ءبىر سەرىكتەستىك بەلگىلەنگەن مازمۇندى دوستىق شەڭبەرگە جولداماعان قىزمەتكەرگە 10 مىڭ يۋان اقشالاي ايىپ سالعان ءارى ول قىزمەتكەردى قىزمەتتەن بوساتقان
سوت مەكەمەسى ۇكىم جاريالادى
2023.05.08 16:37 كەلۋ قاينارى : حالىق تورابى
جۋىردا، چۇڭچيڭ قالالىق جوعارى دارەجەلى حالىق سوتى سەرىكتەستىكتىڭ جارناماسىن دوستار شەڭبەرىنە جولداماعان قىزمەتكەرگە 10 مىڭ يۋان اقشالاي ايىپ سالۋ ءارى ونى قىزمەتتەن بوساتۋى تۋرالى دەلونى قوعامعا جاريالادى، بۇل جۇرت نازارىن اۋداردى.
سوت مەكەمەسى مىناداي ۇكىم شىعاردى: دوستار شەڭبەرىنە قانداي مازمۇندى جولداۋدى جەكەلەر دەربەس بەلگىلەۋى كەرەك، بۇل ىسكە قاتىستى ورىن زياندى تولەپ بەرۋى كەرەك.
بەلگىلەنگەن مازمۇندى دوستار شەڭبەرىنە جولداماعان قىزمەتكەردى قىزمەتتەن بوساتقان
چۇڭچيڭ قالالىق ورتا دارەجەلى 3 – حالىق سوتىنىڭ حابارلاۋىنشا، چىن X ەسىمدى قىزمەتكەر 2013 – جىلى 11 – ايدىڭ 16 – كۇنى بەلگىلى تۋىت ەمحاناسىنا بارىپ، شوفەرلىك قىزمەتكە قابىلدانعان. ەكى جاق ەڭبەك توقتامىنا قول قويعان.
2017 – جىلى 6 – ايدا، اتالعان تۋىت ەمحاناسى ەمحاناداعى قىزمەتكەرلەردىڭ دوستار شەڭبەرىندە ۇگىتتەۋ قيمىلىن ورىستەتىپ، بارلىق قىزمەتكەرلەر ۇگىتتەيتىن مازمۇندى كۇن سايىن دوستار شەڭبەرىنە شىعارۋى كەرەك دەپ تالاپ ەتكەن ءارى جوتكەۋ مولشەرىنە قاراي قىزمەتتى باعالاعان، ولشەمگە تولماعانداردىڭ ەڭبەكاقىسىنان 200 يۋان تارتىپ قالعان.
2017 – جىلى 7 – ايدان 2021 – جىلى 8 – ايعا دەيىن، چىن X بۇل مازمۇنداردى تالاپقا ساي جوتكەمەگەندىكتەن، ەمحانا چىن X تىڭ ەڭبەكاقىسىنان جيىنى 10000 يۋان اقشانى تارتىپ قالعان.
2021 – جىىل 8 – ايدىڭ 20 – كۇنى، تۋىت ەمحاناسى چىن X كە ەڭبەك توقتامىن توقتاتۋ ۇقتىرۋىن جولداپ، چىن X دوستار شەڭبەرىندە بەلگىلەنگەن مازمۇندى جولدامادى، سەرىكتەستىكتىڭ قۇجاتىنداعى بەلگىلەمەگە بويسۇنبادى، بەلگىلەنگەن قىزمەت مىندەتىن ورىندامادى دەگەن سەبەپپەن ەڭبەك توقتامىن توقتاتپاق بولعان.
