شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتى زاڭ اتقارۋدى تەكسەرۋ اڭگىمە ءماجىلىسىن اشتى
جوعارى ساپالى دامۋعا جوعارى ساپالى زاڭمەن باسقارۋ ارقىلى قورعان بولۋ كەرەك
2023.05.08 17:30 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ تىلشىلەرى جاڭ يۇنمەي، ميھىرگۇل عوپۇر 5 - ايدىڭ 6 - كۇنى ۇرىمجىدەن حابارلايدى. 5 - ايدىڭ 6 - كۇنى اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل جانە ونىڭ سەرىكتەرى شينجياڭ جۇڭتاي (توبى) شەكتى جاۋاپكەرشىلىك سەرىكتەستىگىنە، شينجياڭ حالىقارالىق قۇرلىقتىق پورت (توبى) شەكتى جاۋاپكەرشىلىك سەرىكتەستىگىنە، جولاڭ شينجياڭ زەردەلى مەحانيكا شەكتى سەرىكتەستىگىنە بارىپ تەكسەرۋ - زەرتتەۋ جۇرگىزىپ، شارۋاشىلىق - ساۋدا ورتاسىن ساپالىلاندىرۋ ەرەجەسىنىڭ، اۆتونوميالى رايوننىڭ اكىمشىلىك قىزمەت وتەۋدى قولايلىلاندىرۋدى جەبەۋ ەرەجەسىنىڭ اتقارىلۋ جاعدايىن تەكسەردى ءارى كاسىپورىنشىلار اڭگىمە ءماجىلىسىن اشتى.
كاسىپورىن ۋاكىلدەرىنىڭ شارۋاشىلىق - ساۋدا ورتاسىن ساپالىلاندىرۋ جونىندەگى پىكىر - ۇسىنىستارىن تىڭداعان سوڭ، ءزۇمىرات وبۇل مىنالاردى اتاپ كورسەتتى: زاڭ اتقارۋ تەكسەرۋىن ورىستەتۋ − نەگىزگى تاقىرىپتىق تاربيەنىڭ تالابىن دايەكتىلەندىرۋدىڭ، تياناقتاندىرۋدىڭ ماڭىزدى شاراسى، سونداي - اق اۆتونوميالى رايوندىق پارتكومنىڭ جوعارى ساپالى دامۋدى ىلگەرىلەتۋ جونىندەگى شەشىمدەرى مەن ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ماڭىزدى تۇتقاسى. جوعارى ساپالى دامۋدى ىلگەرىلەتۋدىڭ جاۋاپكەرشىلىك سەزىمىن جانە بورىشتىلىق سەزىمىن ونان ارى كۇشەيتىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، قاتىستى جاقتاردىڭ زاڭدا بەلگىلەنگەن قىزمەت جاۋاپكەرشىلىگىن زاڭ بويىنشا اتقارۋىن، زاڭدا بەلگىلەنگەن جاۋاپكەرشىلىگىن تياناقتاندىرۋىن، زاڭدا بەلگىلەنگەن ۇقىق - مۇدەسىن قورعاۋىن ىلگەرىلەتىپ، رايونىمىزدىڭ جوعارى ساپالى دامۋىنا تاماشا بازار ورتاسىن جانە زاڭمەن باسقارۋ ورتاسىن ازىرلەۋ كەرەك.
