ما شيڭرۇي، ەركىن تۇنياز قازاقستان اۋىل شارۋاشىلىعى مينيسترلىگىنىڭ مينيسترى قاراشوكەيەۆپەن كەزدەستى
2023.05.12 16:34 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 9 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 5 - ايدىڭ 9 - كۇنى ۇرىمجىدە شينجياڭعا ساپارلاي كەلگەن قازاقستان اۋىل شارۋاشىلىعى مينيسترلىگىنىڭ مينيسترى قاراشوكەيەۆپەن جانە ونىڭ ساپارلاستارىمەن كەزدەستى، ءتوراعا شي جينپيڭنىڭ بىلتىر ورتا ازياعا ساپارى بايلانىسىمەن قازاقستاندا ساپاردا بولعان كەزىندە ەكى ەلدىڭ مەملەكەت باسشىلارى كەلىسكەن ماڭىزدى ورتاق تانىمدى تياناقتاندىرىپ، ەكى جاقتىڭ ەكونوميكا - ساۋدا اۋىس - كۇيىسىن، سەلبەستىگىن، اسىرەسە، ەگىن، مال شارۋاشىلىعى سالاسىنداعى سەلبەستىگىن ونان ارى تەرەڭدەتۋ جونىندە كەڭەس وتكىزدى، پىكىر اۋىستىردى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان قاراشوكەيەۆتىڭ جانە ونىڭ ساپارلاستارىنىڭ ەكسكۋرسيادا، ساپاردا بولۋ، اۋىس - كۇيىس، سەلبەستىك جاساسۋ ءۇشىن شينجياڭعا كەلگەندىگىن قارسى الدى. ول بىلاي دەدى: ەكى ەلدىڭ مەملەكەت باسشىلارىنىڭ ستراتەگيالىق جەتەكشىلىگىندە، جۇڭگو مەن قازاقستاننىڭ قارىم - قاتىناسى ۇزدىكسىز جوعارى دەڭگەيدە جۇرگىزىلىپ، ءار سالاداعى سەلبەستىگى ۇزدىكسىز تەرەڭدەدى. ەكى ەلدىڭ مەملەكەت باسشىلارىنىڭ ماڭىزدى ورتاق تانىمىن تياناقتاندىرۋ ءۇشىن، جۇڭگو شينجياڭ دوستىق اۋىس - كۇيىس ساپار ۇيىرمەسى تاياۋدا قازاقستاندا ساپاردا بولدى، بۇعان قازاقستان جاقتىڭ باسشىلارى جانە ءارقايسى جاقتارى وسكەلەڭ ءمان بەرىپ، بار پەيىلىمەن ورنالاستىرۋ جاسادى، ەكى جاق ءبىر قىدىرۋ سەلبەستىك نيەتىنە كەلىسىپ، كەلەسى قادامداعى سەلبەستىككە تىڭ ءورىس اشتى، ءبىز بۇعان شىن جۇرەكتەن العىس ايتامىز. جۇڭگونىڭ شينجياڭى − جۇڭگونىڭ قازاقستانمەن قارىم - قاتىناستى دامىتۋىنىڭ الدىڭعى شەبى، بۇرىننان بەرى قازاقستاننىڭ جەرگىلىكتى ورىندارىمەن تىعىز ەكونوميكا - ساۋدا سەلبەستىگى قارىم - قاتىناسىن ساقتاپ كەلەدى، ءار سالاداعى سەلبەستىكتىڭ مازمۇنى ۇزدىكسىز تەرەڭدەپ، تابىستارى ۇزدىكسىز كورنەكتىلەندى. وتە - موتە، ەكى جاقتىڭ اۋىل شارۋاشىلىعى سالاسىنداعى سەلبەستىگىنىڭ ءوزارا تولىقتاۋ سيپاتى كۇشتى، نەگىزى بەرىك. بيىل جىل باسىنان بەرى ساۋدا سوماسى بارىنشا ارتتى، كەلەشەگى توتەنشە كەڭ. ءبىز ەكى ەلدىڭ مەملەكەت باسشىلارى كەلىسكەن ماڭىزدى ورتاق تانىمدى ونان ارى ويداعىداي تياناقتاندىرىپ، قازاقستان جاقپەن ۇدايىلانعان اۋىس - كۇيىس، سەلبەستىك مەحانيزمىن ورناتىپ جانە كەمەلدەندىرىپ، ەگىن، مال شارۋاشىلىعى، ەكونوميكا - ساۋدا سەلبەستىگىن