”الدىعا كەلگەن بۇقارالىق قىزمەتتى“ شىنايى، ويداعىداي ىستەيىك
− «ارىز - ارمان قىزمەتى ەرەجەسى» اتقارىلعان ءبىر جىلدان بەرگى شينجياڭنىڭ ارىز - ارمان قىزمەتىنە جالپى شولۋ
□ انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر
2023.05.09 16:39 كەلۋ قاينارى : شينجياڭ گازەتى
«ارىز - ارمان قىزمەتى ەرەجەسىنىڭ» اتقارىلۋى − جاڭا داۋىردەگى ارىز - ارمان ءتۇزىمى رەفورماسىنىڭ بەلگى سيپاتتى جەتىستىگى.
ءبىر جىلدان بەرى شينجياڭنىڭ جەر - جەرى، ءارقايسى تاراۋلارى باس شۋجي شي جينپيڭنىڭ حالىق ارىز - ارمان قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، «ارىز - ارمان قىزمەتى ەرەجەسىن» جانە 9 - رەتكى مەملەكەتتىك ارىز - ارمان قىزمەتى ءماجىلىسىنىڭ ورنالاستىرۋلارىن، تالاپتارىن مۇقيات دايەكتىلەندىرىپ، تياناقتاندىرىپ، جاڭا داۋىردەگى شينجياڭ ەرەكشەلىگىندەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ارىز - ارمان قىزمەتىندەگى كورنەكتى ماسەلەلەردى كۇش سالا شەشىپ، قوعام جاعدايىن جانە حالىق رايىن دەر كەزىندە توپتاپ جانە اڭىس ەتىپ، شينجياڭ قىزمەتى باس نىساناسىن جۇزەگە اسىرۋعا پارمەندى تىرەك ازىرلەدى.
جوعارى - تومەن بىرلەسىپ قيمىلدادى، تەگىس يگەرىپ، بىرگە باسقاردى
”تۇڭعىش رەت اۆتونوميالى رايون باسشىلارىنىڭ قابىلداۋىندا بولدىق، بۇقارانىڭ قىزمەتىنە بارعان سايىن ءمان بەرىلگەنىن سەزىندىك“.
”ماسەلە شەشىلدى، كوپشىلىك تۇگەل ايرىقشا رازى بولدى“.
”ماسەلە كۇردەلى، ساياتىن تاراۋلارى كوپ، شەشىلۋ بارىسىندا بۇراڭدىقتار بولسا دا، ءبىز باستان - اقىر پارتيا مەن ۇكىمەتكە سەندىك“.
...
ءبىر جىلدان بەرگى شينجياڭنىڭ ارىز - ارمان قىزمەتى جاعدايىن اۋىزعا العاندا، بۇقارا اسەرلەرىن وسىلاي اڭگىمەلەدى.
ارىز - ارمان قىزمەتى − پارتيانىڭ بۇقارالىق قىزمەتىنىڭ ماڭىزدى قۇرامداس بولىگى، قوعام جاعدايى مەن حالىق رايىن ءتۇسىنۋدىڭ ماڭىزدى تەرەزەسى. بىلتىردان بەرى اۆتونوميالى رايوندىق پارتكوم تۇراقتى كوميتەتى، حالىق ۇكىمەتى ۇنەمىلىك ىستەر ءماجىلىسى ارىز - ارمان قىزمەتىنە كوپ رەت ارناۋلى تاقىرىپتا زەرتتەۋ جۇرگىزدى، ورنالاستىرۋ جاسادى. اۆتونوميالى رايوندىق پارتكوم مەن ۇكىمەتتەگى نەگىزگى باسشىلار وزدەرى باس بولىپ، «ارىز - ارمان قىزمەتى ەرەجەسىن» باستاماشىلدىقپەن ۇيرەنىپ، باس بولىپ نەگىزگى ساتىنىڭ الدىڭعى شەبىنە ىشكەرىلەي بارىپ، ارىز - ارمان ايتقان بۇقارانى قابىلداپ، كۇدىكتى، قيىن، كۇردەلى ارىز - ارمان ماسەلەلەرىن سايكەستىرىپ شەشتى.
