بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

ءوزىڭ سۇيگەن كاسىپپەن شۇعىلدانعانىڭدا، قانشا شارشاساڭ دا جاپالى سەزىلمەيدى

− مەملەكەتتىك 1 - مامىر ەڭبەك مەدالىنىڭ يەگەرى مىركامىلجان وشىر تۋرالى

□ انار بۇلت \ شينجياڭ گازەتىنىڭ ءتىلشىسى فان چيۇڭيان

2023.05.08 17:32     كەلۋ قاينارى : شينجياڭ گازەتى

  5 - ايدىڭ 5 - كۇنى تاڭعى ساعات 4تە كەڭسە شامى ءوشىرىلدى، جۇڭگو پوچتا توبى شەكتى سەرىكتەستىگى قاشقار ايماقتىق بولىمشە سەرىكتەستىگى تيجارات مەكەمەسى جارباق قابىلداۋ - جونەلتۋ ءبولىمىنىڭ ديرەكتورى مىركامىلجان وشىر: تاۋ توبە بولىپ ءۇيىلىپ قالعان جۇمىستاردى اقىرى ءبىر جاقتى ەتىپ بولدىم، - دەدى جانى جاي تابا.

  4 - ايدىڭ 27 - كۇنى بەيجيڭ حالىق سارايىندا، ساحناعا شىعىپ ”مەملەكەتتىك 1 - مامىر ەڭبەك مەدالىن“ العان سول ءبىر ءساتتى ەسكە العاندا، مىركامىلجان ءالى دە قاتتى تەبىرەنەدى: وسىنشاما ۇلكەن داڭققا يە بولعاندىعىم، راسىندا، كورگەن ءتۇس سياقتى، مەن ءتىپتى دە قۇلشىنامىن.

  جارباق قابىلداۋ - جونەلتۋ بولىمىندە 11 قىزمەتكەر بار، بۇلاردىڭ ىشىندە 8 قابىلداۋ - جونەلتۋ قىزمەتكەرىنىڭ كۇندىك قابىلدايتىن جولداماسى 2000 مولشەرىندە، قابىلداۋ مىندەتى ءبىرشاما اۋىر. مىركامىلجان بەيجيڭدە بولعان بىرنەشە كۇن ءدال ”1 - مامىر“ دەمالىس كەزى، جەدەل جەتكىزۋ كاسىبىنىڭ قاربالاس مەزگىلى بولاتىن، جۇمىستارى جينالىپ قالعاندىقتان، قايتىپ كەلگەننەن كەيىن ءار كۇنى ءتۇن جارىمىنا دەيىن ۇستەمە جۇمىس ىستەدى.

  قىزمەتكە قاتىناسقان 11 جىلدان بەرى مىركامىلجان قابىلداۋ - جونەلتۋشى، جىكتەۋشى، ساتۋشى سياقتى كوپ ءتۇرلى قىزمەتتەردى ىستەدى، قىزمەت ستيلى دۇرىس، قىزمەت ىنتاسى، جاۋاپكەرشىلىگى كۇشتى بولعاندىقتان، قاريدارلاردىڭ قۇرمەتىنە يە بولىپ، 2015 - جىلى قاشقار ايماقتىق پوچتا بولىمشە سەرىكتەستىگى جاعىنان جارباق قابىلداۋ - جونەلتۋ ءبولىمىنىڭ ديرەكتورى بولىپ تاعايىندالادى.

  قىزمەتى ءوسىپ ءبىر جىلعا جەتپەي، مىركامىلجان ءبىر كۇردەلى قيىن ىسكە تاپ بولادى: ءبىر جەتكىزۋشى زات جەتكىزۋ بارىسىندا ءۇش دوڭگەلەكتى موتوتسيكلىن ۇرلاتىپ الادى، موتوتسيكلدە ءالى جەتكىزىلمەگەن 10 نەشە جەدەل جولداما بار ەدى. مىركامىلجان دەرەۋ ساقشى بولىمشەسىنە دەلو مالىمدەيدى، ىلە - شالا ءوزى قاشقار قالا رايونىنىڭ ۇلكەن - كىشى كوشەلەرىن ارالاپ، تۇنگى ساعات 10نان ەرتەسى تاڭەرتەڭگە دەيىن تىنىم تاپپاي ىزدەيدى، اقىرى ءبىر شەتكەرى بۇرىشتان باتەرياسى مەن بولشەكتەرى اجىراتىلعان ءۇش دوڭگەلەكتى موتوتسيكلدى جانە قاريدارلاردىڭ جەدەل جولدامالارىن تاۋىپ الادى.