ءزۇمىرات وبۇل بىلاي دەپ باسا دارىپتەدى: جوعارى ساپالى دامۋدى ىلگەرىلەتۋدە، ءسوز جوق، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن جاراتىپ، شارۋاشىلىق - ساۋدا ورتاسىن ساپالىلاندىرۋدىڭ زاڭمەن باسقارۋ نەگىزىن بەرىك ورناتۋ كەرەك. ۇكىمەت تاراۋلارى شارۋاشىلىق - ساۋدا ورتاسىن ساپالىلاندىرۋدى بارىنشا كورنەكتى ورىنعا قويىپ، ۇكىمەتتىڭ قىزمەت وتەۋ قۋاتىن اناعۇرلىم جوعارىلاتىپ، ۇكىمەتتىڭ قىزمەت وتەۋىن ولشەمدەندىرۋدى، ارناعا ءتۇسىرۋدى، قولايلىلاندىرۋدى ىلگەرىلەتۋ كەرەك؛ ۇكىمەت فۋنكتسياسىنا اناعۇرلىم بۇرىلىس جاساپ، ەتەنە، كىرشىكسىز، جاڭاشا ۇكىمەت - ساۋداگەرلەر قاتىناسىن بەلسەنە ورناتۋ؛ بازارعا كىرۋ رۇقساتى ۇنامسىز ءتىزىمىن اناعۇرلىم تياناقتاندىرىپ، كاسىپورىنشىلاردىڭ رولىن ساۋلەلەندىرۋىنە تۇساۋ بولىپ وتىرعان، كاسىپورىنداردىڭ دامۋىنا، زورايۋىنا ىقپال كورسەتىپ وتىرعان كەدەرگىلەردى، بوگەتتەردى باتىل الاستاپ، مەملەكەت مەنشىگىندەگى كاسىپورىنداردىڭ باتىلدىقپەن ىستەۋىنە، حالىقتىق كاسىپورىنداردىڭ باتىلدىقپەن اتويلاۋىنا، شەتەل كاسىپورىندارىنىڭ باتىلدىقپەن قارجى قوسۋىنا مۇمكىندىك جاساپ، شينجياڭنىڭ جوعارى ساپالى دامۋىنىڭ تىڭ داستانىن جازۋ كەرەك. اۆتونوميالى رايوندىق حالىق قۇرىلتايى تۇراقتى كوميتەتى شارۋاشىلىق - ساۋدا ورتاسىن ساپالىلاندىرۋداعى كەسىرلى، بوگەتتى تۇيىندەر توڭىرەگىندە ءۇرتىس باقىلاۋدى، ءجىتى قاداعالاۋدى ۇزدىكسىز جۇرگىزىپ، نازاردى شارۋاشىلىق تۇلعالارى نازار اۋدارىپ وتىرعان جانە قيىن ماسەلەلەرگە شوعىرلاندىرىپ، قاتىستى زاڭ ەرەجەلەردى شىعارۋدى جەدەلدەتىپ، جوعارى ساپالى دامۋدى جوعارى ساپالى زاڭمەن باسقارۋمەن قورعاۋ كەرەك.
ءزۇمىرات وبۇل بىلاي دەپ باسا دارىپتەدى: كاسىپورىنشىلار وتاندى ءسۇيۋ، شينجياڭدى ءسۇيۋ سۇيىسپەنشىلىگىن كۇشەيتىپ، باتىلدىقپەن جاڭالىق اشىپ، ناقتى ىستەۋى، زاڭعا، ەرەجەگە ساي تيجارات جۇرگىزۋى، ءۇرىمجى − سانجى − شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونىن، ءۇرىمجى حالىقارالىق قۇرلىقتىق پورت اۋماعى مەن اۋەجاي ماڭى ەكونوميكالىق اۋماعىنىڭ بىرلەسىپ ارەكەتتەنە دامۋى سياقتى وڭىرلىك جاڭالىق اشۋدىڭ بيىگىن تۇلعالاۋعا بەلسەنە ات سالىسىپ، ”8 ءىرى كاسىپ سالاسى شوعىرى“، وڭىرلەردىڭ سايكەسىپ بىرگە ارەكەتتەنۋى، مادەنيەت پەن ساياحاتتى توعىستىرا دامىتۋ سياقتى تۇيىندەر توڭىرەگىندە وندىرىستە جاڭالىق اشۋدى، تەحنيكادا جاڭالىق اشۋدى، بازاردا جاڭالىق اشۋدى ىلگەرىلەتىپ، كاسىپورىندى جاڭالىق اشۋدىڭ قۋاتتى نەگىزگى تۇلعاسى ەتىپ قۇلشىنا قۇرىپ شىعۋ كەرەك.
توحتى ياقۇپ اڭگىمە ءماجىلىستى باسقاردى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
