بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

”1 – مامىر“ دەمالىسى كەزىندە سولتۇستىك شينجياڭدا الدىمەن كۇن اشىق بولىپ، سوڭىنان جاۋىن جاۋادى، وڭتۇستىك شينجياڭدا كۇن اشىق بولادى

2023.04.28 12:23     كەلۋ قاينارى : حالىق تورابى

  انار بۇلت \ شينجياڭ گازەتىنىڭ حابارى. ءتىلشىنىڭ شينجياڭ اۋا رايى ستانسياسىنان ۇعىسۋىنشا، مەجەمەن ”1 – مامىر“ دەمالىسى كەزىندە (4 – ايدىڭ 29 – كۇنىنەن 5 – ايدىڭ 3 - كۇنىنە دەيىن)، بۇكىل شينجياڭنىڭ باسىم كوپ جەرىنىڭ تەمپەراتۋراسى جىلداعىدان تومەن بولادى، سولتۇستىك شينجياڭدا الدىمەن كۇن اشىق بولىپ، سوڭىنان جاڭبىر جاۋادى، وڭتۇستىك شينجياڭدا كۇن اشىق بولادى. مۇندا 4 –ايدىڭ 29 – كۇنىنەن 30 – كۇنىنە دەيىن ىلە قازاق اۆتونوميالى وبلىسىنىڭ، وڭتۇستىك شينجياڭنىڭ تاۋلى رايوندارىندا سەبەزگى جاڭبىر جاۋادى، ءىشىنارا جەرلەردە ورتاشا، قالىڭ جاڭبىر نەمەسە قار جاۋادى؛ 5 - ايدىڭ 1 - كۇنىنەن 3 - كۇنىنە دەيىن سولتۇستىك شينجياڭنىڭ باسىم كوپ جەرىندە سەبەزگى جاڭبىر نەمەسە جاڭبىر ارالاس قار جاۋادى، تاۋلى ٴوڭىردىڭ ءىشىنارا جەرلەرىندە نوسەر نەمەسە قار جاۋادى، تەمپەراتۋرا 8 سەلتسي گرادۋس مولشەرىندە تومەندەيدى. شينجياڭ اۋا رايى ستانسياسى مىنانى ەسكەرتتى: مەرەكە كەزىندە بۇكىل شينجياڭنىڭ باسىم كوپ ساندى وڭىرلەرىندە ۇزدىك - سوزدىق بوران سوعىپ، جەل وتىندە جەل كۇشى زور بولادى، قاتىناس، ءجۇرىس – تۇرىس، قۇرىلعىلى اۋىل شارۋاشىلىعى، قالا اينالىمى، دالالىق قيمىل سياقتىلارعا ءتيىمسىز ىقپال جاسايدى، قاتىستى تاراۋلاردىڭ ساقتىقتى كۇشەيتۋىن ۇسىنىس ەتەمىز.

  مالىمەتتە كورسەتىلۋىنشە، 4 – ايدىڭ 29 – كۇنى كۇندىزدەن 30 – كۇنىنە دەيىن، ىلە وبلىسى، تيانشان تاۋلى رايونى، وڭتۇستىك شينجياڭنىڭ باتىسىنداعى تاۋلى رايوندار، كۇنلۇن تاۋىنىڭ سولتۇستىك بەتكەيى سياقتى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى، تاۋلى ءوڭىردىڭ ءىشىنارا وڭىرلەرىندە ورتاشا جاڭبىر نەمەسە قار جاۋادى؛ سولتۇستىك شينجياڭنىڭ باسىم كوپ بولەگى مەن شىعىس شينجياڭدا 5 بال اينالاسىندا باتىس سولتۇستىك جەلى سوعادى، مەزەتتىك جەل 7 دە 8 بالعا جەتەدى، جەل وتىندەگى جەل كۇشى 10 بال اينالاسىندا بولادى.

  5 – ايدىڭ 1 – كۇنى تۇستەن كەيىننەن 3 - كۇنىنە دەيىن سولتۇستىك شينجياڭنىڭ باسىم كوپ بولەگى، تيانشان تاۋلى ءوڭىرى مەن شىعىس شينجياڭدا سەبەزگى جاڭبىر نەمەسە جاڭبىر ارالاس قار جاۋىپ سوڭعى قارعا اينالادى، مۇندا ىلە وبلىسى، تارباعاتاي ايماعى، التاي ايماعى، تيانشان تاۋلى رايونى، قۇمىل قالاسى سياقتى جەرلەردىڭ ءبىر ءبولىم وڭىرلەرىندە ورتاشادان قالىڭ جاڭبىرعا دەيىن جاۋادى نەمەسە قار جاۋادى، تاۋلى وڭىرلەردىڭ ءىشىنارا جەرلەرىندە نوسەر نەمەسە قار جاۋادى؛ ىلە وبلىسى، تارباعاتاي ايماعى، تيانشان تاۋلى رايونى، قۇمىل قالاسى سياقتى ءىشىنارا جەرلەردە قىسقا ۋاقىتتىق كۇشتى جاۋىن - شاشىن، بۇرشاق سياقتى كۇشتى كونۆەكسيالىق اۋا رايى قوسانجارلايدى؛ سولتۇستىك شينجياڭنىڭ باسىم كوپ بولەگىندە، وڭتۇستىك شينجياڭنىڭ باتىس بولەگىندە 5 بال اينالاسىندا باتىس سولتۇستىك جەلى سوعادى، جەل وتىندە جەل كۇشى 11 بال اينالاسىندا بولادى؛ تەمپەراتۋرا 8 بال اينالاسىندا تومەندەيدى، كۇن اشىلعان سوڭ تارباعاتاي ايماعىنىڭ سولتۇستىگى، التاي ايماعىنىڭ جازىعىنىڭ ەڭ تومەنگى تەمپەراتۋراسى نولدەن تومەن 1 دە 2 سەلتسي گرادۋسقا دەيىن تومەندەيدى، سولتۇستىك شينجياڭداعى باسقا جازىق رايونداردىڭ ەڭ تومەنگى اۋا تەمپەراتۋراسى 3 تە 7 سەلتسي گرادۋسقا دەيىن تومەندەيدى.

