”انار بۇلت 12345 كەڭەس سۇراۋ“ لەبىز تاقتاسىنىڭ اشىلعانىنا ءبىر جىل بولدى
بۇقاراعا قىزمەت وتەۋدەگى ماڭىزدى ماركاعا اينالدى
2023.05.10 16:37 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى حۋ دامين 5 - ايدىڭ 8 - كۇنى ۇرىمجىدەن حابارلايدى. 5 - ايدىڭ 9 - كۇنى ”انار بۇلت 12345 كەڭەس سۇراۋ“ لەبىز تاقتاسىنىڭ اشىلعانىنا ءبىر جىل بولادى. لەبىز تاقتاسى ينتەرنەت جەلىسىنە شىعارىلعاننان بەرى اۆتونوميالى رايوندىق پارتكوم مەن ۇكىمەت جوعارى دەڭگەيدە جەبەپ، جەر - جەر، تاراۋلار بەلسەنە ۇشتاسىپ، كوپ جاق بىرلەسە قيمىلداپ، بۇقارانىڭ ءبىر توپ ”شۇعىل، قيىن، ۋايىمداعان، ءزارۋ“ ماسەلەلەرىن شەشتى. ءبىر جىلدان بەرى لەبىز تاقتاسى سايتتاستاردىڭ جيىنى 57 مىڭنان استام لەبىزىن قابىلدادى، ءبىر كۇندە قالدىرىلعان لەبىز ەڭ جوعارى بولعاندا 1650گە جەتتى، ％90تەن استامىنا دەر كەزىندە جاۋاپ قايتارىلىپ، ％70تەن استامى ءونىمدى ءبىر جاقتى ەتىلىپ، بۇقارا سەنىم ارتاتىن حالىققا قولايلى ينتەرنەتتە كەڭەس سۇراۋ تۇعىرىنا اينالدى.
ينتەرنەتتە ”حالىق ءۇشىن كەڭەس سۇراۋ، حالىقتىڭ قاجەتىن ءبىلۋ، حالىقتان پىكىر الۋ“ رولىن اناعۇرلىم ساۋلەلەندىرىپ، بۇقارانىڭ تالاپ - تىلەك ارناسىن كەڭەيتۋ ءۇشىن، 2022 - جىلى 5 - ايدىڭ 9 - كۇنى شينجياڭ گازەتى مەكەمەسى (شينجياڭ گازەتشىلىك تاراتۋ مەدياسى <توبى> شەكتى سەرىكتەستىگى) اۆتونوميالى رايوندىق ۇكىمەت ىستەرى بويىنشا قىزمەت وتەۋ جانە الەۋمەتتىك بايلىق ساۋدا ورتالىعىمەن (اۆتونوميالى رايوننىڭ 12345 ۇكىمەت ىستەرى بويىنشا قىزمەت وتەۋ حالىققا قولايلى ىستىق لەنياسى) بىرلەسىپ، ”انار بۇلت 12345 كەڭەس سۇراۋ“ لەبىز قالدىرۋ تاقتاسىن بىرگە تۇلعالادى.
ءبىر جىلدان بەرى سايتتاستاردىڭ قالدىرعان لەبىزى تۇتاس شينجياڭداعى 14 ايماق، وبلىس، قالانى جانە شينجياڭ ءوندىرىس - قۇرىلىس بيڭتۋانىن شارپىدى، قالدىرعان لەبىز مازمۇنى سۋمەن، ەلەكترمەن، جىلۋمەن قامداۋ، ءۇي ساۋداسى، وتباسىلىق ارلەۋ، قاتىناس جانە ءجۇرىس - تۇرىس، نەگىزدىك قۇرىلعىلار قۇرىلىسى، قوجالىق قىزمەت وتەۋ سياقتى حالىق تۇرمىسى سالالارى مەن نەگىزگى ساتى كادرلارىنىڭ قىزمەت ستيلى، حالىق تۇرمىسى ينجەنەرياسىنىڭ ساپاسى سياقتىلاردىڭ سان سالاسىنا سايادى.