  كەلەسى كۇنى مەكەمەگە كەلە سالىسىمەن مىركامىلجان تالىپ قالادى، شيپاحاناعا جەتكىزىلگەننەن كەيىن وكپە قابىنۋىنا شالدىققانى انىقتالادى. ”ول كەزدە شولاق جەڭ جەيدە كيىپ العانمىن، تۇندە قار جاۋىپ، سۋىق ءتيىپ قالىپتى“. ول ءوزىنىڭ بالا كەزىنەن باستاپ ەسەيگەندە پوچتاليون بولۋ ارمانى بار ەكەنىن ايتادى. قازىر ءوزى ۇناتاتىن كاسىپپەن شۇعىلدانعاندىقتان، ول ءوزىن وتە باقىتتى سانايدى، قانشا شارشاسا دا جاپالى سەزىنبەيدى.

  قابىلداۋ - جونەلتۋ ءبولىمىنىڭ ديرەكتورى بولعان مىركامىلجاندى كوپشىلىك ەرەكشە باۋىرمال جان دەپ قارايدى. قابىلداۋ - جونەلتۋ بولىمىندە ول بىردە قوراپتاۋشى، بىردە جىكتەۋشى، تيەۋشى - ءتۇسىرۋشى بولادى، قاي جەردە قاربالاس جۇمىس بولسا، ول سول جەردەن تابىلادى.

  2020 - جىلى ىندەت كەزىندە جارباق قابىلداۋ - جونەلتۋ ءبولىمى قاشقار قالاسىنان ياركەن اۋدانىنا، پوسكام اۋدانىنا، ءپايزاۋات اۋدانىنا قورعانۋ زاتتىق ماتەريالدارىن جونەلتۋگە جاۋاپتى بولادى، تاعى اۋات اۋىلدىق ۇكىمەتتەن حوتان ايماعىنا قورعانۋ زاتتىق بۇيىمدارىن جونەلتۋگە جاۋاپتى بولادى، ادام جەتىسپەگەندىكتەن، ول ءوزى جالعىز ءبىر كۇندە ەكى ماشيناعا 13 توننا زات تيەيدى. ول كەزدە مىركامىلجان تەك باسقارۋشى عانا ەمەس، قابىلداۋ - جەتكىزۋشى دە بولادى، ونىڭ قاراۋىنشا، جەدەل جولداما كاسىبىمەن شۇعىلدانۋشىلار جاقسى قىزمەت وتەۋى كەرەك، ”ءبىز بارلىعىمىز ءبىر ۇلكەن وتباسىنىڭ ادامدارىمىز، كوپشىلىك ىنتىماقتاسقاندا عانا، از كۇشپەن كوپ جۇمىس بىتىرۋىنە بولادى“.

  ”شينجياڭدى اشۋ، كوركەيتۋ مەدالى“، ”شينجياڭداعى ەڭ ارداقتى ەڭبەكشى“... مىركامىلجاننىڭ كەڭسەسىندەگى كىتاپ سورەسىنىڭ ءبىر قاباتىندا ءتۇرلى مەدال، كۋالىكتەر قويىلعان. سوڭعى جىلدارى قىزمەتكە دەگەن قىزۋ ىنتامەن، كاسىپتى قادىرلەۋ وسكەلەڭ رۋحىمەن، قاريدارلارعا ىقىلاستى قىزمەت وتەۋىمەن مىركامىلجان كوپتەگەن داڭققا يە بولدى، ول ۇجىمىن باستاپ، تاماشا ناتيجەگە قول جەتكىزدى، سونداي - اق تالاي مارتە اۆتونوميالى رايون، قاشقار ايماعى جاعىنان ”وزات كوللەكتيۆ“ بولىپ باعالاندى.

  وسى رەت ”مەملەكەتتىك 1 - مامىر ەڭبەك مەدالىنا“ يە بولعانىنا مىركامىلجان قاتتى قۋاندى، ول: ءاربىر داڭق جاڭا ءبىر باستاما، مەن ”حالىق پوچتاسى حالىق ءۇشىن“ دەگەن باس ماقساتتى ءتىپتى دە قۇلشىنا امالياتتا ايگىلەپ، بار ىنتا - پەيىلىممەن حالىق ءۇشىن قىزمەت ىستەيمىن، - دەدى.
جاۋاپتى رەداكتورى : نۇرعيسا قۇرمانجان ۇلى