شينجياڭنىڭ ءان - ءبيى حايحى وزەنى بويىنداعى جۇرتشىلىقتى تامساندىردى
2023.04.28 15:35 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ياۋ گاڭ 4 - ايدىڭ 25 - كۇنى تيانجيننەن حابارلايدى. 4 - ايدىڭ 24 -، 25 - كۇنى 2 كۇندە تيانجين ۇلكەن تەاترحاناسىنىڭ وپەرا زالىندا بوس ورىن قالمادى. «جەلەگىڭدى اش − شينجياڭ جاقسى جەر» اتتى كولەمدى مۋزيكا، ءبي، ولەڭ، سۋرەت قويىلىمى وسى ارادا 2 رەت قويىلىپ، كورەرمەندەرگە جاڭا داۋىردە تيانشان الابىندا تۋىلعان وراسان زور وزگەرىستەردى ءان، ءبي، مۋزيكا ارقىلى ايگىلەپ، شينجياڭنىڭ تاۋلارىنىڭ كورىكتى، سۋلارىنىڭ تۇنىق، ادامدارىنىڭ ءتىپتى دە كەلىستى ەكەندىگىن باياندادى.
”قويىلىم كوڭىل جەلپىنتەرلىك ەكەن، اسقاق جىگەرمەن ورگە ۇمتىلۋ تەبىنى بار، تۇتاس ساۋىق كەش بىزگە جالىندى كۇشكە تولى، ەكپىندەي ىلگەرىلەگەن شينجياڭدى كورسەتتى. قويىلىم وتە تارتىمدى بولدى، ’ەڭ كورىكتىسى تاعى دا ءبىزدىڭ شينجياڭ‘ دەگەن ءسوز بەكەر ايتىلماعان ەكەن“. كورەرمەن شي جۋاننىڭ ايتۋىنشا، بەيجيڭدە قىزمەت ىستەيتىن ۇلى وسىنىڭ الدىندا وسى قويىلىمدى كورىپ، وعان ايرىقشا تانىستىرعان ەكەن.
شينجياڭدا دۇنيەگە كەلگەن جاڭ ليڭ قازىر كۇيەۋىمەن، بالاسىمەن بىرگە تيانجيندە قىزمەت ىستەپ، تۇرمىس كەشىرەدى. 4 - ايدىڭ 25 - كۇنى ول 2 قىزىنا ارنايى شينجياڭ فاكتورىنا يە كۇرمە، باسىنا كىشكەنە تاقيا كيگىزدى، ۇيلەرىندەگى 4 جان كوڭىلدى بەينەمەن قويىلىمدى كوردى. ”قويىلىم ماعان وتە شىنايى سەزىلدى، بۇل ماعان تانىس مەكەن. اسقاقتاعان ءان اۋەنى، سىمباتتى ءبي، اسەرلى مۋزيكا ءبارى دە ەرەكشە تارتىمدى بولدى ءارى سونشاما تانىس سەزىلدى“، - دەدى جاڭ ليڭ.
«ءجۇزىم ءۇزۋ» اتتى بارابان بيىندە داپشى ەرەن ورىنداۋ شەبەرلىگىمەن ءالسىن - ءالسىن شاپالاق ۇنىنە بولەندى، كورەرمەندەر داپ ىرعاعىمەن بىرگە ريتىممەن شاپالاق سوقتى. ءبي ارتيسى ريتىمدى ارەكەتتەرىمەن جانە سان الۋان ميميكاسىمەن باس كەيىپكەردىڭ ءتاتتى ءجۇزىم ۇزگەن جانە قىشقىل ءجۇزىم ۇزگەن كەزدەگى تۇرلىشە كوڭىل كۇي سەزىمىن بەينەلەپ، ءدال وزىندەي كورسەتۋ ارقىلى ەرىكسىز كۇلدىردى، شاپالاق ءۇنى شاتىرلاپ، الاقايلاعان ۇندەر كوتەرىلدى. ”«ءجۇزىم ءۇزۋ» شينجياڭنىڭ كلاسسيكالىق ءبيى، بۇگىنگى قويىلىم كورگەن جانعا شىت جاڭا اسەر سيلادى. ادەبيەت - كوركەمونەر قىزمەتكەرلەرىنىڭ جاسامپازدىعى بۇل ءبيدى وسى زامانعى ادامداردىڭ ءلاززاتتانۋ داعدىسىنا اناعۇرلىم بەيىمدەپتى“، - دەدى 65 جاستاعى كورەرمەن جاۋ حاي تەرەڭ سەزىممەن.
ەمدەۋ قىزمەتكەرى چي شياۋجۋاننىڭ ءبىر جارىم جىل شينجياڭعا كومەكتەسۋ قىزمەت كەشىرمەسى بار، ”قويىلىمدى كورگەندە، شينجياڭعا قايتىپ بارعانداي بولدىم، ماعان تانىس ءان، ءبي، مۋزيكالار دا، بەيتانىس كورىنىستەر دە بار ەكەن. شينجياڭ جاقسى جەر، مەن، ءسوزسىز، ورايىن تاۋىپ تاعى بارىپ، ونداعى جاڭا وزگەرىستەردى كورىپ قايتامىن“، - دەدى ول.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