ءار دارەجەلى باسشى كادرلار ارىز - ارمان ماسەلەلەرى كوپ، شەشۋ قيىندىعى زور جەرلەر مەن ورىندارعا ىشكەرىلەي، قايتالاي بارىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن شەشۋگە كومەكتەسىپ، پارتكوم ءبىر تۇتاس باسشىلىق ەتەتىن، حالىق ۇكىمەتى ۇيىمداستىراتىن، تياناقتاندىراتىن، ارىز - ارمان قىزمەتى بىرلەسكەن ءماجىلىسى سايكەستىرەتىن، ارىز - ارمان تاراۋلارى ىلگەرىلەتەتىن، ءارقايسى جاق تەگىس يگەرىپ، بىرگە باسقاراتىن ارىز - ارمان قىزمەتى ارناسىن ونان ارى اقاۋسىزداندىرىپ، ”بەس دارەجەلى شۋجي“ ارىز - ارمان قىزمەتىن يگەرەتىن ءتۇزىلىس مەحانيزمىن ونان ارى بەكەمدەدى.
ارىز - ارمان قىزمەتىن زاڭمەن باسقارۋ قۇرىلىسىن جەدەل ىلگەرىلەتۋ ءۇشىن، 2022 - جىلى 7 - ايدىڭ 29 - كۇنى جاڭادان تۇزەتۋ ەنگىزىلگەن «شينجياڭ ۇيعۇر اۆتونوميالى رايونىنىڭ ارىز - ارمان ەرەجەسى» جاريالانىپ اتقارىلدى، بۇل ەرەجە قاتىستى بەلگىلەمەلەردى ەگجەي - تەگجەيلىلەندىرىپ، شينجياڭنىڭ جەرگىلىكتى زاڭ ەرەجەسى مەن «ارىز - ارمان قىزمەتى ەرەجەسىن» ورگانيكالى ۇشتاستىردى.
شينجياڭ تاعى قاتىستى ءتۇزىم، ءادىس، جوبا سياقتىلاردى جاساپ، ارىز - ارمان قىزمەتى بىرلەسكەن ءماجىلىسى مەحانيزمىنىڭ ناقتى تۇلعالىق اينالىسقا ءتۇسۋىن ىلگەرىلەتىپ، رايون، ايماق (وبلىس، قالا)، اۋدان (قالا، رايون)، اۋىل - قالاشىق (ءمالى) ءتورت دارەجەنى جاپپاي قامتىعان، نەگىزگى ساتىنى باسقارۋدىڭ ”جۇيكە ۇشىن“ جانداندىرۋ ءۇشىن جوعارى - تومەن بىرلەسىپ قيمىلداپ، تەگىس يگەرىپ، بىرگە باسقاراتىن ارىز - ارمان قىزمەتى ارناسىن قالىپتاستىردى.
قازىر شينجياڭنىڭ ارىز - ارمان ىستەرىن بىتىرۋگە بۇقارانىڭ رازى بولۋ سالىستىرماسى بۇكىل ەلدىڭ ورتاشا دەڭگەيىنەن جوعارى بولدى، ارىز - ارمان جيىلىپ قالعان دەلولاردى شەشۋ ساپاسى مەن ونىمدىلىگى بۇكىل ەلدىڭ الدىڭعى قاتارىندا تۇردى.
قاينارىنان باستاپ جونگە سالدى، جۇيەنى كەمەلدەندىردى
ءۇرىمجى قالاسىنىڭ تۇرعىنى ۋاڭ مىرزا اياعىنان مۇگەدەك بولعاندىقتان، ءار كۇنى مايمەن جۇرەتىن دەمەۋشى كولىكپەن قىزمەتكە بارىپ كەلەتىن، الايدا قاتىستى بەلگىلەمەلەرگە ساي، دەمەۋشى كولىككە ماي قۇيۋ ءۇشىن الدىن الا قاتىستى تاراۋلارعا بارىپ ارحيۆكە الۋ راسمياتىن وتەۋگە تۋرا كەلەدى. ۋاڭ مىرزا قايدا بارارىن بىلمەي داعدارىپ، ءۇرىمجى قالاسى تيانشان رايوندىق ارىز - ارمان مەكەمەسىنە تەلەفون جالعاپ كومەك سۇرايدى.
