كوپ جىلدىق قۇلشىنىس ارقىلى جاڭا تەحنولوگيا سۋتەگىن جاساۋ ونىمدىلىگىن اناعۇرلىم ارتتىردى
□ انار بۇلت \ شينجياڭ گازەتىنىڭ ءتىلشىسى ءجازيرا نەسىپبەك
2023.05.09 16:33 كەلۋ قاينارى : شينجياڭ گازەتى
5 - ايدىڭ 6 - كۇنى قارامايلى جۇڭشۇي ەلەكتر ەنەرگياسى عىلىم - تەحنيكا شەكتى سەرىكتەستىگىنىڭ قىزمەتكەرلەرى دەربەس زەرتتەپ جاساعان سۋتەگى ارالاسپا جانار گازىن ارناۋلى پايدالاناتىن گاز وشاق ماشيناسىن تەكسەرۋدە.
□ سۋرەتتى انار بۇلت \ شينجياڭ گازەتىنىڭ ءتىلشىسى زوۋ ي تۇسىرگەن
”ءبىز سۋتەگى ەنەرگياسى كاسىپ سالاسىنىڭ ورنالاسىمىن قايتا تۇلعالاۋعا كۇش سالدىق“، - دەدى 5 - ايدىڭ 6 - كۇنى قارامايلى جۇڭشۇي ەلەكتر ەنەرگياسى عىلىم - تەحنيكا شەكتى سەرىكتەستىگىنىڭ جابدىق سىناۋ سەحىندا سەرىكتەستىكتىڭ القا باستىعى شۇي جياچياڭ سەرىكتەستىك دەربەس زەرتتەپ جاساعان ءبىر قىدىرۋ جابدىقتارىن كورسەتە ءجۇرىپ.
قارامايلى جۇڭشۇي ەلەكتر ەنەرگياسى عىلىم - تەحنيكا شەكتى سەرىكتەستىگى 2020 - جىلى قارامايلى قالاسىنا ىرگە تەپكەن، الايدا 10 جىلدىڭ الدىندا سەرىكتەستىكتىڭ وزەكتى ۇجىمى جاڭاشا سۋتەگى ەنەرگياسىن الۋ جانە ونان پايدالانۋ تەحنيكاسىن زەرتتەپ اشا باستاعان، 2022 - جىلى ينتەگرالدىق تەحنولوگيانى ورىنداعان. بيىل 6 - ايدا وسى تەحنولوگيا جۇڭگو مۇنايى شينجياڭ مۇناي الابى سەرىكتەستىگىندە رەسمي پايدالانۋعا بەرىلەدى.
جاڭا تەحنيكا نە ءۇشىن شۇي جياچياڭدى كاسىپورىننىڭ بولاشاعىنا وسىنشاما كامىل سەنىم ارتتىردى؟
”مۇنى ءداستۇرلى سۋتەگىن الۋ جانە ونان پايدالانۋ تەحنولوگياسىنان باستاپ ايتۋعا تۋرا كەلەدى“، - دەدى شۇي جياچياڭ.
قازىر سۋتەگىن جاساۋدىڭ ەڭ داعدىلى ءادىسى سۋدى ەلەكتروليزدەۋ ارقىلى سۋتەگىن جاساۋ، ءبىراق مۇنداي ءتاسىل ەلەكتروليزدەۋ بارىسىندا سۋتەگى مەن وتتەگىن ايىرادى ءارى سۋتەگىن تازارتۋ، سىعۋ، تاسىمالداۋ، ساقتاپ جونەلتۋ سياقتى بۋىنداردى قالىپتاستىرادى، قولدانۋ وزىندىك قۇنى جوعارى، حاۋىپسىزدىك كومەسكى كىناراتتارى دا بار.
