شينجياڭ تۇرعىن ءۇي الەۋمەتتىك جيناق قورىنان جەكەلىك تۇرعىن ءۇي الۋشىلارعا قارىز بەرۋ مولشەرىن ۇيلەسىمدى جوعارىلاتادى
2023.05.05 15:41 كەلۋ قاينارى : حالىق تورابى
انار بۇلت \ شينجياڭ گازەتى حابارلايدى. جۋىردا شينجياڭ ۇيعۇر اۆتونوميالى رايوندىق دامۋ جانە رەفورما كوميتەتىنىڭ تورابى «2023 – جىلى اۆتونوميالى رايوننىڭ تۇتىنۋدى قالپىنا كەلتىرۋ، كەڭەيتۋ قىزمەتى جونىندەگى اتقارىلاتىن جوبانى» جاريالادى، مۇندا باجىنى ازايتىپ، اقىنى تومەندەتۋ ارقىلى تيجارات نەگىزگى تۇلعالارىن مەيىرگە بولەۋ، كاسىپورىندارعا كومەكتەسىپ، قيىنشىلىقتان ارىلتىپ، بازاردىڭ ومىرشەڭدىك قۋاتىن ارتتىرۋ، اۆتوموبيلگە قاتىستى تۇتىنۋدىڭ قالپىنا كەلۋىن جەدەلدەتۋ، جاڭا ەنەرگيالى اۆتوموبيلدى ورنالاستىرۋدى جەدەلدەتۋ، زاريادتاۋ نەگىزدىك قۇرىلعىلارى قۇرىلىسىن تولىقتىرۋ قاتارلى 20 نەشە تارماق قامتىلعان.
«جوبادا» مىنالار ورتاعا قويىلعان: تۇرعىن ءۇي، قونىستانۋ شارت – جاعدايىن جاقسارتۋ كەرەك. 2023 – جىلى قامتاماسىزداندىرۋ سيپاتىنداعى مايعا بەرىلەتىن تۇرعىن ۇيدەن 41 مىڭ ءۇي، الەۋمەتتىك مايعا بەرىلەتىن ۇيدەن 13 مىڭ 400 ءۇي سالۋعا، قالا – قالاشىقتاعى ەسكىرگەن شاعىن اۋماقتارداعى 219 مىڭ 100 وتباسىنىڭ ءۇيىن وزگەرتىپ سالۋعا، قالا – قالاشىقتاعى لاشىقتى رايوندا 49 مىڭ 600 ءۇيدى وزگەرتىپ سالۋعا قولداۋ كورسەتۋ، تۇرعىنداردىڭ قونىستانۋ شارت – جاعدايىن جاقسارتۋ كەرەك. ساۋدالىق بانكەلەردىڭ ساتىلىمعا الدىن الا دايىندالعان، باقىلاۋعا الىناتىن قاراجاتتى كەپىلدىك حاتقا ساي ورنالاستىرۋى ساياساتىن تياناقتاندىرىپ، قورا – جاي سالاسىنداعى كاسىپورىنداردىڭ قارجى ەنگىزۋ وزىندىك قۇنىن تومەندەتۋ كەرەك. ايماق، وبلىس، قالالاردىڭ توقتام باجىسىنا ساياتىن قوسىمشا قاراجات بەرۋ، جوندەۋ قاراجاتىنا ساياتىن قوسىمشا قاراجات بەرۋ، ءۇي ساتىپ العاندارعا تىكەلەي قوسىمشا قاراجات بەرۋ، قورا – جاي ساۋدا جارمەڭكەسىن اشۋ قاتارلى شارالاردى قولدانىپ، تۇرعىن ۇيگە قاتىستى تۇتىنۋدى ىلگەرىلەتۋىنە قولداۋ كورسەتۋ كەرەك. فينانس قۇرىلىمدارىنىڭ، كاسىپورىنداردىڭ بازارلاندىرۋ فورماسى ارقىلى تۇرعىن ءۇيدى ساتىپ الىپ، ونى مايعا بەرۋ ماقساتىندا پايدالانۋىنا قولداۋ كورسەتۋ كەرەك. تۇرعىن ءۇي جيناق قورىنان جەكەلەردىڭ ءۇي ساتىپ الۋىنا بەرىلەتىن قارىزدىڭ مولشەرىن ۇيلەسىمدى جوعارىلاتىپ، قارىز اقشانىڭ مولشەرى مەن جەكەلىك تىركەلگىدەگى قالعان اقشانىڭ ەسەلىك سان قاتىناسىن جاقسارتۋ كەرەك. تۇرعىن ءۇي الەۋمەتتىك جيناق قورىنان قارىز بەرۋ ساياساتىن بىرلىككە كەلتىرىپ، سىرت جەردە قارىز العان جۇمىسشى – قىزمەتكەرلەر سول جەردە قارىز العان جۇمىسشى – قىزمەتكەرلەرمەن بىردەي ۇقىق – مۇددەدەن يگىلىكتەنۋى ءارى بۇكىل رايون كولەمىندە تۇرعىن ءۇي الەۋمەتتىك جيناق قورىنان سىرت جەردە جەكەلىك تۇرعىن ءۇي الۋشىلارعا بەرىلەتىن قاراجاتتى ”اي سايىن دولايلاستىرۋ“ قىزمەتىن جاپپاي اتقارۋ كەرەك. قىزمەت ءتارتىبىن اناعۇرلىم جاقسارتىپ، تۇرعىن ءۇي الەۋمەتتىك جيناق قورىنان جەكەلىك تۇرعىن ءۇي ساتىپ الۋ ءۇشىن قارىز الۋعا بەرىلگەن ءوتىنىشتى بەكىتۋ ۋاقىت شەگىن 5 قىزمەت كۇنىنە قىسقارتۋ قاجەت. پارىقتاندىرىلعان تۇرعىن ۇيلىك سەنىمدى قارىز ساياساتى مەن تۇرعىنداردىڭ جەكەلىك تۇرعىن ءۇي ساتىپ الۋىنا بايلانىستى تابىس باجىسىن تاپسىرۋىنا قاتىستى ساياساتتى ويداعىداي ۇگىتتەۋ جانە تياناقتاندىرۋ، ”كونە ءۇيدى جاڭا ۇيگە اۋىستىرۋ“، ”شاعىن ءۇيدى ۇلكەن ۇيگە اۋىستىرۋ“ قاتارلى جاقسارتۋ سيپاتىنداعى تۇرعىن ءۇي قاجەتىنە قولداۋ ءبىلدىرۋ تەبىنىن ارتتىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