بىلتىر ىندەت كەزىندە، ”انار بۇلت 12345 كەڭەس سۇراۋ“ لەبىز تاقتاسى ىندەت بويىنشا كومەك سۇراۋ ارناۋلى اۋماعىن دەر كەزىندە اشىپ، تۇتاس شينجياڭنىڭ جەر - جەرىندەگى سايتتاستار اڭىس ەتكەن تالاپ - تىلەكتەردى ءار دارەجەلى پارتكوم مەن ۇكىمەتكە، ىندەتتەن ساقتانۋ - تىزگىندەۋ قىزمەتى قولباسشىلىق شتابىنا جانە ءارقايسى قاتىستى تاراۋلارعا، ورىندارعا توتە جەتكىزىپ، بۇقارانىڭ شاعىم ايتۋ ارناسىن ىركىلىسسىزدەندىرىپ، ماسەلەنى شەشۋدىڭ ونىمدىلىگىن بارىنشا جوعارىلاتىپ، ءجۇرىس - تۇرىس، قامداۋعا كەپىلدىك ەتۋ، باعانى ورنىقتىرۋ، ەمدەلۋ، اۋىل شارۋاشىلىعى ءوندىرىسى سياقتى جاقتارداعى ءبىر توپ ماسەلەلەر مەن تالاپ - تىلەكتەردىڭ شەشىلۋىن ىلگەرىلەتىپ، جاقسى ىستەردى، ناقتى ىستەردى بۇقارانىڭ جۇرەك تۇكپىرىنە جەتكىزە ىستەدى.
ءبىر جىلدان بەرى ”انار بۇلت 12345 كەڭەس بەرۋ“ لەبىز تاقتاسى سايتتاستاردىڭ تالاپ - تىلەكتەرىن سالالاۋ، بىتىرۋگە وتكىزۋ، جاۋاپ قايتارۋ سياقتى قىزمەت مەحانيزمىن ورناتىپ، اقاۋسىزداندىرىپ، 24 × 7 ساعاتتىق قىزمەت ۇلگىسىمەن اۆتونوميالى رايوننىڭ 12345 ۇكىمەت ىستەرى بويىنشا قىزمەت وتەۋ حالىققا قولايلى ىستىق لەنياسىندا بىتىرۋگە وتكىزۋ، ءتىلشىنىڭ سوڭىنا ءتۇسىپ حابارلاۋى سياقتى كوپتەگەن تاسىلدەر ارقىلى، بۇقارانىڭ تالاپ - تىلەكتەرىنىڭ شەشىلۋىن ىلگەرىلەتىپ، قاتىستى فۋنكتسيالىق تاراۋلاردىڭ قىزمەت ستيلىندە بۇرىلىس جاساۋىن جەبەپ، نەگىزگى اعىمدىق مەديالاردىڭ جاۋاپكەرشىلىگىن ايگىلەدى.
”’انار بۇلت 12345 كەڭەس سۇراۋ‘ لەبىز تاقتاسى ۇكىمەت پەن بۇقارا اراسىنداعى ’جۇرەكتەردى توعىستىراتىن‘ كوپىردى سالىپ، بۇقارانىڭ ماسەلەنى اڭىس ەتەتىن تاعى ءبىر ارناسىن كوبەيتتى، انار بۇلتتى القايمىن“، ”بۇگىن تاڭەرتەڭ لەبىز تاقتاسىندا ايتىلعان ماسەلەگە تۇستەن كەيىن ءبىر ورىن دەر كەزىندە جاۋاپ قايتاردى جانە سوڭىنا ءتۇستى، وتە جاقسى“،”’انار بۇلت 12345 كەڭەس سۇراۋ‘ لەبىز تاقتاسى بۇقارانىڭ ۇلكەندى - كىشىلى ىستەرىنە كوڭىل ءبولدى، وتە تاماشا“... ءبىر جىل زەر سالا تۇلعالاۋ ارقىلى، لەبىز تاقتاسى سايتتاستاردىڭ القاۋى مەن تۇراقتاندىرۋىنا يە بولىپ، بىرتىندەپ بۇقاراعا قىزمەت وتەۋدەگى ماڭىزدى ماركاعا اينالدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
