”مەملەكەتتىك“جوعارى، جاڭا تەحنيكالىق كاسىپ سالالارىن اشۋ رايونىنىڭ ”ورگە ۇمتىلىپ، جاڭالىققا تالپىنعاندىعىنا“ نازار
□ انار بۇلت \ شينجياڭ گازەتىنىڭ ءتىلشىسى ءرايدا
2023.05.08 17:29 كەلۋ قاينارى : شينجياڭ گازەتى
5 - ايدىڭ 5 - كۇنى ”جوعارى ساپالى دامۋ جونىندەگى تەكسەرۋ - زەرتتەۋ ساپارى“ اتىنداعى جالپىلىق مەديالار كولەمدى نەگىزگى تاقىرىپتىق تىلشىلىك جاساۋ ۇيىرمەسىندەگىلەر قارامايلى قالاسىنىڭ جايرانبۇلاق رايونىنداعى (قارامايلى جوعارى، جاڭا تەحنيكالىق كاسىپ سالالارىن اشۋ رايونى) تازا ەنەرگيا مەملەكەتتىك تاجىريبەحاناسىنىڭ (ورنالاستىرىلۋدا) ارالىق سىناق بازاسىنا قادام تاستادى. بۇل اراداعى بولەك - بولەك دەربەس بولىككە بولىنگەن زاۆود رايونى ىشىندە پايدالانىلاتىن ورنى تۇرلىشە بولعان ”شاعىن كىشكەنە“ ارالىق سىناق جابدىقتارى كۇن - ءتۇن دەمەي توقتاۋسىز جۇمىس جۇرگىزۋدە ەكەن.
”ارالىق سىناق جۇرگىزۋ ءىرى كولەمدى توبىمەن ءوندىرىس جۇرگىزۋدەن ىلگەرگى شاعىن كولەمدى تاجىريبە جۇرگىزۋگە قاراتىلعان، مول قارجى قوسىلاتىن مۇناي، مۇناي حيميا كاسىپ سالاسى جونىنەن العاندا، ارالىق سىناق ارقىلى بىرتىندەپ كەمەلدەندىرەتىن دالەلدەۋ بارىسى كەم بولسا بولمايدى“. تازا ەنەرگيا مەملەكەتتىك تاجىريبەحاناسى (ورنالاستىرىلۋدا) ارالىق سىناق بازاسىنىڭ ورىنباسار مەڭگەرۋشىسى سۇي جۇن بىلاي دەدى: بۇل ارادا كاسىپورىندار ”توتە كەلىپ جايعاسىپ“، تەك قانا تاجىريبە قوندىرعىلارىن الا كەلىپ، ىرگە تەپسە بولعانى، ارالىق سىناق قىزمەتىن ورىستەتە بەرۋىنە بولادى.
2018 - جىلى قارامايلى قالالىق حالىق ۇكىمەتى جايرانبۇلاق رايوندىق (قارامايلى جوعارى، جاڭا تەحنيكالىق كاسىپ سالالارىن اشۋ رايونى) حالىق ۇكىمەتىمەن بىرگە قارجى شىعارىپ، يەلەگەن جەر اۋدانى 72 مىڭ شارشى مەتر كەلەتىن تازا ەنەرگيا مەملەكەتتىك تاجىريبەحاناسىنىڭ (ورنالاستىرىلۋدا) ارالىق سىناق بازاسىن سالعان بولاتىن، قارامايلى قالالىق وزىق ەنەرگيا تەحنيكاسىنان جاڭالىق اشۋ شەكتى سەرىكتەستىگى جۇمىس اينالىمىنا جاۋاپتى بولادى.
اۋىر مۇناي قويمالجىڭ كۇي ستانوگىندا سۋتەكتەندىرىپ قۇرىلىمدىق ىدىراتۋ بويىنشا جاپپاي اينالدىرۋ تەحنيكاسىنىڭ ارالىق سىناعى ءساتتى بولدى؛ سۋتەكتەندىرۋ ءادىسى ارقىلى ەرەكشە مۇناي جەلىلەس ونىمدەرىن ءوندىرۋ جاڭا تەحنيكاسى، جاڭا ونىمدەرگە ارالىق سىناق جاساۋ نىسانى ءساتتى ورىندالدى... ءبىر توپ مۇناي، حيميا ونەركاسىپ نىساندارى وسى ارادا تاۋارلاندىرىلىپ، كاسىپ سالالاندىرىلىپ كادەگە جاراتىلۋ جولىنا اياق باستى. قىسقا عانا بىرنەشە جىلدا تازا ەنەرگيا مەملەكەتتىك تاجىريبەحاناسى (ورنالاستىرىلۋدا) ارالىق سىناق بازاسى دامىپ شينجياڭداعى، اۋەلى، باتىس سولتۇستىك وڭىردەگى ەنەرگيا حيميا ونەركاسىبى سالاسىنداعى كولەمى ەڭ ۇلكەن، سايكەستى جابدىقتارى ەڭ كەمەلدى عىلىم - تەحنيكالىق زەرتتەۋدەگى تىرەكتىك تۇعىرعا جانە تەحنيكا جەتىلدىرۋ ۇدەتكىشىنە اينالدى. قازىرگە دەيىن وزىق ەنەرگيا تەحنيكاسىنان جاڭالىق اشۋ شەكتى سەرىكتەستىگىنىڭ عىلىم - تەحنيكالىق كاسىپورىن ۇدەتكىشى عىلىم - تەحنيكا تيبىندەگى 40تان استام كاسپورىنعا قىزمەت وتەپ، 10 نەشە نىسان ەنگىزدى.