ۇزدىكسىز تەرەڭدەتىپ، اۋىل شارۋاشىلىعى ونىمدەرىن يمپورت ەتۋ تەبىنىن ارتتىرىپ، مال شارۋاشىلىعى ونىمدەرى جانە جەم - ءشوپ ساۋداسىن كەڭەيتىپ، اۋىل شارۋاشىلىعى عىلىم - تەحنيكاسى سەلبەستىگىن كۇشەيتىپ، ”ءوندىرۋ، وقىتۋ، زەرتتەۋ، قولدانۋ“ اۋىس - كۇيىسىن، ىقپالداستىعىن جانە حايۋاناتتار مەن وسىمدىكتەردى تەكسەرۋ، كارانتيندەۋ سەلبەستىگىن كۇشەيتىپ، اۋىل شارۋاشىلىعى سالاسىندا قوس باعىتتا قارجى قوسۋدى تەرەڭدەتىپ، ەگىن، مال شارۋاشىلىعىنا قارجى قوسۋ سەلبەستىگى كولەمىن ۇزدىكسىز كەڭەيتىپ، ابزالدىلىقتارىمەن ءبىرىن - ءبىرى تولىقتاۋ جانە ءوزارا تيىمدىلىك جەتكىزۋ سەلبەستىگىن اناعۇرلىم جوعارى دەڭگەيدە جۇزەگە اسىرىپ، جۇڭگو − قازاقستان قارىم - قاتىناسىنىڭ دامۋىن جەبەۋگە، جۇڭگو − قازاقستان تاعدىرلاس ورتاق تۇلعاسىن قۇرۋعا تىڭ قوزعاۋشى قۋات ۇستەۋدى قالايمىز.
قاراشوكەيەۆ جۇڭگونىڭ شينجياڭىنىڭ وسى رەتكى كەڭەستى دەن قويا ورنالاستىرعاندىعىنا العىس ايتتى. ول مىنالاردى ءبىلدىردى: قازاقستان − جۇڭگو ەكى ەلدىڭ مەملەكەت باسشىلارىنىڭ جەتەكشىلىگىندە ەكى جاقتىڭ قارىم - قاتىناسى ۇزدىكسىز تەرەڭدەدى، ەكونوميكا - ساۋدا سەلبەستىگى ۇزدىكسىز كەڭەيدى. جۇڭگونىڭ شينجياڭى − قازاقستاننىڭ جۇڭگومەن قارىم - قاتىناسىن دامىتۋداعى ەڭ ماڭىزدى ءوڭىر. قازاقستاننىڭ جۇڭگونىڭ شينجياڭىمەن ەكونوميكا - ساۋدا سەلبەستىگىنىڭ كولەمى تاياۋ جىلدارى ۇزدىكسىز كەڭەيىپ، قازاقستان مەن جۇڭگونىڭ سەلبەستىگىندە ماڭىزدى ۇلەس يەلەدى، بولاشاقتاعى سەلبەستىك ءورىسى كەڭ. جۇڭگونىڭ شينجياڭىمەن اۋىل شارۋاشىلىعى سالاسىنداعى سەلبەستىكتى ۇزدىكسىز كەڭەيتىپ، ەت ءتۇرى، استىق جانە ورگانيكالىق اۋىل شارۋاشىلىعى ونىمدەرى، كۇنجارا تەكتەس ونىمدەر، جەم - ءشوپ سياقتىلاردىڭ ساۋدا كولەمى مەن دەڭگەيىن ۇزدىكسىز جوعارىلاتىپ، ەگىمشىلىك تەحنيكاسى سياقتى ەگىن شارۋاشىلىعى عىلىم - تەحنيكاسى سەلبەستىگىن ۇزدىكسىز كۇشەيتىپ، ەگىن، مال شارۋاشىلىعى ونىمدەرىن تەكسەرۋ، كارانتيندەۋ سەلبەستىگىن كۇشەيتىپ، ەكى جاق سەلبەستىگىنىڭ ءتىپتى دە كوپ ناقتى جەتىستىكتەرگە قول جەتكىزۋىن جەبەۋدى ءۇمىت ەتەمىن.
قازاقستان ساۋدا جانە ءبىر تۇلعالاندىرۋ مينيسترلىگىنىڭ ورىنباسار مينيسترى تولەبايەۆ جانە اۋىل شارۋاشىلىعى مينيسترلىگىنىڭ قاتىستى جاۋاپتىلارى، قازاقستاننىڭ جۇڭگودا تۇراتىن باس ەلشىلىگىنىڭ قاتىستى قىزمەتكەرلەرى، قازاقستان جاقتىڭ اۋىل شارۋاشىلىعى سالاسىنداعى قاتىستى كاسىپتەردىڭ، كاسىپورىنداردىڭ جاۋاپتىلارى كەزدەسۋگە قاتىناستى. قادەن كابەن، ءماردان مۇحيت قاتارلىلار كەزدەسۋگە قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