  ءۇرىمجى قالاسىندا 4 – ايدىڭ 29 – كۇنىنەن 5 – ايدىڭ 1 – كۇنىنە دەيىن، اشىق نەمەسە بۇلتتى اۋا رايىن نەگىز ەتەدى، اۋا تەمپەراتۋراسىنىڭ قايتا ورلەۋى ءبىر شاما تەز بولادى، ەڭ جوعارى تەمپەراتۋرا 23 تە 26 سەلتسي گرادۋس بولادى، ەڭ تومەنگى تەمپەراتۋرا 11 دە 15 سەلتسي گرادۋس بولادى؛ مۇندا 4 – ايدىڭ 30 – كۇنى كۇندىزدەن ءتۇن جارىمىنا دەيىن 5 بال اينالاسىندا باتىس سولتۇستىك مەزەتتىك جەلى سوعادى. 5 - ايدىڭ 2 - كۇنى كۇندىزدەن تۇنگە دەيىن از نەمەسە ورتاشا جاڭبىر جاۋادى، 4 تە 5 باتىس سولتۇستىك جەلى سوعادى، تەمپەراتۋرا 4 تە 11 سەلتسي گرادۋس اينالاسىندا بولادى؛ 5 – ايدىڭ 3 – كۇنى كۇندىزدەن تۇنگە دەيىن ازىراق جاڭبىر جاۋادى، تەمپەراتۋرا 4 تە 13 سەلتسى گرادۋس اينالاسىندا بولادى.

  شينجياڭ اۋا رايى ستانسياسى مىنانى ەسكەرتتى: مەرەكە كەزىندە ىلە وبلىسىنىڭ، تارباعاتاي ايماعىنىڭ، التاي ايماعىنىڭ، قۇمىل قالاسىنىڭ تاۋلى وڭىرلەرىندە جاۋىن ـ شاشىن مول بولادى، ارالاسپا تيپتەگى تاسقىننان ساقتانۋ قاجەت، ءىشىنارا جەرلەردە نوسەر جاۋۋدان تۋىلاتىن تاۋ تاسقىنى، گەولوگيالىق اپات، سونداي ـ اق ءىشىنارا جەرلەردە قىسقا ۋاقىتتا كۇشتى جاۋىن ـ شاشىن، بۇرشاق سياقتى كۇشتى كونۆەكسيالىق اۋا رايىنىڭ ءتيىمسىز ىقپالىنان ساقتانۋ كەرەك. ”1 – مامىر“ دەمالىسى ساياحاتتىڭ قاۋىرت مەزگىلى، ساياحات تاراۋلارى ساقتانۋ شارالارىن ويداعىداي ىستەپ، ساياحاتشىلاردىڭ حاۋىپسىزدىگىن قامتاماسىز ەتۋى كەرەك.

  بۇدان سىرت، بوران سوعۋ، تەمپەراتۋرا تومەندەۋ، جاۋىن – شاشىن سياقتى اۋا رايى ماقتا، كوكتەمگى جۇگەرى جانە جازدىق ءبيدايدىڭ ەگىلۋىنە، كوكتەۋىنە جانە مايسا كەزىندەگى وسۋىنە ءتيىمسىز بولادى، بوران سوعىپ، تەمپەراتۋرا تومەندەپ مايسا قۋراپ، ۇسىككە شالدىعۋى مۇمكىن، تۇقىم ءسىڭىرۋ مىندەتىن ورىنداي الماعان رايونداردا ءتيىمىسز اۋا رايىنان اۋلاق بولىپ، تۇقىم سەبۋدى مىقتى يگەرۋدى ۇسىنىس ەتەمىز. اۋىل شارۋاشىلىق رايوندارىندا جەلدەن قورعانۋ، سۋلياۋ جارعاقتى باستىرۋ قىزمەتىن جاقسى ىستەپ، جاڭبىردان كەيىن توپىراعىن دەر كەزىندە قوپسىتىپ، جەردىڭ قاتىپ قالۋىنان ساقتانۋ كەرەك. سوڭعى مەزگىلدە سولتۇستىك شينجياڭدا تەمپەراتۋرانىڭ جىلىنۋىنا بايلانىستى مال شارۋاشىلىق رايوندارىندا تولدەردىڭ سۋىقتان ساقتانۋ، جىلى ساقتاۋ قىزمەتىن جاقسى ىستەۋ كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى