بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

«جەلەگىڭدى اش − شينجياڭ جاقسى جەر» قويىلىمىن بۇكىل ەلدە ارالاپ قويۋ ماماندار تالقى ءماجىلىسى (تيانجين بەكەتى) وتكىزىلدى

2023.04.28 15:35     كەلۋ قاينارى : شينجياڭ گازەتى

  انار بۇلت \ شينجياڭ گازەتىنىڭ ءتىلشىسى ياۋ گاڭ 4 - ايدىڭ 26 - كۇنى تيانجيننەن حابارلايدى. 4 - ايدىڭ 25 - كۇنى «جەلەگىڭدى اش − شينجياڭ جاقسى جەر» قويىلىمىن بۇكىل ەلدە ارالاپ قويۋ ماماندار تالقى ءماجىلىسى (تيانجين بەكەتى) تيانجيندە وتكىزىلدى. تيانجين مۋزيكا شۋەيۋانى، تيانجين بيشىلەر قوعامى، تيانجين جاستاردىڭ دوستىق ەلشىلەرى كوركەمونەر ۇيىرمەسىنەن كەلگەن كوپتەگەن كاسىپتىك قايراتكەرلەر جانە قاتىستى ماماندار وسى ويىن ءنومىرى جونىندە جوعارى دەڭگەيدە، كوپ تۇرعىدا وي توعىستىرىپ جانە زەرتتەپ - تالقىلاپ تالداۋ جاساپ، جاڭا داۋىردەگى شينجياڭنىڭ ىنتىماقتى، جاراسىمدى دامۋىن ايگىلەيتىن اناعۇرلىم كوپ سارا تۋىندىلاردى جاراتۋعا دەم بەردى.

  ماجىلىسكە قاتىناسقاندار قويىلىمعا جوعارى باعا بەرىپ، «جەلەگىڭدى اش − شينجياڭ جاقسى جەر» قويىلىمىن تۇرمىستان باستاۋ العان جانە ءداۋىر كەلبەتىن ايگىلەيتىن، يدەيالىق تەرەڭدىگى مەن ايقىن وڭىرلىك ستيلى بار ساۋىق كەش دەپ قارادى.

  ”تيانجيندە مەكەنىمىزدىڭ ويىن ءنومىرىن كورىپ، قاتتى اسەرلەندىم ءارى ەرەكشە تەبىرەندىم“. مۋزيكا شۋەيۋانىنىڭ ورىنباسار باستىعى ۋاڭ حۇڭۋي بىلاي دەدى: بۇل ءبىر كوركەمدىگى ەرەن، ءمان - مازمۇنى ايقىن ويىن ءنومىرى ەكەن. تۇتاس ساۋىق كەشتىڭ نەگىزگى تاقىرىبى كورنەكتى بولىپ، ءارى جۇڭحۋانىڭ تاڭداۋلى ءداستۇرلى مادەنيەتىن اسقاقتاتتى، ءارى ءار ۇلت باۋىرلاستاردىڭ جاڭا ءداۋىردىڭ جاڭا جورىعىنداعى جاڭا بەت - بەينەسىن، جاڭا سالتىن ايگىلەپ، شينجياڭنىڭ جاڭا ءداۋىر كوركەمونەرىندە قول جەتكىزگەن جاڭا ناتيجەلەرىن ايگىلەدى. شينجياڭنىڭ وسىنداي قويىلىمداردى كوبىرەك شىعارىپ، اناعۇرلىم كوپ ادامنىڭ مادەنيەت جانە كوركەمونەر ارقىلى شينجياڭدى تانۋىنا، شينجياڭدى تۇسىنۋىنە مۇمكىندىك جاساۋىن ءۇمىت ەتەمىن.

  «كۇن شۋاعىنا شومىلعان ماكىت» ءبيى تيانجين جاستار دوستىق ەلشىسى كوركەمونەر ۇيىرمەسىنىڭ ورىنباسار باستىعى چىڭ يۋەگە تەرەڭ اسەر قالدىردى، ”قويىلىمدا، كورەرمەندەر داپ ىرعاعىمەن بىرگە ريتىمدى شاپالاق سوعىپ، ءبيدىڭ قاتىناسۋشىسىنداي بولىپ كەتتى، كورگەن جانعا شاتتىق سيلادى، قويىلىم مەنىڭ شينجياڭداعى ءار ۇلت حالقىنىڭ تۇرمىسىندا تۋىلعان كۇن سايىن جاڭارعان وزگەرىستەرىن، ولاردىڭ تۇرمىسىنىڭ كوڭىلدى دە باقىتتى ەكەندىگىن سەزىنۋىمە مۇمكىندىك جاسادى“.

  تيانجين بيشىلەر قوعامىنىڭ ورىنباسار ءتوراعاسى شى حۇي قويىلىم ارقىلى شينجياڭنان جەتكەن ىستىق ىقىلاستى سەزىندى، ”ساۋىق كەش ءداستۇر مەن وسى زاماندى شەبەرلىكپەن توعىستىردى، دۇنيە جۇزىنە جۇڭگو شينجياڭىنىڭ حيكاياسىن بايانداۋ جونىنەن العاندا، وتە جاقسى دانەكەر بولىپ تابىلادى. شينجياڭنىڭ مادەنيەت - كوركەمونەر قىزمەتكەرلەرى تۋراشىلدىقتاي اينىماي، جاڭالىق اشىپ، كورەرمەندەرگە زاماناۋي شينجياڭ وبرازىن ايگىلەدى“.

  4 - ايدىڭ 19 - كۇنىنەن 25 - كۇنىنە دەيىن «جەلەگىڭدى اش − شينجياڭ جاقسى جەر» اتتى كولەمدى مۋزيكا، ءبي، ولەڭ، سۋرەت قويىلىمىن بۇكىل ەلدە ارالاپ قويۋ بەيجيڭگە، تيانجينگە جەتىپ، ءار جولى زالدىڭ ءىشى كورەرمەنگە لىق تولىپ، ۇزدىكسىز كورەرمەندەردىڭ جاقسى باعاسىن الىپ كەلدى. ەندىگى جەردە، وسى ويىن نومىرلەرى تاعى حاڭجوۋ، گۋاڭجوۋ جانە شىنجىندا قويىلادى.
جاۋاپتى رەداكتورى : نۇرعيسا قۇرمانجان ۇلى