”بۇل ارا جوعارى، جاڭا تەحنيكا كاسىپ سالاسىن اشۋ رايونىمىزدىڭ ىقشام كورىنىسى ىسپەتتى“. ارالىق سىناق بازاسى كاسىپورىننىڭ كەڭ كولەمدە ءوندىرىس جۇرگىزۋ الدىنداعى ”تاجىريبە اتىزى“ بولسا، ال جوعارى، جاڭا تەحنيكا كاسىپ سالاسىن اشۋ رايونى جاڭالىق اشۋ ارقىلى دەم بەرۋ ستراتەگياسىنىڭ ”تاجىريبە اتىزى سانالادى“، - دەدى قارامايلى قالاسى جايرانبۇلاق رايوندىق ساياسي كەڭەس پارتيا باسشىلىق گرۋپپاسىنىڭ مۇشەسى، ورىنباسار ءتوراعا شىن لۇڭ.
2022 - جىلى 6 - ايدا مەملەكەتتىك كەڭەستىڭ بەكىتۋىمەن، قارامايلى جوعارى، جاڭا تەحنيكا كاسىپ سالاسىن اشۋ رايونىنىڭ دارەجەسى جوعارىلاپ مەملەكەتتىك جوعارى، جاڭا تەحنيكا كاسىپ سالاسىن اشۋ رايونى بولىپ قۇرىلدى. بۇل ءۇرىمجى جوعارى، جاڭا تەحنيكا كاسىپ سالاسىن اشۋ رايونىنان، سانجى جوعارى، جاڭا تەحنيكا كاسىپ سالاسىن اشۋ رايونىنان، شىحىزى جوعارى، جاڭا تەحنيكا كاسىپ سالاسىن اشۋ رايونىنان كەيىنگى شينجياڭدا بەكىتىلگەن ءتورتىنشى ”مەملەكەتتىك“ جوعارى، جاڭا تەحنيكا كاسىپ سالاسىن اشۋ رايونى.
2004 - جىلى قارامايلى جوعارى، جاڭا تەحنيكا كاسىپ سالاسىن اشۋ رايونى بۇرىنعى قارامايلى مۇناي حيميا ونەركاسىبى ونەركاسىپ باقشا رايونىنان اۆتونوميالى رايوندىق حالىق ۇكىمەتىنىڭ، عىلىم - تەحنيكا مينيسترلىگىنىڭ بەكىتۋىمەن اۆتونوميالى رايونداعى ءتۇيىندى مۇناي حيميا ونەركاسىبى ونەركاسىپ باقشا رايونى جانە مەملەكەتتىك الاۋ جوسپارى بويىنشا ەرەكشە كاسىپ سالاسى بازاسى بولىپ قۇرىلعانعا دەيىن؛ 2010 - جىلى اۆتونوميالى رايوندىق حالىق ۇكىمەتى جاعىنان اۆتونوميالى رايوننىڭ جوعارى، جاڭا تەحنيكا كاسىپ سالاسىن اشۋ رايونى رەتىندە باسقارىلعاننان، بىلتىر ”مەملەكەتتىك“ جوعارى، جاڭا تەحنيكا كاسىپ سالاسىن اشۋ رايونى بولىپ دارەجەسى جوعارىلاتىلعانعا دەيىن ”بيىككە ۇمتىلىپ، جاڭالىققا تالپىنۋ“ وسى ارانىڭ ىشكەرىلەي دامۋىنىڭ قوزعاۋشى كۇشى بولدى.
”4 ايدا 6 ءتۇرلى جوعارى سورتتى سۋتەكتى ماي جاڭا ونىمدەرىن تىڭنان كوبەيتىپ، قازىر قاريدارلاردىڭ سىناق رەتىندە پايدالانۋىنا بەردىك. تاعى 3 ءتۇرىن زەرتتەپ اشۋ ۇستىندەمىز، كوپ وتپەي جاڭا ءونىم بارلىققا كەلەدى“. 5 - ايدىڭ 5 - كۇنى جۇڭگو مۇنايى قارامايلى مۇناي حيميا شەكتى جاۋاپكەرشىلىك سەرىكتەستىگىنىڭ كورمە زالىندا سەرىكتەستىكتىڭ جەتەكشى مامانى لي رۇڭ ماقتانىش سەزىممەن تىلشىگە كاسىپورىننىڭ جۋىقتاعى جوعارى سورتتى سۋتەكتى ماي ونىمدەرىن زەرتتەۋ تابىستارىن ايتتى.
