تاريحتاعى ەڭ ىستىق جاز بولۋى مۇمكىن

2023.04.25 16:06     كەلۋ قاينارى : حالىق تورابى

  ەۆروپا وداعى كوپەرنيك كليمات وزگەرىسى جونىندە قىزمەت وتەۋ مەكەمەسىنىڭ كليمات عىلىمى مامانىنىڭ 4 – ايدىڭ 20 – كۇنى ايتۋىنشا، كليمات وزگەرىسى مەن مەجەلى ەل – نينو اۋا رايى قۇبىلىسىنىڭ قايتا ورالۋىنىڭ ىقپالىنا ۇشىرايتىندىقتان، دۇنيە ءجۇزىنىڭ ورتاشا اۋا تەمپەراتۋراسى 2023 – جىلى نەمەسە 2024 – جىلى جاڭا جوعارى ورەنى جاراتۋى مۇمكىن.

  رەيتەر اگەنتتىگىنىڭ حابارلاۋىنشا، كليمات مودەلىنە قاراعاندا، ەل – نينو قۇبلىسى 3 جىل جالعاسقاننان كەيىن، دۇنيە ءجۇزى بيىل جىل سوڭىنا تامان ەل – نينو قۇبلىسىن قايتالاي باستان وتكىزۋى مۇمكىن.

  لا – نينا جانە ەل – نينو قۇبلىسى ادەتتە 2 دە 7 جىلدا ءبىر رەت تۋىلادى، اراداعى جىلدار بەيتاراپ جىلدار سانالادى. ەل – نينو — تىنىق مۇحيتتاعى ەكۆادوردىڭ ورتا – شىعىس بولىگىندەگى تەڭىز سۋىنىڭ تەمپەراتۋراسىنىڭ قالىپسىز جوعارىلاۋى سەبەبىنەن تۋىندايتىن ءبىر ءتۇرلى كليمات قۇبلىسى، لا – نينا ونىمەن قاراما – قارسى، تىنىق مۇحيتتاعى وسى وڭىردەگى تەڭىز سۋىنىڭ تەمپەراتۋراسىنىڭ ءبىر مەزەت قالىپتى جىلدارداعىمەن سالىستىرعاندا ۇزدىكسىز تومەن بولۋىن كورسەتەدى. دۇنيە جۇزىلىك اۋا رايى ۇيىمىنىڭ ايتۋىنشا، قازىرگى لا – نينا قۇبىلىسى 2020 – جىلى 9 – ايدان كەيىن باستالعان، قازىر اياقتاۋ كەزەڭىنە قادام تاستادى، الايدا، ونىڭ جالعاسقان ۋاقىتى ءبىرشاما ۇزاق، جاسىرىن ىقپالى تاعى ءبىراز مەزگىل جالعاسادى.

  كوپەرنيك كليمات وزگەرىسى جاعىندا قىزمەت وتەۋ مەكەمەسىنىڭ نەگىزگى جاۋاپتىسى كارلو بوۋنتەمپو بىلاي دەگەن: ”ەل – نينو ادەتتە دۇنيە ءجۇزى كولەمىندە رەكورد جاراتاتىن اۋا تەمپەراتۋراسىمەن قاتىستى. مۇنداي جاعداي 2023 – جىلى نەمەسە 2024 – جىلى تۋىلا ما، تۋىلماي ما ءالى بەلگىسىز، الايدا، مەنىڭشە تۋىلۋ ىقتيمالدىعى وتە جوعارى“.

  بوۋنتەمپونىڭ ايتۋىنشا، كليمات مودەلىنە قاراعاندا، سولتۇستىك جارتى شاردا بيىل جازدىڭ سوڭىندا ەل – نينو تۋىلاتىن اۋا رايى شارت – جاعدايى قالپىنا كەلەدى، ونىڭ ۇستىنە، بيىل جىل سوڭىندا ەل – نينو قۇبلىسىنا اينالۋ ىقتيمالدىعى جوعارى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى