شي جينپيڭ ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ ۇنەمىلىك ىستەرگە جاۋاپتى شۋجيى، ورتالىق كوميتەت ۇيىمداستىرۋ ءبولىمىنىڭ باستىعى جاڭ شىمەيمەن كەزدەستى
2023.04.27 16:43 كەلۋ قاينارى : حالىق تورابى
 |
4 - ايدىڭ 26 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى حالىق سارايىندا ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ ۇنەمىلىك ىستەرگە جاۋاپتى شۋجيى، ورتالىق كوميتەت ۇيىمداستىرۋ ءبولىمىنىڭ باستىعى جاڭ شىمەيمەن كەزدەستى.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
|
شينحۋا اگەنتتىگى، 4 - ايدىڭ 26 - كۇنى، بەيجيڭ. 4 - ايدىڭ 26 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حالىق سارايىندا ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ ۇنەمىلىك ىستەرگە جاۋاپتى شۋجيى، ورتالىق كوميتەت ۇيىمداستىرۋ ءبولىمىنىڭ باستىعى جاڭ شىمەيمەن كەزدەستى.
شي جينپيڭ جاڭ شىمەيگە باس شۋجي رۋان فۋجۇڭعا، مەملەكەت ءتوراعاسى ۋ ۋىنشاڭعا دەگەن ىقىلاستى سالەمىن جەتكىزۋدى تاپسىردى. شي جينپيڭ مىنالاردى ءبىلدىردى: بيىل − جۇڭگو مەن ۆيەتنامنىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناس ورناتقانىنىڭ 15 جىلدىعى. بىلتىر باس شۋجي رۋان فۋجۇڭ جۇڭگودا ساپاردا بولعاننان بەرى جۇڭگو مەن ۆيەتنام باس شۋجي رۋان فۋجۇڭ ەكەۋىمىز كەلىسكەن ورتاق تانىم مەن بىرلەسكەن مالىمدەمەنىڭ رۋحىن تياناقتاندىرۋعا ايرىقشا ءمان بەرىپ، بەلسەندى شارالار قولدانىپ، جۇڭگو مەن ۆيەتنامنىڭ اۋىس - كۇيىسىندە، سەلبەستىگىندە تاماشا جاعداي جارىققا شىعۋىن ىلگەرىلەتتى. مەن باس شۋجي رۋان فۋجۇڭمەن تىعىز بارىس - كەلىستى ساقتاپ، جۇڭگو - ۆيەتنام قارىم - قاتىناسىنا ساياسي جەتەكشىلىكتى جانە ستراتەگيالىق جەتەكشىلىكتى كۇشەيتۋدى قالايمىن.
شي جينپيڭ بىلاي دەپ دارىپتەدى: اساۋ تولقىن كوتەرىلگەن حالىقارالىق ورتا جانە ەكى ەلدىڭ وزدەرىنىڭ رەفورما، دامۋ، ورنىقتىلىق مىندەتتەرى الدىندا، جۇڭگو مەن ۆيەتنام ”16 ارىپتىك“ باعىت پەن ”4 تە جاقسى بولۋ“ رۋحىن ۇستانىپ، ساياسي ءوزارا سەنىمدىلىكتى بەكەمدەپ، ىنتىماقتى، سەلبەستىكتى كۇشەيتىپ، الاۋىزدىقتاردى ۇيلەسىمدى تىزگىندەپ، حاۋىپ - قاتەرگە، سىن - سايىسقا بىرگە توتەپ بەرىپ، ادامزاتتىڭ بەيبىتشىلىگى مەن العا باسۋ ىستەرىنە كۇش سالاتىن جۇڭگو - ۆيەتنام تاعدىرلاس ورتاق تۇلعاسىن قۇرۋدى ىلگەرىلەتۋى كەرەك. ماركسيزمدىك عىلمي نازاريامەن قارۋلانۋدا تاباندى بولىپ، وسى قۇدىرەتتى ساياسي ابزالدىقتى مىقتاپ يگەرىپ، اۋىس - كۇيىستى، ءوزارا ۇلگى الۋدى تەرەڭدەتىپ، يدەيالىق قورعانىس شەبىن بەكەمدەپ، سوتسياليزم ىستەرىن قول ۇستاسا ىلگەرىلەتۋ كەرەك. حالىقتى وزەك ەتۋدە تاباندى بولىپ، دامۋ ستراتەگياسى مەن نىسانداردى ۇشتاستىرۋدى كەمەلدەندىرىپ، قۇرىلعىلاردى تۇتاستىرۋدى جانە حالىق تىلەگىن توعىستىرۋدى ىلگەرىلەتىپ، ءداستۇرلى دوستىق تاربيەسىن كۇشەيتىپ، ەكى ەل قارىم - قاتىناسىنىڭ ۇزاق بولاشاقتىق دامۋىنىڭ حالىق رايى نەگىزىن بەكەمدەۋ كەرەك. پارتيانىڭ بيلىك جۇرگىزۋ حاۋىپسىزدىگىن بار كۇشپەن بەكەمدەپ، مەملەكەتتىڭ ورنىقتىلىعى مەن دامۋىن قورعاپ، ادامزاتتىڭ بەيبىتشىلىگى مەن العا باسۋ ىستەرىنە كۇش سالۋدان جازباي، حالىقارالىق ىستەردەگى ىنتىماقتى، سەلبەستىكتى كۇشەيتىپ، زورەكەرلىككە جانە توپ قۇرىپ قارسىلاسۋعا باتىل قارسى تۇرىپ، ءوڭىردىڭ بەيبىتشىلىگى مەن دامۋ پايداسىن ويداعىداي قورعاپ، ادامزاتتىڭ تاعدىرلاس ورتاق تۇلعاسىن قۇرۋدى قول ۇستاسا ىلگەرىلەتۋ كەرەك.