وسىدان سوڭ چىن X تورەلىك ايتۋعا ءوتىنىش بەرىپ، تۋىت ەمحاناسى تارتىپ قالعان ەڭبەكاقىنى، ۇستەمە قىزمەت اقىسىن، ەڭبەك توقتامىن زاڭعا قايشى توقتاتۋعا ساياتىن تولەمدى بەرۋى كەرەك دەپ تالاپ ەتكەن. ەڭبەككە قاتىستى تورەلىك ايتۋ كوميتەتى تەكسەرگەن سوڭ، تۋىت ەمحاناسى چىن X پەن بولعان ەڭبەك توقتامىن زاڭعا قايشى توقتاتۋعا ساياتىن تولەم اقىنى جانە تارتىپ قالعان ەڭبەكاقىنى تولەۋى كەرەك دەپ كەسىم شىعارعان. ەكى جاق تا تورەلىك ايتۋ كوميتەتىنىڭ كەسىمىنە مويىنسال بولماي، سوت مەكەمەسىنە ارىزدانعان.
سوت مەكەمەسى: قىزمەتكەر ىستەتۋشى ورىن قىزمەتكەردىڭ دوستار شەڭبەرىنە زاڭسىز كيلىكپەۋى كەرەك
سوت مەكەمەسى ءبىرىنشى رەتكى سوتتا تەرگەۋ جۇرگىزگەن سوڭ، اتالعان تۋىت ەمحاناسى چىن X تىڭ 10000 يۋان ەڭبەكاقىسىن تولىقتاپ تاراتۋى ءارى ەڭبەك توقتامىن زاڭعا قايشى توقتاتۋعا بايلانىستى 50809.6 يۋان تولەم بەرۋى كەرەك دەپ ۇكىم شىعارعان. تۋىت ەمحاناسى بۇل ۇكىمگە مويىنسال بولماي، جوعارىلاپ ارىزدانعان.
چۇڭچيڭ قالالىق ورتا دارەجەلى 3 – حالىق سوتى تەرگەۋ جۇرگىزگەن سوڭ بىلاي دەپ قاراعان: تۋىت ەمحاناسى بەلگىلەگەن ۋيچاتتاعى جالعانىم ارقىلى ۇگىتتەۋ قيمىلى ەڭبەكشىنىڭ ەڭبەكاقىسى مەن دوستار شەڭبەرىنە قاتىستى جەكەلىك تۇرمىسىنا ساياتىندىقتان، ەڭبەكشىنىڭ قاتىستى مۇددەسىنە ساياتىن ءتۇزىم سانالادى، جۇمىسشى – قىزمەتكەرلەردىڭ ۋاكىلدەر قۇرىلتايىندا تالقىلاپ ماقۇلداۋدان وتكىزۋ كەرەك. ەمحانانىڭ قىزمەتكەردىڭ ەڭبەكاقىسىن تارتىپ قالۋى ءارى وسى سەبەپپەن ەڭبەك توقتامىن توقتاتۋى زاڭسىز. جوعارىلاپ ارىزدانۋعا تويتارىس بەرىپ، اسىلگى ۇكىمدى ساقتاپ قالۋ كەرەك.
سوت مەكەمەسى مىنانى ەسكەرتەدى: ەڭبەكشى دوستار شەڭبەرىنە قانداي مازمۇن جولداۋ جاعىندا دەربەس شەشىم جاساۋ ۇقىعىنا يە. ادام ىستەتۋشى ورىن جالپى مەن جەكەنىڭ شەت – شەكاراسىن شاتىستىرماۋى ءارى ەرەجە – ءتۇزىم ارقىلى قىزمەتكەرلەردەن ”جالپىعا ساياتىن ءىستى جەكە ىسكە ارالاستىرۋدى“ تالاپ ەتپەۋى كەرەك، بۇل قىزمەتكەرلەردىڭ جەكەلىك ەركىندىگىنە زورلىقپەن كيلىگۋگە جاتاتىنى داۋسىز. (جۇڭگو جاستارى گازەتىنىڭ ءتىلشسى چىن چينشان چۇڭچيڭ جوعارى دارەجەلى حالىق سوتى مەكەمەسىنىڭ، چۇڭچيڭ ورتا دارەجەلى 3 – حالىق سوتى مەكەمەسىنىڭ، جۇمىسشىلار گازەتىنىڭ حابارىنان جيناقتاعان)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
