بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

«جەلەگىڭدى اش − شينجياڭ جاقسى جەر» قويىلىمىن بۇكىل ەلدى ارالاپ قويۋ (شىنجىن بەكەتى) ماماندار اڭگىمە ءماجىلىسى وتكىزىلدى

2023.05.10 16:40     كەلۋ قاينارى : شينجياڭ گازەتى

  انار بۇلت \ شينجياڭ گازەتىنىڭ ءتىلشىسى ياۋ گاڭ 5 - ايدىڭ 8 - كۇنى شىنجىننان حابارلايدى. 5 - ايدىڭ 8 - كۇنى «جەلەگىڭدى اش − شينجياڭ جاقسى جەر» قويىلىمىن بۇكىل ەلدى ارالاپ قويۋ (شىنجىن بەكەتى) ماماندار اڭگىمە ءماجىلىسى شىنجىن قالاسىندا وتكىزىلدى. اڭگىمە ماجىلىسىندە شىنجىن سيمفونيا ۇيىرمەسىنەن، شىنجىن قالالىق بيشىلەر قوعامىنان، شىنجىن قالالىق جازۋشىلار قوعامىنان، شىنجىن قالالىق سەرىك ويىنشىلارى قوعامىنان كەلگەن كاسىپتىك قايراتكەرلەر جانە قاتىستى ماماندار اقتارىلا اڭگىمەلەسىپ، قويىلىمدى تولىق تۇراقتاندىرىپ، ادەبيەت - كوركەمونەر تۋىندىلارى ارقىلى جاڭا داۋىردەگى شينجياڭ حيكاياسىن ويداعىداي بايانداۋ جونىندە سىندارلى اقىل - كەڭەس بەردى.

  5 - ايدىڭ 7 - كۇنى جانە 5 - ايدىڭ 8 - كۇنى كەشتە، كولەمدى مۋزيكا، ءبي، ولەڭ، سۋرەت قويىلىمى «جەلەگىڭدى اش − شينجياڭ جاقسى جەر» شىنجىن ۇلكەن تەاترحاناسىندا قويىلدى. ”قويىلىمدى كورگەننەن كەيىن، مەن شينجياڭنىڭ جاقسى جەر ەكەندىگىن شىنايى سەزىندىم“. شىنجىن سيمفونيا ۇيىرمەسىنىڭ مۋزيكا باس باقىلاۋشىسى، ديريجەر لين دايە بىلاي دەدى: شينجياڭ مۋزيكا العاشقى ماتەريالىنىڭ قازىنا قويماسى، وتە كوپ اسەم اۋەندەرى مەن كوركەمونەر قازىناسىن اشۋعا تۋرا كەلەدى، «جەلەگىڭدى اش − شينجياڭ جاقسى جەر» سياقتى اناعۇرلىم كوپ تاڭداۋلى تۋىندىلاردىڭ ۇزدىكسىز جارىققا شىعۋىن كۇتەمىن.

  وسى رەتكى ارالاپ ويىن قويۋ فورما جاعىندا زور سەرپىلىس جاساپ، باستان - اياق ەلەكتروندى اۋەندەندىرۋ قولدانباي، زامانىمىزدا كەڭ تارالعان ويىن كورسەتۋ تىلىمەن ءبي، ءان - مۋزيكا، تەاتر، ەپوس ايتۋ جالپى بارىسى مەن ناقتى ورىندا وركەسترمەن سۇيەمەلدەۋدى كوركەمدىكپەن كورسەتتى، مۇنداي جوبالاۋ شينجياڭنىڭ ءان، ءبي، كۇيىنىڭ اۋەلگى بەينەلەۋ فورماتسياسى مەن كۇشتى كوركەمونەرلىك ناقتى قۋاتىن ەڭ جوعارى شەكتە ايگىلەدى. ”كونسەرت وسىزاماندانعان ءسوز ارقىلى نەگىزگى اۋەندى اسقاقتاتتى، ساحنا ءتىلى ايقىن، ارتيستەردىڭ بەينەلەۋى تابيعي بولىپ، كورەرمەندەرگە جاڭا داۋىردەگى شينجياڭ وبرازىن ايگىلەدى“، - دەدى شىنجىن قالالىق جازۋشىلار قوعامىنىڭ ورىنباسار ءتوراعاسى، ءان ءماتىنىن جازۋشى تيان دي.

