ءبىرىنشى ماۋسىمدا شينجياڭ كاسىپورىندارى كاپيتال بازارىندا 11 ميلليارد 467 ميلليون يۋان قارجى قۇرادى
2023.05.09 16:32 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋاڭ يۇڭفي 5 - ايدىڭ 7 - كۇنى ۇرىمجىدەن حابارلايدى. شينجياڭ اكتسيا باقىلاۋ - باسقارۋ مەكەمەسىنەن ۇعىسۋىمىزشا، ءبىرىنشى ماۋسىمدا شينجياڭ كاسىپورىندارى كاپيتال بازارىندا تىكەلەي 11 ميلليارد 467 ميلليون يۋان قارجى قۇراعان، بۇل بىلتىرعى سول تۇستاعىدان ％56. 6 ارتقان، 2021 - جىلعى سول تۇستاعىدان ％22. 35 ارتقان.
قارجى قۇراۋ تاسىلىنەن قاراعاندا، جارناسى بازارعا شىعارىلعان سەرىكتەستىكتەردىڭ العاشقى جارنانى بازارعا سالۋى، جارنانى باعىتتامالى تۇردە مولايتىپ ۇلەستىرۋى جانە سەرىكتەستىك زايومى شينجياڭ كاپيتال بازارىنىڭ باستى قارجى قۇراۋ ءتاسىلى بولعان.
جارناسى بازارعا شىعارىلعان سەرىكتەستىكتەر العاشقى جارنانى بازارعا سالۋ ارقىلى قارجى قۇراۋ جاعىندا باۋدي كەن شارۋاشىلىعى العاشقى جارنانى بازارعا سالىپ، 876 ميلليون يۋان قارجى قۇراپ، 2023 - جىلى بازارعا شىعۋدا ”ءساتتى باستامانى“ جۇزەگە اسىرعان. جارناسى بازارعا شىعارىلعان سەرىكتەستىكتەر جارنا ۇقىعى ارقىلى قارجى قۇراۋ جاعىندا چيڭسۇڭ جيانحۋا، لي - اڭ تەحنيكاسى سىندى جارناسى بازارعا شىعارىلعان 2 سەرىكتەستىك اشىق تاراتىلماعان زايوم ارقىلى جيىنى ءبىر ميلليارد 627 ميلليون يۋان قارجى قۇراعان.
شينجياڭ سەرىكتەستىكتەرىندە زايوم جانە مال - مۇلىكتى تىرەك ەتكەن اكتسيالىق قارجى قۇراۋ جىلدام ارتىپ، قارجى قۇراۋ تاسىلىندە كوپ نەگىزدى جاڭالىق اشۋ ارىنى بايقالدى. شينجياڭ كاسىپورىندارى سەرىكتەستىك زايومىن جانە مال - مۇلىكتى تىرەك ەتكەن اكتسيا تاراتىپ، جيىنى 8 ميلليارد 435 ميلليون يۋان قارجى قۇراۋدى جۇزەگە اسىرعان، بۇل 2022 - جىلعى سول تۇستاعىدان ％29. 49 ارتقان. مۇندا 9 سەرىكتەستىك 6 ميلليارد 535 ميلليون يۋان سەرىكتەستىك زايومىن تاراتقان، بۇل 2022 - جىلعى سول تۇستاعىدان ％66. 15 ارتقان. مۇنىڭ ىشىندە 2 سەرىكتەستىك اۋىل - قىستاقتى گۇلدەندىرۋ زايومىنىڭ جاڭالىق اشۋ ءتۇرىن تاراتقان، بۇل، نەگىزىنەن، اۋىل - قىستاقتى گۇلدەندىرۋگە قاتىستى نىسان قۇرىلىستارىنا جۇمسالعان؛ ءبىر سەرىكتەستىك مال - مۇلىكتى تىرەك ەتكەن اكتسيا تاراتىپ، ءبىر ميلليارد 900 ميلليون يۋان قارجى قۇراعان، ونىڭ نەگىزدىك كاپيتالى نەگىزدىك قۇرىلعىلاردان جينالعان اقى، بۇل سەرىكتەستىكتىڭ ىركىندى قارجىسىن، تومەنگى قاباتتاعى مال - مۇلىكتى ءونىمدى جانداندىرىپ، كاسىپورىننىڭ ناق اقشا اينالىمىن ساپالىلاندىرعان.
قارجى قۇراۋ قۇرىلىمىنان قاراعاندا، جارنا ۇقىعى تۇرىندەگى قارجى قۇراۋ 3 ميلليارد 32 ميلليون يۋان بولىپ، ءبىرىنشى ماۋسىمداعى كاپيتال بازارىنداعى قارجى قۇراۋدىڭ ％44. 26ىن يەلەگەن؛ زايوم تۇرىندەگى قارجى قۇراۋ 8 ميلليارد 435 ميلليون يۋان بولىپ، ءبىرىنشى ماۋسىمداعى كاپيتال بازارىنداعى قارجى قۇراۋدىڭ ％56. 73ىن يەلەگەن.
جارناسى بازارعا شىعارىلاتىن سەرىكتەستىكتەر جاريالاعان تۇڭعىش قايتالاي قارجى قۇراۋ جوسپارىنداعى جينالعان قارجىنىڭ جۇمسالۋ بەتالىسىنان قاراعاندا، اينالىمداعى قارجىنى تولىقتاۋعا جانە بانكەنىڭ قارىزىن قايتارۋعا جۇمسالاتىن قارجى ءبىر ميلليارد 78 ميلليون يۋان بولىپ، يەلەگەن سالىستىرماسى ％12. 45 بولعان؛ نىسان قۇرىلىستارىنا پايدالانۋ ماقساتىندا جينالعان قارجى ءبىر ميلليارد 311 ميلليون يۋان بولىپ، يەلەگەن سالىستىرماسى ％88. 54 بولعان.
اۋىزعا الۋعا تاتيتىنى، جاڭا ءۇش بولىكتە جانە وڭىرلىك سيپاتتى جارنا ۇقىعى بازارىندا ماڭدايشالىق ىلگەن جانە كورمەلەنگەن كاسىپورىنداردى ۋاكىل ەتكەن ورتا، شاعىن، ۇساق كاسىپورىنداردىڭ قارجى قۇراۋى ءبىراز ارتقان. ءبىرىنشى ماۋسىمدا جاڭا ءۇش بولىكتە، سونداي - اق شينجياڭ جارنا ۇقىعى ساۋدا ورتالىعىندا ماڭدايشالىق ىلگەن كاسىپورىندار جيىنى 529 ميلليون يۋان قارجى قۇراعان، بۇل 2022 - جىلعى سول تۇستاعىدان ％01. 74 ارتىپ، ورتا، شاعىن، ۇساق كاسىپورىنداردىڭ دامۋىن پارمەندى تۇردە قولداعان.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
