”1 - مامىر“ دەمالىسىندا بۇكىل شينجياڭنىڭ تۇتىنۋ كومەسكى قۋاتىنىڭ جارىققا شىعۋى كورنەكتى بولدى
تۇتىنۋ سالاسىنىڭ ساتىلىم كىرىسى سايكەس مەزگىلدەگىدەن 40 پايىزدان استام ارتتى
2023.05.08 17:31 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ميھىرگۇل ناسىر 5 - ايدىڭ 6 - كۇنى ۇرىمجىدەن حابارلايدى. مەملەكەتتىك سالىق ىستەرى باس مەكەمەسى شينجياڭ ۇيعۇر اۆتونوميالى رايوندىق سالىق ىستەرى مەكەمەسىنەن ۇعىسۋعا قاراعاندا، ”1 - مامىر“ دەمالىسىندا بۇكىل شينجياڭنىڭ تۇتىنۋعا قاتىستى سالالارىنىڭ ساتىلىم كىرىسى سايكەس مەزگىلدەگىدەن ％49. 43 ارتقان. مۇنىڭ ىشىندە قىزمەت وتەۋ تۇرىندەگى تۇتىنۋ جانە تاۋار تۇتىنۋى جەكە - جەكە ％66. 25، ％54. 46 ارتقان.
ارتقان قۇن سالىعى تالونى ساندى مالىمەتىندە كورسەتىلۋىنشە، بۇكىل شينجياڭ تۇرعىندارىنىڭ تۇتىنۋ كومەسكى قۋاتى ءونىمدى جارىققا شىعىپ، شينجياڭ ەكونوميكاسىنىڭ دامۋى ورنىقتىلىق بارىسىندا بەكەمدەلىپ، ورنىقتى بولۋدان جاقسارۋعا قاراي بەت الۋى ايقىندالا تۇسكەن.
ساياحاتتىق تۇتىنۋ بازارىنىڭ دۋماندى بولۋىمەن قونالقى، اس - سۋ تۇتىنۋى بويىنشا قىزمەت وتەۋ تۇتىنۋى دا جىلدام ارتقان. ”1 - مامىر“ دەمالىسىندا تۇرعىنداردىڭ تۇتىنۋى مەن ءجۇرىس - تۇرىس قالاۋىنىڭ ارتۋىنا ساي، ساياحات بازارىندا قاۋىرت ارتۋ جارىققا شىعىپ، بۇكىل شينجياڭداعى ساياحات كووپەراتيۆتەرىنىڭ جانە قاتىستى قىزمەت وتەۋ، ساياحات قوناق ۇيلەرىنىڭ ساتىلىم كىرىسى جەكە - جەكە سايكەس مەزگىلدەگىدەن ％48. 92، ％93. 100 ارتقان.
دۋماندى ساياحاتتىق تۇتىنۋ بازارىنىڭ جەتەكشىلىگىندە بۇكىل شينجياڭداعى قونالقى، اس - سۋ كاسىبىنىڭ دەڭگەيى ورنىقتى جوعارىلاپ، ارزان باعالى جەلىلەس قوناق ءۇي، حالىقتىق تۇسەلحانا قىزمەت وتەۋى، باسقا دا قونالقى كاسىبىنىڭ ساتىلىم كىرىسى جەكە - جەكە سايكەس مەزگىلدەگىدەن ％24. 131، ％84. 37، ％58. 65 ارتقان؛ جەڭىل تاعام قىزمەت وتەۋى، باسقا اس - سۋ كاسىبىنىڭ ساتىلىم كىرىسى جەكە - جەكە سايكەس مەزگىلدەگىدەن ％01. 33، ％02. 20 ارتقان.
تۇرعىنداردىڭ تۇتىنۋ ىنتاسى بارىنشا قاۋلاپ، تاۋار تۇتىنۋى زور كولەمدە ارتقان. ”1 - مامىر“ دەمالىسىندا ساۋداگەرلەر تۇتىنۋ بەلەتىن تاراتۋ، جاڭا بۇيىمداردى ارزانداتۋ سياقتى ساتىپ الۋعا تيىمدىلىك جاساۋ تاسىلدەرى ارقىلى تۇتىنۋشىلاردىڭ ءار ءتۇرلى تۇتىنۋ قاجەتىن قاناعاتتاندىردى. ارتقان قۇن سالىعى بەلەتى ساندى مالىمەتتەرىندە كورسەتىلۋىنشە، تاۋار تۇتىنۋىنىڭ ساتىلىم كىرىسى سايكەس مەزگىلدەن ％54. 46 ارتقان.
