”جەلەگىڭدى اش“ شىنجىندا كۋايشانمەن بوي كورسەتتى
2023.05.08 17:33 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ياۋ گاڭ 5 - ايدىڭ 6 - كۇنى شىنجىننان حابارلايدى. 5 - ايدىڭ 5 - كۇنى كەشتە شىنجىن قالاسى لوحۋ رايونىنداعى شىنجىن ۇلكەن تەاترحاناسىنىڭ الاڭىندا، وزگەشە كۋايشان قيمىلى ارلى - بەرلى قايشالىسقان قالا تۇرعىندارىنىڭ نازارىن اۋداردى. مۋزيكا ءۇنى كوتەرىلدى، كوپشىلىك «جەلەگىڭدى اش» انىمەن دۋماندى ءماشىراپ بيىنە باستى.
بۇل رەتكى قيمىلدا كولەمدى مۋزيكا، ءبي، ولەڭ، سۋرەت قويىلىمى − «جەلەگىڭدى اش − شينجياڭ جاقسى جەردىڭ» ءبىر ءبولىم بيشىلەرى، ورىنداۋشىلارى كۋايشان ارقىلى شىنجىن قالاسىنىڭ تۇرعىندارىنا ءماشىراپتىڭ تارتىمدىلىعىن ۇعىندىرىپ، شينجياڭدىقتاردىڭ قىزۋ ىنتاسىن سەزىندىردى. شىنجىن قالاسىنىڭ تۇرعىنى ۋاڭ شۋەفي «جەلەگىڭدى اش» دەگەن تانىس مۋزيكا اۋەنىن ەستىگەن سوڭ ايرىقشا تەبىرەنىپ: ”شينجياڭ مەنى ەرەكشە قىزىقتىردى، ءبىر رەت بارىپ ۇمىتپاستاي بولدىم“، - دەدى.
الاڭدا شىنجىن قالاسىنىڭ تۇرعىندارى شينجياڭنىڭ ءان - بيىنەن اسەرلەنىپ، كوپتەگەن ادام بيشىلەرمەن قوسىلىپ بىرگە بيگە باستى. دۋماندى دا تارتىمدى ءبي قيمىلدارى، قىزۋ مەرەيلى جۇزدەر كورەرمەندەردى ەرىكسىز قول تەلەفونمەن ەستەلىك قالدىرۋعا باۋرادى. ءبيشى زۇلميرا يمىنجان وسى كورىنىستەن اسەرلەنىپ بىلاي دەدى: ”شىنجىندا وسىنشاما كوپ ادام شينجياڭ ءبيىن ۇناتادى دەپ ويلاماپپىن، مەن، ءسوز جوق، مۇقيات دايىندالىپ، شىنجىن قالاسىنىڭ تۇرعىندارىنا تاماشا ويىن نومىرلەرىن ۇسىنامىن“.
5 - ايدىڭ 7 - كۇنى، 8 - كۇنى كولەمدى مۋزيكا، ءبي، ولەڭ، سۋرەت قويىلىمى − «جەلەگىڭدى اش − شينجياڭ جاقسى جەر» شىنجىن ۇلكەن تەاترحاناسىندا قويىلادى. ”شينجياڭنىڭ بيلەرى جاقسى! مەن بۇل جولعى قويىلىمدى، ءسوز جوق، كورەمىن“، - دەدى شىنجىن قالاسىنىڭ تۇرعىنى جاۋ رۇي.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