2013 - جىلى مۇراتتاس بىرنەشە ادام سۋتەگى مەن وتتەگىن ايىرۋدى قاجەت ەتپەيتىن، سۋتەگى مەن وتتەگىن ەلەكتروليزدەۋدەگى العاشقى ارالاس كۇيدى ساقتاۋ ارقىلى جاندىرۋعا بولاتىن تەحنيكانى جوسپارعا الىپ زەرتتەۋگە كىرىسەدى. شەشۋشى تەحنيكادا ادامداردىڭ شەكتەمەسىنە ۇشىراماۋ ءۇشىن، ۇجىم سۋتەگى ارالاسپا وتىندىق گاز ارناۋلى گاز وشاق ماشيناسىن، تارالمالى سۋتەگىن جاساپ جىلۋمەن قامداۋ، زەردەلى مەڭگەرۋ سياقتى جۇيەلەردى زەرتتەپ اشادى.
”وسى ءبىر قىدىرۋ تەحنولوگيا ءداستۇرلى سۋتەگىن جاساۋ جانە ونان پايدالانۋدىڭ كوپتەگەن جاقتارىن وزگەرتتى، ونى توڭكەرىس سيپاتتى تەحنيكا دەۋگە بولادى“، - دەدى وسى سەرىكتەستىكتىڭ نىسان جاۋاپتىسى لي فييۇن.
جاڭا تەحنولوگيا سۋتەگىن جاساۋ بارىسىن اناعۇرلىم جوعارى ونىمدىلىككە يە ەتۋمەن قويماي، ءوندىرۋ مەن قولدانۋدى، پايدالانباسا وندىرمەۋدى جۇزەگە اسىرىپ، سۋتەگى ەنەرگياسىن پايدالانۋداعى حاۋىپسىزدىككە كەپىلدىك ەتتى. سىعۋ، ساقتاۋ، جەتكىزۋ، تاسىمالداۋ سياقتى بۋىندار بولماعاندىقتان، سۋتەگى ەنەرگياسىنىڭ ءوندىرۋ جانە جانە ونان پايدالانۋ وزىندىك قۇنىن زور دارەجەدە تومەندەتتى.
”ءداستۇرلى سۋتەگى ەنەرگياسىن پايدالانۋ جابدىعى تەك تابيعي گازدا ％10 سۋتەگىمەن ارالاسادى، ءبىراق ءبىزدىڭ تەحنيكامىز سۋتەگى مەن وتتەگىنىڭ ارالاسپا گاز مولشەرىن ％50 جوعارىلاتتى“. شۇي جياچياڭ بىلاي دەدى: ”شينجياڭ مۇناي الابى سەرىكتەستىگىنىڭ ءار جىلى تۇتىناتىن تابيعي گاز مولشەرى بويىنشا ەسەپتەگەندە، بۇل تەحنيكا جىلىنا 4 ميلليون توننا اينالاسىندا كومىر قىشقىل گازىن ىعىستىرۋدى ازايتادى“.
سەرىكتەستىكتىڭ جابدىق سىناۋ سەحىنا كىرگەنىمىزدە، جۋىق ارادا قولدانۋعا بەرىلەتىن جابدىقتارعا قاربالاس سىناق جۇرگىزىلىپ جاتىپتى، بيىل سەرىكتەستىكتىڭ كاسىپورىن ولشەمى بۇكىل ەل بويىنشا ولشەمدى ينفورماتسيا الەۋمەتتىك قىزمەت وتەۋ تۇعىرىندا جاريالانعاندىعى شۇي جياچياڭدى ونان ارى جەلپىندىردى.
”ادەتتەگى جاعدايدان الىپ ايتقاندا، ءبىر كاسىپورىننىڭ ولشەمىن بەلگىلەۋدەن تارتىپ بەكىتۋدەن وتۋىنە دەيىن ءبىر جارىم جىل ۋاقىت كەتەدى، الايدا قارامايلىدا ءبىز تەك 2 اي عانا ۋاقىت جۇمسادىق“، - دەدى شۇي جياچياڭ.