دەمالىس فاكتورىنىڭ تۇتىنۋدى سەرپىلتۋگە جاساعان بەلسەندى جەبەۋ رولىنىڭ ارقاسىندا تۇرعىنداردىڭ كوپ ساتىلاتىن، شىدامدى تاۋارلاردى تۇتىنۋى زور كولەمدە ارتقان. مۇنىڭ ىشىندە ءۇي ەلەكتر جابدىقتارىنىڭ جانە ەلەكتروندى ونىمدەردىڭ ارناۋلى بولشەك ساتۋ ساتىلىم كىرىسى سايكەس مەزگىلدەن ％53. 54 ارتقان، القا - مونشاق، اشەكەي بۇيىمدارىنىڭ بولشەك ساتۋ ساتىلىم كىرىسى سايكەس مەزگىلدەن ％18. 218 ارتقان، اۆتوكولىك جاڭا كولىكتەردىڭ بولشەك ساتىلۋى سايكەس مەزگىلدەگىدەن ％62. 103 ارتقان.
ىندەتتەن كەيىنگى مەزگىلدەگى جالپى حالىقتىق دەنە شىنىقتىرۋ ۇستانىمىنىڭ جۇرت جۇرەگىنە تەرەڭ ۇيالاۋىنا ىلەسە جانە اۆتونوميالى رايوندىق 14 - كەزەكتى سپورت جارىسى وتكىزىلۋ قارساڭىندا، ”دەنە شىنىقتىرۋ ارقىلى مەرەكە تويلاۋ“ جاڭا سالتقا اينالىپ، مادەنيەت، دەنە تاربيە، كوڭىل اشۋ تۇتىنۋىن ورنىقتى ارتۋعا جەتەكتەدى. ”1 - مامىر“ دەمالىسىندا بۇكىل شينجياڭنىڭ مادەنيەت، دەنە تاربيە جانە كوڭىل اشۋ كاسىبىنىڭ ساتىلىم كىرىسى سايكەس مەزگىلدەن ％74. 15 ارتقان. مۇنىڭ ىشىندە دەنە شىنىقتىرۋ، تىنىعۋ قيمىلدارىنىڭ ساتىلىم كىرىسى سايكەس مەزگىلدەن ％26. 471 ارتىپ، بۇكىل شينجياڭنىڭ مادەنيەت، دەنە تاربيە جانە كوڭىل اشۋ كاسىبىن 73. 14 پايىز ارتۋعا جەتەكتەگەن؛ بولمە ءىشى كوڭىل اشۋ قيمىلدارىنىڭ، كينوحانادا كينو كورۋ قيمىلدارىنىڭ ساتىلىم كىرىسى جەكە - جەكە سايكەس مەزگىلدەن ％37. 16، ％06. 15 ارتقان.
”1 - مامىر“ دەمالىسىندا بۇكىل شينجياڭنىڭ جەر - جەرى جابال ورايدان پايدالانىپ، مەرەكە ارقىلى ساۋدانى گۇلدەندىرىپ، جەرگىلىكتى دارالىق، ۇلتتىق ەرەكشەلىك، سالت - سانا مادەنيەتى مەرەكەلىك قۇتتىقتاۋ قيمىلدارىنىڭ تۇتىنۋ كومەسكى كۇشىن جەرگىلىكتى جاعدايعا قاراي اشىپ، ”ءدامدى تاعام + مادەنيەت“ سىندى دەمالىس كۇنگى تۇتىنۋ ماركاسىن تۇلعالادى. ءۇرىمجى قالاسى تيانشان رايونى ”1 - مامىر“ دەمالىسىندا ۇلكەن بازار ءدامدى تاعامدار كوشەسىندە وتكىزىلگەن ”2023 - جىلعى شينجياڭنىڭ تۇڭعىش كەزەكتى قاقتامالار فەستيۆالىن“ مىسال ەتسەك، 5 كۇنگە جالعاسقان قاقتامالار فەستيۆالى شينجياڭنىڭ جەر - جەرىنىڭ ءدامدى تاعامدارىن شوعىرلاندىرىپ، شينجياڭنىڭ ءىشى - سىرتىنداعى ساياحاتشىلاردى باۋراپ، تيانشان رايونىنىڭ ارزان باعالى جەلىلەس قوناق ۇيلەرىنىڭ ساتىلىم كىرىسىن سايكەس مەزگىلدەن ％35. 94 ارتتىردى، جەڭىل تاعامدار بويىنشا قىزمەت وتەۋدىڭ ساتىلىم كىرىسىن سايكەس مەزگىلدەن ％67. 66 ارتتىردى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