قىزمەتكەرلەر جاعدايدان حاباردار بولعاننان كەيىن، دەرەۋ قاتىستى نەگىزگى تاراۋلارمەن بايلانىس جاساپ، ساياساتتىق بەلگىلەمەلەر مەن جۇمىس ءبىتىرۋ ءتارتىبىن ەگجەي - تەگجەيلى ۇعىسادى. سونىمەن بىرگە ۋاڭ مىرزا تۇراتىن الەۋمەتتىك اۋماقپەن بايلانىس جاساپ، قاتىستى ارحيۆكە الۋ راسمياتتارىن بىتىرۋىنە كومەكتەسىپ، ونىڭ ءساتتى ماي قۇيۋىنا، ءجۇرىپ - تۇرۋىنا شىنايى كەپىلدىك ەتەدى. مىنە بۇل شينجياڭ ارىز - ارمان تاراۋلارىنىڭ تۋ باستان جونگە سالۋعا ءمان بەرىپ، بۇقارالىق قىزمەتتى وتباسىلارىنا دەيىن جەتكىزىپ، قايشىلىقتاردى وتباسىلارىنا دەيىن بارىپ شەشۋىنىڭ ىقشام كورىنىسى بولىپ تابىلادى.
ارىز - ارمان ماسەلەسىنىڭ باسىم كوپ ساندىسى نەگىزگى ساتىدا تۋىلعان، ماڭىزدى ءتۇيىنى، قيىن ءتۇيىنى دە نەگىزگى ساتىدا بولۋ سىندى ءىس جۇزىندىك احۋالعا مەڭزەس، 2022 - جىلدان بەرى شينجياڭ قايشىلىقتاردى كوپ نەگىزدى جاراستىراتىن، ءبىر جاقتى ەتەتىن نەگىزگى ساتىنى باسقارۋ تورىن كۇش سالا توقىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتى مەن ”ۇلتتار ىنتىماعى بەرەكەلى شاڭىراعى“ قيمىلى سىندى ەكى دانەكەردەن ويداعىداي پايدالانىپ، ماسەلەلەردى شەشۋ، ستيلگە بۇرىلىس جاساۋ، ساپا مەن ونىمدىلىكتى جوعارىلاتۋ، حالىق تىلەگىن ۇيىستىرۋ سياقتىلاردى كورنەكتىلەندىرىپ، تۋ باستان ساقتانۋ، ءبىر - بىرلەپ تەكسەرىپ سالالاۋ، داۋ - شاردى شەشۋ، شۇعىل ءبىر جاقتى ەتۋ ءبىر تۇلعالاندىرىلعان ارىز - ارمان قايشىلىقتارىن كەشەندى جونگە سالۋ مەحانيزمىن كۇش سالا ورناتىپ، جاڭا داۋىردەگى ”فىڭچياۋ تاجىريبەسىنىڭ“ جەرگىلىكتەنۋىن، ۇدايىلانۋىن، ناقتى ونىمدىلىككە اينالۋىن ىلگەرىلەتۋدى نەگىزگى ساتى قوعامىن باسقارۋدا جاڭالىق اشۋدىڭ ماڭىزدى تۇتقاسى ەتىپ، نەگىزگى ساتى ارىز - ارمان قىزمەتى بويىنشا قىزمەت وتەۋدىڭ ”ەڭ سوڭعى ءبىر كيلومەترىن“ ءونىمدى ىركىلىسسىزدەندىردى.
سونىمەن بىرگە اقسۋ ايماعىندا، ىلە قازاق اۆتونوميالى وبلىسىندا قىستاق تۇرعىندار كوميتەتى (الەۋمەتتىك اۋماق) ارىز - ارمان قىزمەتى بىرلەسكەن ءماجىلىسى مەحانيزمىن تۇيىندە سىناق ەتىپ، اۋىل - قالاشىقتىڭ (ءمالى)، قىستاق تۇرعىندار كوميتەتىنىڭ (الەۋمەتتىك اۋماق) قايشىلىقتاردى جاراستىرۋ مەحانيزمىن ۇزدىكسىز كەمەلدەندىرۋىن جالپىلاستىرىپ، 12 مىڭ 600 اكىمشىلىك قىستاقتا ارىز - ارمان ينفورماتسياسى قىزمەتكەرىن ورنالاستىرىپ، نەگىزگى ساتىنىڭ ارىز - ارمان قىزمەتى جۇيەسىن اناعۇرلىم كەمەلدەندىردى.