”قازىر قارامايلى جوعارى، جاڭا تەحنيكا كاسىپ سالاسىن اشۋ رايونىندا 62 جوعارى، جاڭا تەحنيكا كاسىپورنى، 55 عىلىم - تەحنيكا تيبىندەگى ورتا، شاعىن كاسىپورىن، 3 ”عىلىم - تەحنيكاداعى شاعىن قۋاتتى كاسىپورىن“ بار. وسى كاسىپورىنداردىڭ ىشىندە زەرتتەۋ - اشۋعا ۇسىنىلىم قوسقان كاسىپورىن ％50تەن استامىن يەلەيدى“. كاسىپورىن ۇزدىكسىز زەرتتەۋ، اشۋ، جاڭالىق اشۋ ارقىلى ءوزىنىڭ وزەكتى باسەكەلىك قۋاتىن ارتتىرسا، ال ۇكىمەت تاراۋلارى دا بار كۇشىن سالىپ، قىزمەت وتەۋ مەحانيزمىندە جاڭالىق اشتى، - دەدى شىن لۇڭ.
2019 - جىلى قارامايلى جوعارى، جاڭا تەحنيكا كاسىپ سالاسىن اشۋ رايونى بۇكىل شينجياڭدا ”عىلىم - تەحنيكالىق سەرىك بولۋ ۇلگىسىندەگى قىزمەت وتەۋدى“ الدىمەن ۇسىنىپ، جوعارى، جاڭا تەحنيكا كاسىپورىندارىن جەتىلدىرۋ قامباسىن، عىلىم - تەحنيكا تيبىندەگى ورتا، شاعىن كاسىپورىنداردى جەتىلدىرۋ قامباسىن جانە عىلىم - تەحنيكا نىسانىن جەتىلدىرۋ قامباسىن قۇرۋ ارقىلى عىلىم - تەحنيكا نىسانى ”قىزىل، سارى، جاسىل“ ءۇش رەڭدى ساقتاندىرۋ مەحانيزمىن جانە ”عىلىم - تەحنيكادا جاڭالىق اشۋ ۇشقىن قىزمەت وتەۋ اترەتى“ مەحانيزمىن الدىمەن ورناتىپ، كاسىپورىندار ءۇشىن جان - جاقتى، بايلىعى تولىق، تۇتاس بارىستىق، دارەجەگە بولىنگەن دالمە - ءدال عىلىم - تەحنيكالىق قىزمەت وتەۋىن ازىرلەدى. قازىرگە دەيىن 72 عىلىم - تەحنيكالىق كاسىپورىن بۇدان يگىلىكتەنىپ، 51 قالا، رايون ەكى دارەجەلى عىلىم - تەحنيكا نىسانى جوسپارعا الىندى، قاراستى رايون جاڭالىق اشۋ، شارۋاشىلىق قۇرۋ جارىسىندا جالپى 25 ءتۇرلى سيلىققا يە بولدى.
بيىل 2 - ايدا بۇل ارا تاعى شينجياڭداعى بىردەن - ءبىر كاسىپورىننىڭ جاڭالىق اشۋدا ءنومىر جيناۋ ءتۇزىمىن اتقارعان مەملەكەتتىك جوعارى، جاڭا تەحنيكا رايونىنا اينالدى. كولەمنەن جوعارى ونەركاسىپ كاسىپورىندارىنىڭ، جوعارى، جاڭا تەحنيكا كاسىپورىندارىنىڭ، عىلىم - تەحنيكا تيبىندەگى ورتا، شاعىن كاسىپورىنداردىڭ جاڭالىق اشۋ قابىلەتىن ءتۇيىندى تۇردە دالمە - ءدال بەينەلەپ جانە ساندىق شاما بويىنشا باعالاۋ ارقىلى ”جيناق ءنومىردى“ ”قارجىعا“ اينالدىرىپ، ءتۇرلى قارجى كاپيتالىن ءنومىر جيناعان ۇزدىك كاسىپورىنعا شوعىرلانۋعا باستادى.
”جاڭالىق اشۋدىڭ اياق الىسى ماڭگى توقتامايدى، وسىنداي بولعاندا عانا، ءبىز ءتىپتى دە الىسقا جەتە الامىز، مەملەكەتتىك ماڭدايشالىقتى ونان ارى جارقىراتا الامىز“، - دەدى شىن لۇڭ.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