بۇل − قارامايلى قالاسى مەن قارامايلى رايونى سىندى ەكى دارەجەلى ۇكىمەتتىڭ عىلىم - تەحنيكا كاسىپورىندارىنا جان - جاقتى، جالپى بارىستىق قىزمەت وتەۋمەن قامداۋىنىڭ ارقاسى، كاسىپورىنداردىڭ دالمە - ءدال كومەككە يە بولۋىنا، كاسىپورىنداردىڭ ءدوپ كەلگەن قيىنشىلىقتارىن تەز، ءونىمدى شەشۋىنە مۇمكىندىك جاساۋدان كەلگەن.
”قارامايلى رايوندىق عىلىم - تەحنيكا مەكەمەسى مەن كاسىپورىن بىرگە ولشەمدى قۇراستىرىپ جازىپ، جەتەكشىلىك ەتىپ، كومەكپەن قامداپ، كاسىپورىنداردىڭ دامۋ بارىسىندا بۇراڭ جولدى از باسۋىنا مۇمكىندىك جاسادى“، - دەدى قارامايلى رايوندىق عىلىم - تەحنيكا مەكەمەسىنىڭ ورىنباسار باستىعى لي جۇن.
قارامايلى قالاسىندا جۇڭشۇي ەلەكتر ەنەرگياسى عىلىم - تەحنيكا شەكتى سەرىكتەستىگى سياقتى عىلىم - تەحنيكا كاسىپورىندارىنىڭ جاسىل سۋتەگىن ءوندىرۋ جانە ونان پايدالانۋ − جەرگىلىكتى ورىننىڭ كاسىپ سالاسىنىڭ ورنالاسۋىن ارقاۋ ەتىپ، ساۋداگەر شاقىرىپ قارجى ەنگىزۋىندە ماڭىزدى جەبەۋ رولىن اتقاردى.
”ءبىز جاڭاشا ەلەكتر قۋاتى جۇيەسىن ۇزدىكسىز تۇلعالاۋمەن بىرگە، جاڭا ەنەرگيانىڭ جوعارى - تومەنگى اعارلارىنداعى كاسىپ سالاسى تىزبەگىن كەڭەيتىپ، جاسىل ەلەكتر، جاسىل سۋتەگى سياقتى فاكتورلار ارقىلى جوعارى دەڭگەيلى نىسانداردى ىرگە تەبۋگە باۋرايمىز“، - دەدى قارامايلى رايوندىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى رايون ورىنباسار باستىعى لي يۇن.
قازىر قارامايلى جۇڭشۇي ەلەكتر ەنەرگياسى عىلىم - تەحنيكا شەكتى سەرىكتەستىگى وندىرگەن سۋتەگى ەنەرگياسى، نەگىزىنەن، ونەركاسىپ پەشتەرى مەن پار قازانداردىڭ جىلۋمەن قامداۋىنا پايدالانىلادى. جابدىقتار مەن تەحنيكانى ساتۋ، ەلەكتر تورىن وزگەرتۋگە قىزمەت وتەۋمەن قامداۋ سياقتىلار ارقىلى بيىل سەرىكتەستىكتىڭ ءونىم قۇنى ءبىر ميلليارد يۋانعا جەتەدى دەپ مەجەلەنىپ وتىر.
”سۋتەگى ەنەرگياسىن ءبىر ءبولىم وتىندىق كومىرمەن اۋىستىرىپ، ارالاسپا جانار زاتتى قالىپتاستىرىپ، وت ەلەكتر ستانسياسىن جىلۋمەن قامداۋ − سەرىكتەستىك ورىستەتىپ جاتقان وزەكتى زەرتتەۋ سانالادى“. شۇي جياچياڭ بىلاي دەدى: ”شينجياڭدا مول جاڭا ەنەرگيا بايلىعى بار، سەرىكتەستىگىمىز جاسىل سۋتەگىن وندىرۋمەن بىرگە، جەرگىلىكتى ورىندى جاسىل ەلەكترمەن قامدايدى، كەلەشەكتە قاينار، تور، كوتەرىمدىلىك، ساقتاۋ نىسانىندا زور ىسكەرلىك كورسەتەتىندىگىنە سەنەمىن“.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