بيىل جىل باسىنان بەرى شينجياڭنىڭ جەر - جەرى، تاراۋلارى 7000نان استام قايشىلىق، داۋ - شاردى ءبىر - بىرلەي تەكسەرىپ، شەشىپ، قايشىلىقتىڭ جينالۋىن، ماسەلەنىڭ كوبەيۋىن ءونىمدى ازايتتى.
ارنالار ىركىلىسسىزدەندى، قولايلى دا جوعارى ءونىمدى بولدى
الدىڭعى ءبىر مەزگىلدە جۇمىسكەر لي جيانحۇڭ ينتەرنەت جەلىسىندە قاشقار ايماقتىق ارىز - ارمان مەكەمەسىنە ەڭبەكاقى قاراجاتىنىڭ كەشەۋىلدەتىلگەندىگىن اڭىس ەتتى. كوپ وتپەي، ول قاشقار بۇقارالىق ارىز - ارمان قابىلداۋ ورتالىعى قىزمەتكەرىنىڭ تەلەفونىن قابىلدايدى. قىزمەتكەر جاعدايدى ەگجەي - تەگجەيلى ۇعىسقاننان كەيىن، ماسەلەگە ساياتىن كاسىپورىنمەن دەرەۋ بايلانىس جاساپ، كاسىپورىن جاۋاپتىسىمەن بايسالدىلىقپەن سويلەستى، سودان كەيىن، لي جيانحۇڭ تەز ارادا ەڭبەكاقىسىن الدى.
”ينتەرنەت جەلىسىندە ءوتىنىش ەتىپ، ماسەلەنى ۇيدەن شىقپاي - اق شەشۋگە بولاتىنىن ويلاماپپىن، ونىڭ ۇستىنە كوپ وتپەي ناتيجەسى شىقتى“، - دەدى لي جيانحۇڭ قۋانا.
ساندى مالىمەتتەن كوپ پايدالانىپ، بۇقارانى از شاپقىلاتۋ كەرەك. بىلتىردان بەرى شينجياڭ ارىز - ارمان جۇيەسى ينفورماتسيا تەحنيكاسى ورايىنان پايدالانىپ، ارىز - شاعىم بەرۋ، ءبىر جاقتى ەتۋ، تەكسەرۋ، ىزىنە ءتۇسۋ، باقىلاۋ، باعالاۋ ءبىر تۇلعالانعان، زەردەلى، جوعارى ءونىمدى ارىز - ارمان ينفورماتسيا تۇعىرىن ۇزدىكسىز كەمەلدەندىرىپ، اقاۋسىزداندىرىپ، كەلتە حات ارقىلى ەسكەرتۋ، ينفورماتسيانى جوعارىعا مالىمدەۋ، ساندى مالىمەتتەردى تەكسەرۋ، دەلولاردى شارلاۋ - تەكسەرۋ سياقتى 12 ءتۇرلى يقۋاتتى ساپالىلاندىردى، ءتوراعا حات ساندىعى، قاراستى جەردى تاڭداۋ سياقتى دارا بولشەكتەردى ينتەرنەت جەلىسىنە قوستى، رايون، ايماق، اۋدان، اۋىل 4 دارەجەلى ارىز - ارمان تاراۋلارى مەن رايون، ايماق، اۋدان 3 دارەجەلى فۋنكتسيالىق تاراۋلاردىڭ ”جان - جاقتىلى“ ۇلاستىرۋ، تۇتاستىرۋ تورىن بەكەمدەپ، اۆتونوميالى رايوننىڭ قاتىستى كاسىپورىن، ءىسورىندارىنان 73ىن جاڭادان قوسىپ، بۇقاراعا قولايلى، جوعارى ءونىمدى ينتەرنەت ارىز - ارمان ارناسىن ازىرلەپ، ارىز - ارمان ينفورماتسيا جۇيەسىنىڭ تۇتاسۋى كەڭ، قولدانىلۋى جاقسى، اينالىمى ىركىلىسسىز، ونىمدىلىگى جوعارى بولۋ نىساناسى نەگىزىنەن جۇزەگە اسىپ، اۆتونوميالى رايوننىڭ ارىز - ارمان ينفورماتسيا جۇيەسىنە قوسىلعان جانە ونى قولدانعان ورىن 6800دەن استى.