جاڭ شىمەي الدىمەن باس شۋجي رۋان فۋجۇڭنىڭ، مەملەكەت ءتوراعاسى ۋ ۋىنشاڭنىڭ باس شۋجي، مەملەكەت ءتوراعاسى شي جينپيڭگە جولداعان ىقىلاستى سالەمىن جەتكىزدى، باس شۋجي شي جينپيڭنىڭ كەزدەسكەنىنە شىن جۇرەكتەن العىس ايتتى. جاڭ شىمەي مىنالاردى ءبىلدىردى: ج ك پ 20 - قۇرىلتايىنىڭ جانە مەملەكەتتىك ەكى ءماجىلىستىڭ جەڭىسپەن اشىلعانىن قىزۋ قۇتتىقتايمىن، باس شۋجي شي جينپيڭنىڭ تولىق داۋىسپەن جۇڭگونىڭ مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى بولىپ سايلانعانىن قىزۋ قۇتتىقتايمىن، شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ پارمەندى باسشىلىعىندا، جۇڭگو حالقىنىڭ، ءسوز جوق، ج ك پ - نىڭ 20 - قۇرىلتايىندا العا قويىلعان نىسانالاردى تابىسپەن ورىنداپ، جاپپاي سوتسياليستىك وسىزاماندانعان مەملەكەت قۇراتىنىنا كامىل سەنەمىن. ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ ج ك پ - نىڭ 20 - قۇرىلتايى جابىلىسىمەن جۇڭگودا ساپاردا بولىپ، باس شۋجي شي جينپيڭمەن جاڭا داۋىردەگى ۆيەتنام - جۇڭگو قارىم - قاتىناسىنىڭ دامۋى جونىندە ماڭىزدى ورتاق تانىمعا كەلىپ، ەكى ەلدىڭ جان - جاقتى ستراتەگيالىق سەلبەستىگىنە قۋاتتى قوزعاۋشى كۇش ۇستەدى. ۆيەتنام جۇڭگومەن دوستىق سەلبەستىكتى دامىتۋدى باستان - اياق سىرتقى ساياساتتا ماڭداي الدى ورىنعا قويىپ، ءبىر جۇڭگو ساياساتىندا باستان - اياق تاباندى بولىپ، جۇڭگونىڭ بىرلىككە كەلۋ ۇلى ءىسىن باتىل قولدايدى. ۆيەتنام جاق جۇڭگو جاقپەن ەكى پارتيانىڭ ەڭ جوعارى باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ”16 ارىپتىك“ باعىتقا جانە ”4 تە جاقسى بولۋ“ رۋحىنا ساي، ەكى پارتيانىڭ جوعارى جىكتەگىلەرىنىڭ بارىس - كەلىسىن جيىلەتىپ، ”ەكى ءدالىز، ءبىر شەڭبەر“ مەن ”ءبىر بەلدەۋ، ءبىر جولدى“ بىرگە قۇرۋدى ۇشتاستىرۋ سەلبەستىگىن ىلگەرىلەتىپ، ەكى پارتيانىڭ، ەكى ەلدىڭ قارىم - قاتىناسىنىڭ جانە سوتسياليزم ىستەرىنىڭ ۇزدىكسىز دامۋىن جەبەۋدى قالايدى. ۆيەتنام جاق باس شۋجي شي جينپيڭ العا قويعان كەلەلى دۇنيە جۇزىلىك باستامانى باتىل قولدايدى، جۇڭگونىڭ 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىن وتكىزۋىن قولدايدى، جۇڭگومەن وڭىرلىك جانە حالىقارالىق سەلبەستىكتى كۇشەيتىپ، ءوڭىردىڭ جانە دۇنيە ءجۇزىنىڭ بەيبىت دامۋىن جەبەۋدى ءۇمىت ەتەدى.
ساي چي، ۋاڭ ي كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
