بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شينجياڭ اۋماق بەلگىلەۋ قاتارلى تاسىلدەرمەن جايما اشىپ تيجارات جۇرگىزەتىن ورىنداردى كەڭەيتۋگە قولداۋ كورسەتەدى

2023.05.05 15:44     كەلۋ قاينارى : حالىق تورابى

  انار بۇلت \ شينجياڭ گازەتى حابارلايدى. جۋىردا شينجياڭ ۇيعۇر اۆتونوميالى رايوندىق دامۋ جانە رەفورما كوميتەتىنىڭ تورابى «2023 – جىلى اۆتونوميالى رايوننىڭ تۇتىنۋدى قالپىنا كەلتىرۋ، كەڭەيتۋ قىزمەتى جونىندەگى اتقارىلاتىن جوبانى» جاريالادى، مۇندا باجىنى ازايتىپ، اقىنى تومەندەتۋ ارقىلى تيجارات نەگىزگى تۇلعالارىن مەيىرگە بولەۋ، كاسىپورىندارعا كومەكتەسىپ، قيىنشىلىقتان ارىلتىپ، بازاردىڭ ومىرشەڭدىك قۋاتىن ارتتىرۋ، اۆتوموبيلگە قاتىستى تۇتىنۋدىڭ قالپىنا كەلۋىن جەدەلدەتۋ، جاڭا ەنەرگيالى اۆتوموبيلدى ورنالاستىرۋدى جەدەلدەتۋ، زاريادتاۋ نەگىزدىك قۇرىلعىلارى قۇرىلىسىن تولىقتىرۋ قاتارلى 20 نەشە تارماق قامتىلعان.

  «جوبادا» مىنالار ورتاعا قويىلعان: تۇتىنۋدىڭ جاڭا ءورىسىن جاراتۋ قاجەت. وڭىرلىك تۇتىنۋ ورتالىعىن قۇرىپ، ساۋدا اۋماعى، ساۋدالىق ۋنيۆەرسال تۇلعا، مادەنيەت، ساياحات، كورىنىس رايونى قاتارلىلاردى ىسكە قوسۋ ارقىلى، جايما اشاتىن، اۆتوموبيلدىڭ ارتقى ساندىعىن دۇكەن رەتىندە پايدالاناتىن بازار ورىندارىنان ءبىر توبىن قۇرۋ كەرەك. ايماق، وبلىس، قالالاردىڭ ابزال بايلىق قاينارىنا سۇيەنە وتىرىپ، تاۋارلاردى وتىمدىلەندىرۋ، بەيزاتتىق مادەني مۇرالاردى كورسەتۋ، ءدامدى تاعامدار مەرەكەسى، مادەنيەتكە قاتىستى جاسالعان بۇيىمداردى كورمەگە قويۋ جانە ساۋدالاۋ، ۇلتتىق سالت – سانانى سەزىنۋ قاتارلى تاقىرىپتاردا وتىمدىلەندىرۋ قيمىلدارىن جوسپارلاپ ورىستەتۋ قاجەت. قالالاردا ون بەس مينۋتتا بارا الاتىن تۇرمىستىق قاجەتتى بۇيىمدار اۋماعى بولۋىن تۇيىندە سىناق ەتەتىن قالالاردى ۇزدىكسىز قۇرۋ قاجەت. قولايلى دۇكەندى تىزبەكتەندىرىپ، ماركالاندىرىپ دامىتۋدى ىلگەرىلەتىپ، تىزبەكتى ايگىلى ماركالى كاسىپورىنداردى ايماق، وبلىس، قالالارعا قاراي ورىن تەبۋگە شابىتتاندىرۋ كەرەك. ايماق، وبلىس، قالالاردى ەل ىشىندەگى ايگىلى ماركالى العاشقى دۇكەندەردى، جەتەكشى دۇكەندەردى، سىناپ كورۋ دۇكەندەرىن ەنگىزۋگە شابىتتاندىرۋ قاجەت. تىنىعۋ - ەمدەلۋگە ارنالعان ساياحاتتا ۇلگى كورسەتۋ بازالارىنان ءبىر توبىن سارالاپ بەلگىلەپ، تىنىعۋ - ەمدەلۋ كاسىپ سالاسىن شوعىرلى دامىتاتىن رايونداردى قالىپتاستىرۋ قاجەت. وڭىرلەردى بەلگىلەۋ قاتارلى تاسىلدەر ارقىلى سىرتقا جايما جاياتىن تيجارات ورىندارىن كەڭەيتۋگە قولداۋ كورسەتىپ، قالاداعى قاتىناس، حاۋىپسىزدىك قاتارلىلارعا ىقپال جاساماۋ شارتىندا، تيجارات نەگىزگى تۇلعالارىنىڭ تيجارات ورىندارىن ۇيلەسىمدى كەڭەيتۋىنە، تيجارات ەتۋ ۋاقىتىن ۇيلەسىمدى ۇزاتۋىنا رۇقسات بەرۋ، قىزمەت وتەۋ اقىسى مەن باسقارۋ اقىسىن الماۋ كەرەك.

  كەلۋ قاينارى: حالىق تورابى

  
جاۋاپتى رەداكتورى : نۇرعيسا قۇرمانجان ۇلى