ءىشىنارا ەلدەردىڭ گۋاڭجوۋ، چىڭدۋ، چۇڭچيڭ قالالارىندا تۇراتىن باس كونسۋلدارى شينجياڭدا ەكسكۋرسيا - ساپاردا بولدى
2023.04.28 15:34 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جىڭ جو 4 - ايدىڭ 25 - كۇنى قاشقاردان حابارلايدى. 4 - ايدىڭ 24 - كۇنى برازيليا، كۋبا، نەپال، يران، ۆيەتنام، كامبودجا، سەنەگال، ەكۆادور، يندونەزيا، بيرما، تايلاند، ۋگاندا، پاكيستان، تۇركيا سياقتى 14 مەملەكەتتىڭ گۋاڭجوۋدا، چىڭدۋدا، چۇڭچيڭدە تۇراتىن باس كونسۋلدارى قاشقارعا جەتىپ، شينجياڭداعى ەكسكۋرسيا - ساپارىن باستادى.
باس كونسۋلدار قاشقارعا جەتكەننەن كەيىن قاشقار بايىرعى قالاسى، قاشقار قالاسى كونە قالا رايونىن قورعاۋ، جالپىلىق جونگە سالۋ ەسكەرتكىش سارايى، ايتكار مەشىتى، كونەشار اۋدانى ۇلتتىق مۋزيكا اسپاپتار قىستاعى سياقتى جەرلەرگە بارىپ ەكسكۋرسيالادى.
قاشقار بايىرعى قالاسىنىڭ كوشەلەرىن ارالاساڭىز، كوشەلەرى تازا دا رەتتى، ەكى جاعالاۋداعى دۇكەندەردە ادامدار قايشالىسادى، ءتۇرلى - ءتۇستى قولونەر بۇيىمدارى كوزدىڭ جاۋىن الادى، بايىرعى قالاداعى تۇرعىندار مەن ساياحاتشىلار قايشالىسىپ، بالالار كوشەدە اسىر سالىپ ويناپ ءجۇر... وسىنداي ءبىر جاراسىمدى كورىنىس باس كونسۋلدارعا كوپ اسەر سيلادى، اسىرەسە، جاڭالانۋدان بۇرىنعى كونە قالا رايونىنىڭ بەينەجازبا ماتەريالىمەن سالىستىرعاننان كەيىن، كوپشىلىك جۇڭگو ۇكىمەتىنىڭ كونە قالا رايونىن جاڭالاۋدا قولدانعان بارلىق شارالارى مەن قاجىرلى قۇلشىنىستارىن جارىسا القادى. ولار بىلاي دەدى: كونە قالا رايونىن جاڭالاۋدا جەرگىلىكتى از ۇلتتاردىڭ مادەني ەرەكشەلىگى قاز - قالپىن ساقتاپتى، تۇرعىندار جاڭالانعاننان كەيىنگى بايىرعى قالا تۇرمىسىنا قايتا ورالىپ، مادەنيەت پەن تاريح جالعاسىن تاۋىپتى، ونىڭ استارىنداعى قۇلشىنىستى ايتپاساق تا تۇسىنىكتى ەكەن.
150 جىلدىق مۋزيكا اسپاپتارىن جاساۋ تاريحى بار كونەشار اۋدانى ۇلتتىق مۋزيكا اسپاپتارى قىستاعىندا باس كونسۋلدار جەرگىلىكتى ونەرپازدار ورىنداعان مۋزيكالاردان ءلاززاتتانىپ، شەبەرلىك مۇراگەرلەرىنىڭ قولمەن جاساعان مۋزيكا اسپاپتارىن كورىپ، قويۋ ۇلتتىق مادەنيەت سالتىن سەزىندى.
يراننىڭ گۋاڭجوۋدا تۇراتىن باس كونسۋلى ۇسەيىن الي ءدارۋىش مۇتۆاري شينجياڭ مۋزيكاسىن ايرىقشا ۇناتتى، ول وسى رەتكى شينجياڭعا ساپارىنىڭ ءوزى جونىنەن كەلەلى مانگە يە بولعاندىعىن، بولاشاقتا جۇڭگومەن، سونداي - اق شينجياڭ وڭىرىمەن مادەنيەت اۋىس - كۇيىسىن ونان ارى ىلگەرىلەتۋدى ءۇمىت ەتەتىندىگىن ايتتى.
”اۋادا تارالعان حوش ءيىس كوڭىلىمدى جادىراتىپ جىبەردى“. پاكيستاننىڭ چىڭدۋدا تۇراتىن ۋاقىتتىق باس كونسۋلى حۇنان شينجياڭعا ساپارلاي كەلگەنىنە قاتتى قۋاندى، ول بىلاي دەدى: قاشقاردا كورگەن - بىلگەندەرىمىز ارقىلى جۇڭگو ۇكىمەتى مەن حالقىنىڭ اناعۇرلىم تاماشا تۇرمىسقا جەتۋ جولىندا بىرگە قۇلشىنۋداعى بەكىمى مەن سەنىمىن شىنايى اڭعاردىم.
”بۇل ءبىر جاراسىمدى مەكەن ەكەن“. بيرمانىڭ چۇڭچيڭدە تۇراتىن باس كونسۋلى لۇي جىنساي بىلاي دەدى: شينجياڭدا ۇلتتار تاتۋ - ءتاتتى جاساپ جاتقانىن، ادامداردىڭ جۇزىنەن شاتتىق كۇلكىسى ەسىپ، جاستاردىڭ كوڭىلدەگىدەي تۇرمىس كەشىرىپ جاتقانىن كورۋگە بولادى ەكەن. وسىنىڭ ءبارى ماعان تاماشا اسەر سيلادى.
ۋگاندانىڭ گۋاڭجوۋدا تۇراتىن باس كونسۋلى جۋديس سانبابەلا مادەنيەت ەرەكشەلىگىنە باي قولونەر بۇيىمدارىن اۋىز جاپپاي القادى. ول بىلاي دەدى: مىڭ ەستىگەننەن ءبىر كورگەن ارتىق، ءبىز شينجياڭ حالقىنىڭ ەركىن تۇرمىس كەشىرىپ جاتقانىن كوردىك، مادەنيەتتىڭ قورعالۋى مەن جالعاستىرىلۋى وتە جاقسى ەكەنىن كوردىك. جۋديس بىلاي دەپ قارادى: كوپشىلىك ءوز كوزدەرىمەن كورۋ، تىكەلەي سەزىنۋ ارقىلى عانا شينجياڭنىڭ ناقتى جاعدايىن بىلە الادى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
