تامىلجىعان انمەن تاماشا تۇرمىستى جىرلادى
□ انار بۇلت \ شينجياڭ گازەتىنىڭ ءتىلشىسى ياۋ گاڭ
2023.05.09 16:40 كەلۋ قاينارى : شينجياڭ گازەتى
5 - ايدىڭ 7 - كۇنى «جەلەگىڭدى اش − شينجياڭ جاقسى جەر» اتتى كولەمدى مۋزيكا، ءبي، ولەڭ، سۋرەت قويىلىمى پىڭچىڭدا (شىنجىندا) كورسەتىلىپ، شىنجىن تەاترحاناسىندا قويىلدى. «سىزگە ءبىر روزا گۇلىن ۇسىنايىن»، «شەكارا ءوڭىردىڭ كوركەمدىگى جياڭنانداي»، «قۇمىل قاۋىنىن تاتىپ كورىڭىز» سياقتى اسەم اۋەندى، جايلى، تەرەڭ سەزىمگە تولى اندەر شينجياڭداعى ءار ۇلت پەرزەنتتەرىنىڭ تاماشا تۇرمىسقا تالپىنعان، قۇلشىنا كۇرەس جۇرگىزگەن جانە ىستىق ىقىلاستى، قوناعۋار رۋحاني بەينەسىن ايگىلەدى.
كونسەرتتە كورەرمەن سۇن يۇن «مايرا» ءانىنىڭ ىرعاعىنا ىلەسىپ باياۋ اندەتتى. ”كوپ ساندىسى قۇلاققا تانىس اندەر، ءوزىم بىلەتىن اندەر ورىندالعاندا ەرىكسىزدەن ىلەسە شىرقادىم، شينجياڭ حالىق اندەرىنىڭ باۋراعىشتىعى وتە كۇشتى ەكەن“، - دەدى سۇن يۇن.
شينجياڭ كوركەمونەر تەاترى مۇقام كوركەمونەر ۇيىرمەسىنىڭ ءانشىسى جيا چيانچيان بىلاي دەپ تانىستىردى: «مايرانىڭ» قايىرماسى قايتالاپ ايتۋ فورماسىمەن ورىندالىپ، وعان ايەلدەر جوعارى داۋىسىنىڭ قۇيقىلجىعان اۋەندەرى قوسىلىپ، شىرقالعان ءان اناعۇرلىم جاعىمدى دا اسەرلى بولدى.
”شينجياڭنىڭ بايىرعى اندەرىن ۇستىندە تىڭداۋ باسقاشا سەزىم بەرەدى، اسىرەسە، «ساحارا ءتۇنىن» ايرىقشا ۇناتامىن“، - دەدى كورەرمەن يۋە پىڭفي.
شينجياڭنىڭ الۋان ءتۇرلى ءان - بيلەرى، مۋزيكاسى كورەرمەندەرگە كوز مەيىرى مەن قۇلاق قۇرىشىن قاندىراتىن تاماشا كونسەرت سيلادى، ارتيستەر ءان اۋەنىمەن جاڭا داۋىردەگى شينجياڭنىڭ تاماشا حيكاياسىن باياندادى.
«7 - ايدا تيانشانعا كەلىڭىز» دەگەن ءان ليريكالى سەزىممەن ورىندالدى، پارتيا ورتالىق كوميتەتىنىڭ شينجياڭداعى ءار ۇلت ۇلاندارىنا كوڭىل ءبولۋى مەن قامقورلىعى، تيانشان الابىنداعى كوركەم كورىنىستەر، وزگەشە گۋمانيتارلىق بەينەلەر ءان سوزىنە قوسىلىپ، بارلىعىمىزدىڭ العىستى كوڭىلمەن ەكپىندەي ىلگەرىلەگەن جۇرەك ءۇنىمىزدى بەينەلەدى“، - دەدى شينجياڭ كوركەمونەر تەاترى ءان - ءبي ۇيىرمەسىنىڭ ءانشىسى ەربول جەڭىسبەك.
باس رەجيسسەر شيڭ شىمياۋ بىلاي دەپ تانىستىردى: جالپى كونسەرتتە ورىندالعان 14 نومىردەگى 10 نومىردەن ۆوكالدىق ارتيستەردى كورۋگە بولادى، ءبي نومىرلەرىندە ۆوكالدىق ارتيستەر دە پەردە ارتىندا ءۇن قوسىپ انمەن سۇيەمەلدەدى.
”بارلىعىمىز جەكە ءان ايتۋشىلارمىز، ءار ادامنىڭ وزىندىك داۋىس ەرەكشەلىگى بار. حور بولىمىندە كوپشىلىك دارالىقتى باسەڭدەتۋى كەرەك، مۇندا بارلىق ادامنىڭ داۋىسى اندەگى بەينەلەۋدىڭ قاجەتىنە ۇيلەسۋى، وسى اندە وزگەشە ستيلدىڭ دارالانۋىنا مۇمكىندىك جاساۋى كەرەك“. شينجياڭ كوركەمونەر تەاترى ءان - ءبي ۇيىرمەسىنىڭ ءانشىسى گاۋ اڭ باسقا انشىلەرمەن بىرگە «كوكتوعايداعى شوپان» ءانىن شىرقاعاندا كورەرمەندەر قىزۋ شاپالاق سوقتى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
