حالىقارالىق بوكس جاتتىعۋ لاگەرىنىڭ قارسىلاسۋ جارىسى ۇرىمجىدە وتكىزىلدى
2023.04.28 12:34 كەلۋ قاينارى : حالىق تورابى
4 – ايدىڭ 26 – كۇنىنەن 28 – كۇنىنە دەيىن، 2023 - جىلعى جۇڭگو شينجياڭ حالىقارالىق بوكس جاتتىعۋ لاگەرىنىڭ قارسىلاسۋ جارىسى ءۇرىمجى قالاسىندا وتكىزىلدى، جۇڭگولىق جانە شەتەلدىك بوكسشىلاردان 80 ادام جارىسقا قاتىناستى.
بۇل رەتكى قارسىلاسۋ جارىسى 5 – ايدىڭ باسىندا وزبەكستاننىڭ استاناسى تاشكەنتتە وتكىزىلەتىن 2023 - جىلعى ەرلەر دۇنيە جۇزىلىك بوكس جۇلدەلى جارىسى ءۇشىن وتكىزىلدى. ۇعىسۋعا قاراعاندا، وسى رەتكى دۇنيە جۇزىلىك جۇلدەلى جارىسقا قاتىناسقان جۇڭگو ەرلەر بوكس كومانداسىنىڭ مۇشەلەرى 4 – ايدىڭ 10 – كۇنىنەن باستاپ شينجياڭعا بارعان ءارى اۆتونوميالى رايوندىق دەنە تاربيە مەكەمەسى بوكس سپورتىن باسقارۋ ورتالىعى ۇيىمداستىرعان جارتى ايلىق حالىقارالىق بوكس جاتتىعۋ لاگەرىنە قاتىناسقان.
بۇل جاتتىعۋ لاگەرىنە جانە سىچۋان ولكەسى، گۇيجوۋ ولكەسىنەن كەلگەن بوكس كومانداسى مەن قازاقستان، وزبەكستان ەكى ەلدىڭ كومانداسى ۇسىنىس ەتىلگەن. 80 گە جۋىق سپورتشى جاتتىعۋ لاگەرىندە وقىتۋ جاتتىعۋى مەن ناقتى سايىسۋ سياقتى تاسىلدەر ارقىلى تەحنيكانى اشالاپ، ولقىلىقتاردى تولىقتاپ، ەڭ سوڭىندا قارسىلاسۋ جارىسىندا جاتتىعۋ جەتىستىكتەرىن سىننان وتكىزىپ، جارىس جاعدايىن جوعارىلاتتى.
4 – ايدىڭ 26 – كۇنى وتكىزىلگەن العاشى شايقاستا جۇڭگو بوكس كومانداسىنىڭ مۇشەسى توقتاربەك تاڭاتقان ۇلى قازاقستاننان كەلگەن قازانقاپوۆ اماندى وپ ـ وڭاي جەڭىپ، 80 كيلوگرامدىق دارەجەدەگى جارتىلاي شەشۋشى جارىسقا جولداما الدى. بۇگىنگى ارىپتەسىمىنىڭ ارىنى وتە كۇشتى، قورعانىپ تۇرىپ شابۋىلداۋ جاتتىعۋىمنىڭ ءونىمىن كورەتىن سىناق بولدى.“ توقتاربەك مىنانى ءبىلدىردى: وسىنداي قارسىلاسۋ جارىسىنا قاتىناسقاندا ءوزىمىزدىڭ جەتەرسىزدىگىمىزدى بايقاپ، ءوزارا ۇيرەنىپ، قابىلەتتى جوعارىلاتىپ، بولاشاقتاعى حالىقارالىق جارىس مايدانىنداعى جارىسقا ءتىپتى دە كوپ تاجىريبە توپتاۋعا بولادى.
30 جىلعا جۋىق ۋاقىتتان بەرى، شينجياڭ بوكس كومانداسى بىرتىندەپ وزگەشە جاتتىعۋ جۇيەسىن قالىپتاستىرىپ، جۇڭگو بوكس ساحناسىندا نەمقۇرايدى قاراۋعا بولمايتىن كۇشكە اينالدى ءارى جۇڭگونىڭ بوكسى ءۇشىن ءبىر توپ بوكسشىلاردى تاربيەلەپ بەردى.”وسى رەتكى جاتتىعۋ لاگەرى مەن قارسىلاسۋ جارىسى شينجياڭنىڭ ەل ىشىندەگى باسقا ولكە، اۆتونوميالى رايون، قالالارمەن جانە ورتا ازيا ەلدەرىمەن بولعان جاعراپيالىق ابزالدىلىعىن تولىق ساۋلەلەندىرىپ، وزىق تەحنيكا تاكتيكاسى مەن جاتتىعۋ تاجىريبەسىنەن ورتاق يگىلىكتەنۋ ارقىلى ءبىرىن - ءبىرى جەبەۋ، بىرگە جوعارىلاتۋ ماقساتىنا جەتتى.“ جۇڭگو ەرلەر بوكس كومانداسىنىڭ جاتتىقتىرۋشىسى، شينجياڭ ۇيعۇر اۆتونوميالى رايوندىق دەنە تاربيە مەكەمەسى بوكس سپورتىن باسقارۋ ورتالىعىنىڭ مەڭگەرۋشىسى ابدۇشكۇر ميجيت بىلاي دەدى: وسى رەتكى جاتتىعۋ لاگەرى مەن قارسىلاسۋ جارىسىنىڭ جۇڭگو بوكس كومانداسىنىڭ دۇنيە جۇزىلىك جۇلدەلى جارىستا اناعۇرلىم جاقسى ناتيجەگە قول جەتكىزۋىنە دەم بەرۋىن ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