  شىنجىن راديو - كينو - تەلەۆيزيا توبى كوڭىل اشۋ ورتالىعىنىڭ مەڭگەرۋشىسى، مەملەكەتتىك 1 - دارەجەلى رەجيسسەر شيا فىڭ بىلاي دەپ قارادى: قويىلىم جان - جاقتى، كوپ ساتىلى، ستەرەولدى تۇردە جۇڭگو شينجياڭىنىڭ حيكاياسىن ويداعىداي بايانداپ، پارتيا 18 - قۇرىلتايىنان بەرى شينجياڭنىڭ ەكونوميكالىق، قوعامدىق ىستەرىندە قول جەتكەن وراسان زور تابىستاردى جاندى كورسەتىپ، شينجياڭعا كومەكتەسۋ قىزمەتى جونىندەگى تەبىرەنىستى سۇيىسپەنشىلىكتى شىن جۇرەكتەن بەينەلەدى، ايبىنى اسقاق، تۋراشىلدىقتان اينىماي جاڭالىق اشقان، ”قويىلىم، اسىرەسە، كورەرمەندەردىڭ اسەر ەتۋ سەزىمى، ورتاق سۇيىسپەنشىلىگى جاقتارىندا بۇرىن - سوڭدى بولىپ كورمەگەن جاڭا دەڭگەيگە جەتىپ، كورەرمەندەرگە سىرتقا ەسىك اشقان شينجياڭنىڭ، دامىعان شينجياڭنىڭ، باقىتتى شينجياڭنىڭ كوز الدارىندا تۇرعانىن شىن مانىندە سەزىندىردى“.

  قويىلىم شينجياڭنىڭ جەرگىلىكتى كلاسسيك ۇلتتىق اندەرى، ۇلتتىق بيلەرى، ۇلتتىق مۋزيكا اسپاپتارى ورىنداۋشىلىعى سياقتىلاردى قامتىدى، سونداي - اق مۋزيكالىق قىسقا تەاتر سياقتى جاڭا كوركەمونەر جەتىستىكتەرىن توعىستىردى. ”بۇل قويىلىمدى ساياحاتپەن ءوزارا ۇشتاستىرىپ، ’مادەنيەت ارقىلى ساياحاتتى سومداۋ، ساياحات ارقىلى مادەنيەتكە ءنار بەرۋ‘ جولىمەن وسى تەاتردىڭ ىقپال كۇشىن ونان ارى كەڭەيتۋگە بولادى“، - دەدى شىنجىن قالالىق بيشىلەر قوعامىنىڭ ءتوراعاسى، مەملەكەتتىك 1 - دارەجەلى رەجيسسەر لين شۋسىن ۇسىنىس بەرىپ.

  ”تۇتاس قويىلىم مەيلىنشە ىقىلاسىمىزدى اۋدارىپ، سۇيىسپەنشىلىگىمىزدى تۋىنداتىپ، بىزگە جۇدىرىقتاي جۇمىلىپ ورگە ۇمتىلعان قۇدىرەتتى رۋحاني كۇش - قۋات سەزىندىردى. وسىنداي كۇش - قۋات بولعاندىقتان، شينجياڭنىڭ بولاشاعى بارعان سايىن جاقساراتىندىعىنا سەنىمدىمىز“، - دەدى شىنجىن قالالىق بيشىلەر قوعامىنىڭ ورىنباسار ءتوراعاسى جاڭ يۋەلۇڭ.
جاۋاپتى رەداكتورى : نۇرعيسا قۇرمانجان ۇلى