”پوزيتسيا ءبىلدىرۋ فورماسىنداعى“ تياناقتاندىرۋدان ساق بولايىق
2023.04.24 16:43 كەلۋ قاينارى : حالىق تورابى
قازىر كادرلار قوسىنىندا ”پوزيتسيا ءبىلدىرۋ فورماسىنداعى“ تياناقتاندىرۋ جاعدايى ساقتالىپ وتىر. كەيبىر كادرلار پوزيتسيا ءبىلدىرىپ بولعان سوڭ، ىسكە كىرىسپەيدى، لەبىز بىلدىرگەن سوڭ، جۇمىستى شىنايى ىستەمەيدى، ۇيعارىمى اۋىز جۇزىندە، جوسپارى جيىن زالىندا، تياناقتاندىرۋى قاعاز جۇزىندە قالا بەرەدى. كەيبىر كادرلار ”قىزمەت دەگەن تەاتر سياقتى، تۇگەلدەي بەينەلەۋ شەبەرلىگىڭە سۇيەنەسىڭ“ دەگەن كوزقاراستى ۇستانىپ، ”ەل - جۇرتتى تىلىمەن تامساندىرىپ“ امالياتتان الشاقتايدى. ”جارامساقتانۋ ءۇشىن اشەكەيلەيمىن دەپ“ لاعىپ كەتەدى، ”كوز بوياۋشىلىققا بەرىلىپ“ قادامىنان جاڭىلادى، ”كۇن كۇركىرەگەنىمەن جاڭبىر جاۋمايدى“ دەگەندەي ادەيى بالسىنەدى، بۇقارا وندايدى كورسە جيرەنەدى، ”ايتۋعا شەبەر، ىستەۋگە وراشولاق“ بولىپ، قۇرعاق ۋادە بەرىپ، بۇقارانىڭ كوڭىلىن قالدىرادى، مۇنداي جاعدايدان ساق بولۋ، مۇنداي جاعدايدى جونگە سالۋ جانە تۇزەتۋ كەرەك.
ءىس جۇزىندىك ءبىر ارەكەت ءبىر توپ پروگراممادان ارتىق، ەڭ ماڭىزدىسى —تياناقتاندىرۋدا. پارتيالى كادرلار شىن سويلەۋى، بوس سوزدەن اۋلاق بولۋى، شىنايى شارا قولدانۋى، وتىرىك ايلا ىستەتپەۋى، جاۋاپكەرشىلىكتى كوڭىلدە ساقتاۋى، اۋىر جۇكتى ارقالاۋى، قىزمەتتى مىقتى ۇستاۋى كەرەك، اۋزىمەن وراق ورىپ ”وتىرىپ الىپ اقىل ايتۋدى“ ازايتۋى، نايزاعايداي تەزدىكپەن ”ايتقان جەردەن ارەكەتتەنۋدى“ كوبەيتۋى كەرەك. ماسەلەنى باعدار ەتۋگە تاباندى بولىپ، ۇزدىكسىز تۇردە ءبىرىنشى شەپكە بارىپ باقىلاۋ – جەتەكشىلىك ەتۋ، تەكسەرۋ جۇرگىزۋى كەرەك، ماتەريال اقتارۋدى ازايتىپ، ناق مايدانعا توتە بارىپ، بۇقارامەن ەتەنە بولۋى، ءىس جۇزىندىك قىزمەتتى تياناقتاندىرۋ جاعدايىن جالپى بەتتىك مەڭگەرۋى، تياناقتاندىرۋعا ءتيىستى ءىستى مىقتى ۇستاپ، تياناقتاندىرماعانداردى قاتاڭ تەكسەرۋى كەرەك.
وراتى كەلسە ويىن قويۋعا اۋەس، ايبار كورسەتۋگە ادەتتەنگەن، ىستەۋدىڭ ورنىنا ۇرانداۋعا ءمان بەرەتىن، جۇمىستى ات ءۇستى ىستەيتىن قۇرعاق پوزيتسيا بىلدىرگىش كادرلەرگە قاراتا قاتاڭ باقىلاۋ جۇرگىزىپ، جاۋاپكەرشىلىكتى قۋزاستىرۋ شاراسىن قاتاڭ اتقارىپ، جوعارىعا جاقسى اتتانىپ، تومەنگە ءمان بەرمەيتىن، جالعاندىققا بەرىلىپ، شىنايىلىققا تالپىنبايتىن، اتاق – ابىرويعا عانا بەرىلىپ، جۇمىسقا ءمان بەرمەيتىن ”پوزيتسيا ءبىلدىرۋ مادەنيەتى“ ستيلىن تەجەپ، كادرلاردى ءوز قىزمەت ورنىندا ءوزى جاۋاپتى بولعان ءىستى تىندىرىپ، ءوز مىندەتىن ادا ەتىپ، ءوز جاۋاپكەرشىلىگىن اتقارۋعا قۋزاۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