زاڭمەن باسقارىلاتىن ارىز - ارمان تانىمىن كۇشەيتىپ، تاماشا ارىز - ارمان ءتارتىبىن قالىپتاستىردى. بىلتىردان بەرى شينجياڭ ارىز - ارمان زاڭى، زاڭ ەرەجە بىلىمدەرى، «ارىز - ارمان قىزمەتى ەرەجەسىن» ۇيرەنۋ كۋرسى سياقتىلاردى ىشكەرىلەي ورىستەتىپ، «زاڭمەن باسقارىلاتىن شينجياڭ» الەۋمەتتىك نومىرىندە ”زاڭ ۇيرەنۋ دارىندىلارىنىڭ ايلىق جارىسى“ سياقتى قيمىلدار ورىستەتتى، سونىمەن بىرگە «ارىز - ارمان قىزمەتى ەرەجەسىن» شوعىرلى ۇگىتتەۋ ايى قيمىلىن باستادى. ءار دارەجەلى پارتيالى كادرلاردىڭ «ارىز - ارمان قىزمەت ەرەجەسى»، «ازاماتتىق زاڭناما» سياقتى زاڭ، زاڭ ەرەجەلەر جونىندەگى تانىمى مەن تۇسىنىگى ۇزدىكسىز تەرەڭدەدى. ىستەردى زاڭ بويىنشا ءبىتىرۋ، ىسكە جولىققاندا زاڭعا جۇگىنۋ، ماسەلەلەردى شەشكەندە زاڭنان پايدالانۋ، قايشىلىقتاردى شەشكەندە زاڭعا سۇيەنۋ بۇقارانىڭ ورتاق تانىمىنا اينالدى.
جاڭا جورىقتا ەكپىندەي ىلگەرىلەۋدە جاڭا داۋىردەگى ارىز - ارمان قىزمەتىن ويداعىداي ىستەۋدىڭ جاۋاپكەرشىلىگى زور. ”ارىز - ارمان ’الدىعا كەلگەن بۇقارالىق قىزمەت‘ دەپ اتالادى، ءاربىر ارىز - ارمان ماسەلەسى تۇگەلدەي بۇقارانىڭ ءتول مۇددەسىنە سايادى“. اۆتونوميالى رايوندىق ارىز - ارمان مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى سۇي جينسۇڭ بىلاي دەدى: ءبىز ”ارىز - ارمان قىزمەتى ەرەجەسىن“ جاپپاي دايەكتىلەندىرۋگە، تياناقتاندىرۋعا ۇزدىكسىز كۇش سالىپ، ولقىلىقتاردى تولىقتاپ، ءالسىز تۇستاردى كۇشەيتىپ، اناعۇرلىم ناقتى ستيلمەن قابىلەت دەڭگەيىن جوعارىلاتىپ، ارىز - ارمان قىزمەتىن ويداعىداي ىستەپ، ءتۇرلى قوعامدىق قايشىلىقتاردى زاڭ، بەلگىلەمە بويىنشا ويداعىداي شەشىپ، حالىقتى وزەك ەتكەن دامۋ يدەياسىن شىن مانىندە ءاربىر ارىز - ارمان ءىسىن دەن قويا، سۇيىسپەنشىلىكپەن ويداعىداي ىستەۋدە ايگىلەپ، حالىقتىڭ قيىنشىلىعىن شەشۋ، پارتيانىڭ قامىن جەۋ ساياسي جاۋاپكەرشىلىگىن شىن مانىندە ويداعىداي اتقارىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا ارىز - ارمان كۇشىن قوسۋىمىز كەرەك.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
